ସୋ ଷ୍ଟପର ଭାବେ ଚାଲିବାରେ ପ୍ରଥମ ବଲିଉଡ୍ ତାରକା
ନୂଆଦିଲ୍ଲୀ: ଆରବ ଫ୍ୟାସନ ସପ୍ତାହରେ ସୋ ଷ୍ଟପର୍ ଭାବରେ ରାମ୍ପ ଚାଲିବାରେ ଉର୍ବଶୀ ରାଉତେଲା ଏବେ ବଲିଉଡର ପ୍ରଥମ ଭାରତୀୟ ତାରକା। ଅଭିନେତ୍ରୀ ଉର୍ବଶୀ ରାଉତେଲା ଜଣେ ଫ୍ୟାସନ୍ ଆଇକନ୍ ଭାବରେ ଜଣାଶୁଣା। ତାଙ୍କ ଦ୍ୱାରା ପିନ୍ଧାଯାଇଥିବା ଯେ କୌଣସି ପୋଷାକ ଶୀଘ୍ର ଏକ ଫ୍ୟାସନ୍ ଟ୍ରେଣ୍ଡରେ ପରିଣତ ହୁଏ ବୋଲି ବିଶ୍ବାସ କରାଯାଏ। ଉର୍ବଶୀ ତାଙ୍କ ଫ୍ୟାସନ ପାଇଁ ଅନେକ ଥର ଦେଶକୁ ପ୍ରତିନିଧିତ୍ୱ କରିଛନ୍ତି।
ଉର୍ବଶୀ ମିସ୍ ୟୁନିଭର୍ସ ୨୦୧୫ ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରିଥିଲେ; ଯେଉଁଠାରେ ତାଙ୍କୁ ମିସ୍ ଡିଭା ୟୁନିଭର୍ସ 2015 ମୁକୁଟ ପିନ୍ଧାଯାଇଥିଲା। ସେ ଏବେ ଦୁବାଇରେ ଅଛନ୍ତି ଓ ଭାରତର ନାମକୁ ଉଜ୍ଜ୍ୱଳ କରିଛନ୍ତି। ଉର୍ବଶୀ ରାଉତେଲା ଜିରାଫକୁ ପତ୍ର ଖାଇବାକୁ ଦେଉଥିଲେ, ତା’ପରେ ପାଟିରୁ ଏପରି ସ୍ୱର ବାହାରିଲା, ଯାହା ସମସ୍ତଙ୍କୁ ଆମୋଦିତ କରିଥିଲା। ଏକ ସୁବର୍ଣ୍ଣ ପୋଷାକରେ ସେ ଝଟକିଥିଲେ। ନୃତ୍ୟ ରିହର୍ସାଲ୍ କରିବା ସମୟରେ ଉର୍ବଶୀ ରାଉତେଲା ଚମତ୍କାର ପ୍ରଦର୍ଶନ କରିଥିଲେ।
ଉର୍ବଶୀ କହିଛନ୍ତି, “ମୁଁ ଆରବ ଫ୍ୟାସନ ସପ୍ତାହରେ ସୋ ଷ୍ଟପର୍ ହେବାରେ ପ୍ରଥମ ଭାରତୀୟ ବଲିଉଡ ଅଭିନେତା ହେବାର ଗୌରବ ପାଇଥିବାରୁ ନିଜକୁ ଭାଗ୍ୟବାନ ମନେ କରୁଛି। ଏହା ଦୁନିଆର ସବୁଠୁ ବଡ ତଥା ସମ୍ମାନଜନକ କାର୍ଯ୍ୟକ୍ରମ ଅଟେ। ଏକ ଆନ୍ତର୍ଜାତୀୟ ପ୍ଲାଟଫର୍ମରେ ଆମ ଦେଶକୁ ପ୍ରତିନିଧିତ୍ୱ କରୁଥିବା ପ୍ରଥମ ଭାରତୀୟ ହୋଇଥିବାରୁ ମୁଁ ଗର୍ବିତ ଅନୁଭବ କରିଛି, ଏବଂ ଡିଜାଇନର୍ ଫର୍ନେ ଆମାଟୋ ମଧ୍ୟ ମୋ ଉପରେ ସେହି ପ୍ରକାରର ଆତ୍ମବିଶ୍ୱାସ ପ୍ରକଟ କରି ‘ଆରବୀୟ ଯୋଦ୍ଧା ରାଜକୁମାରୀ’ ଭାବରେ ଦର୍ଶାଇଛନ୍ତି।
ସେ ଆହୁରି କହିଛନ୍ତି, ମୁଁ ଏକ ଛୋଟ ଫ୍ୟାସନ ଚଳଚ୍ଚିତ୍ର ପାଇଁ ମଧ୍ୟ ସୁଟିଂ କରିଛି, ଯାହା ସମାନତା ବିଷୟରେ ବାର୍ତ୍ତା ଦେଖାଏ। ଜାତିଭେଦ ଏବଂ ଅସମାନତାକୁ କିପରି ମୁକାବିଲା କରିବାକୁ ହୁଏ ତାହା ଶିଖାଏ।