ପ୍ରମୁଖ ଖବର

ସ୍ବର୍ଗତଃ ମନ୍ତ୍ରୀ ନବ ଦାସଙ୍କ ପୁଅ ବିଶାଳ ଦାସଙ୍କୁ ପଚରାଉଚରା ସୂଚନା। ଆୟକର ବିଭାଗର ପଚରାଉଚରା ସୂଚନା। ପ୍ରାୟ ୪ ଘଣ୍ଟା ଧରି ପଚରାଉଚରା କରାଯାଇଥିବା ପ୍ରାଥମିକ ସୂଚନା
।ବିଜେପିରୁ ବରିଷ୍ଠ ନେତା ବିଜୟ ମହାପାତ୍ର ବହିଷ୍କୃତ, ଦଳ ବିରୋଧୀ କାର୍ଯ୍ୟ ଓ ଅନୁଶାସନ ଭଙ୍ଗ ଅଭିଯୋଗରେ ବହିଷ୍କୃତ
ବିଜେଡି କର୍ମୀଙ୍କ ଆକ୍ରମଣ ବିଜେପି କର୍ମୀଙ୍କ ମୃତ୍ୟୁ, ୩ ଜଣ ଗୁରୁତର ଆହତ
ସ୍ଥିତି ଅଣାୟତ୍ତ ହେଉଥିବା ଦେଖି ଗଞ୍ଜାମ ଜିଲ୍ଲା ପ୍ରଶାସନ ୧୪୪ ଧାରି ଜାରି, ଗଞ୍ଜାମ ଜିଲ୍ଲାରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି
ପୁରୀରେ ସଫେଇ କର୍ମଚାରୀଙ୍କ ଉପରେ ବୋମା ମାଡ଼, ଘଟଣାରେ ଦୁଇ ଜଣ ସଫେଇ କର୍ମଚାରୀ ଆହତ

ପୁଣି ପଞ୍ଝା ମେଲାଇଲାଣି କରୋନା

0

ଭୁବନେଶ୍ବର: ଗତବର୍ଷ ଭଳି ସମାନ ଢଙ୍ଗରେ ଏପ୍ରିଲ ଆରମ୍ଭରେ କରୋନା ତାର କାୟା ବିସ୍ତାର କରିବା ଆରମ୍ଭ କଲାଣି। ଏକାଥରକେ ଶହେ ଡେଇଁ କୋଭିଡ୍ ପଜିଟିଭ୍‌ଙ୍କ ସଂଖ୍ୟା ଆଜି ୩୯୪ରେ ପହଞ୍ଚିଛି। ଅର୍ଥାତ୍ ସିଧା ୪ଶହ ପାଖାପାଖି ଛୁଇଁଛି। ଏବର୍ଷର ଏହା ସର୍ବାଧିକ କରୋନା ସଂକ୍ରମଣ। ଗତ ୨୪ ଘଣ୍ଟା ମଧ୍ୟରେ ୨୯ ହଜାର ୨୬୦ ଜଣଙ୍କର କୋଭିଡ୍ ପରୀକ୍ଷା ହୋଇଥିଲା। ଆହୁରି ସରଳ ଭାବେ କହିଲେ, ପରୀକ୍ଷା ବଢ଼ିବା କାରଣରୁ କୋଭିଡ୍ ସଂକ୍ରମିତ ଅଧିକ ସଂଖ୍ୟାରେ ସାମ୍ନାକୁ ଆସିଛନ୍ତି।

ହେଲେ ଆଶ୍ବସ୍ତିର ବିଷୟ ହେଉଛି, ଆଜିଠାରୁ ସରକାର ୪୫ବର୍ଷରୁ ଅଧିକ ଲୋକଙ୍କୁ ଟିକା ଦେବା ଆରମ୍ଭ କରିଛନ୍ତି। ଦୈନିକ ପ୍ରାୟ ୨ଲକ୍ଷ ଲୋକଙ୍କୁ ଟିକା ଦେବାକୁ ଲକ୍ଷ୍ୟ ରଖାଯାଇଛି।

ସରକାରୀ ପରିସଂଖ୍ୟାନ ଅନୁଯାୟୀ, ଅନୁଗୁଳରେ ୨୪, ବରଗଡରେ ୩୪, କଟକରେ ୨୭, , କଳାହାଣ୍ଡିରେ ୪୩, ଖୋର୍ଧାରେ ୭୦, ସୁନ୍ଦରଗଡରେ ୩୧ ଜଣଙ୍କ ଠାରେ କରୋନା ଭୁତାଣୁ ଚିହ୍ନଟ ହୋଇଛି। ବର୍ତ୍ତମାନ ୨୫ଟ ଜିଲ୍ଲାରେ କରୋନା ତାର ଉପସ୍ଥିତି ରଖିଲାଣି।

ଅନ୍ୟପକ୍ଷରେ ଜାତୀୟସ୍ତରରେ ଅତି ଉଦ୍‌ବେଗଜନକ ସ୍ଥିତିକୁ ଚାଲିଗଲାଣି କରୋନା। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ତଥ୍ୟ ଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ୪୫୯ଜଣଙ୍କର କରୋନା ଜନିତ ମୃତ୍ୟୁ ହୋଇଛି। ଏଥିସହିତ ଦେଶର ମୋଟ କରୋନା ମୃତ୍ୟୁ ସଂଖ୍ୟା ୧ଲକ୍ଷ ୬୨ହଜାର ୯୨୭ଛୁଇଁଛି। ଦେଶରେ ଏଯାଏ ୬କୋଟି ୫୧ଲକ୍ଷ ୧୭ ହଜାର ୮୯୬ଜଣଙ୍କୁ ଟିକା ଦିଆଯାଇସାରିଲାଣି।

Leave A Reply

Your email address will not be published.