ୟୁକ୍ରେନ ଓ ଋଷ ସୀମାରେ ଉେତ୍ତଜନା ଜାରି ରହିଛି । ୟୁକ୍ରେନ ଉପରେ ଋଷ ଆକ୍ରମଣର ଭୟ ଲଗାତର ଲାଗି ରହିଛି । ଏହି ସମୟରେ ଖବର ମିଳିଛି ଯେ , ଆମେରିକା ୟୁକ୍ରେନର ରାଜଧାନୀରେ କିୱିଭିରେ ଥିବା ନିଜ ଦୂତବାସକୁ ଖାଲି କରୁଛି । ଏବିସି ନ୍ୟୁଜ ରିପୋର୍ଟ ଅନୁସାରେ, ଆମେରିକା ବିଦେଶା ମନ୍ତ୍ରାଳୟ ରବିବାର ଅପରାହ୍ନରେ ଏକ ଟ୍ରାଭେଲ ଆଡଭାଇଜରି ଜାରି କରିଛି । ଏବଂ ୟୁକ୍ରେନରେ ରହୁଥିବା ଆମେରିକା ନାଗରିକଙ୍କୁ ଦେଶକୁ ଫେରିବାକୁ ପରାମର୍ଶ ଦେଇଛି ।
ବିଦେଶ ମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି, ,ଏହା ଚତୁର ସାବଧାନତା ଅଟ, ଯାହା କୌଣସି ପ୍ରକାର ୟୁକ୍ରେନ ପ୍ରତି ଆମର ପ୍ରତିବଦ୍ଧତା ଓ ସମର୍ଥନକୁ ଦୁର୍ବଳ କରିବ ନାହିଁ । ଅଧକାରୀ ଜଣକ କହିଛନ୍ତି ଯେ, ଋଷ ପକ୍ଷରୁ ୟୁକ୍ରେନ ସୀମାରେ ସୈନ୍ୟ ମୁତୟନ ଦେଖି ଏଭଳି ପଦକ୍ଷେପ ନିଆଯାଉଛି ।ନିକଟରେ ଖବର ଆସିଥିଲା ଯେ, ଋଷ ମଧ୍ୟ ୟୁକ୍ରେନରୁ ନିଜ କୂଟନୀତିଜ୍ଞ ଓ ତାଙ୍କ ପରିବାରକୁ ଦେଶକୁ ଫେରିଆସିବାକୁ କହିଛି ।
ନ୍ୟୁୟର୍କ ଟାଇମ୍ସ ଏକ ରିପୋର୍ଟ ପ୍ରକାଶ କରିଥିଲା ଯେଉଁଥିରେ ଦାବି କରାଯାଇଥିଲା ଯେ, ୧୮ ଜଣ ଲୋକ,ଯେଉଁଥିରେ ଋଷ କୂଟନୀତିଜ୍ଞଙ୍କ ପିଲା ଓ ପତ୍ନୀ ଥିଲେ ସେମାନେ ଜାନୁଆରୀ ୫ ତାରିଖରେ ୟୁକ୍ରେନ ଛାଡ଼ି ପଳାଇଛନ୍ତି ।ଏହାର ଦୁଇ ସପ୍ତାହ ମଧ୍ୟରେ ଆହୁରି ୩୦ ଜଣ ୟୁକ୍ରେନ ଛାଡି ଚାଲିଯାଇଥିବା ଜଣାପଡିଛି । ତେବେ ଆମେରିକା ଓ ଋଷ କୂଟନୀତିଜ୍ଞ ୟୁକ୍ରେନ ଛାଡିବା ଖବର ଏଭଳି ସମୟରେ ଆସିଛି ଯେତେବେଳେ ୟୁକ୍ରେନ ଉପରେ ଋଷ ଆକ୍ରମଣ କରିବାର ଭୟ ଲାଗିରହିଛି । ହେଲେ ଋଷ ଲଗାତର ଏହା କହିଆସୁଛି ଯେ, ସେ ୟୁକ୍ରେନ ଉପରେ ଆକ୍ରମଣ ପାଇଁ କୌଣସି ଯୋଜାନା କରିନାହିଁ ।
ଏପଟେ ଆମେରିକା ୟୁକ୍ରେନ ଉପରେ ଋଷ ଆକ୍ରମଣକୁ ନେଇ ଲଗାତର ଚେତାବନୀ ଦେଇଆସୁଛି । ପେଣ୍ଟାଗନ ପ୍ରବକ୍ତା ଜନ କିର୍ବି କିଛି ସମୟ ପୂର୍ବରୁ କହିଛନ୍ତି ଯେ, ଋଷ ଏଭଳି ଏକ ଯୋଜନାରେ କାମ କରୁଛି, ଯେଉଁଥିରେ ଜଣାପଡୁଛି ଯେ, ୟୁକ୍ରେନ ତାକୁ ଆକ୍ରମଣ ପାଇଁ ଉସକାଉଛି । ସେହିପରି ଋଷ ଆକ୍ରମଣ ପାଇଁ ବାହାନା ଖୋଜୁଛି । ଗତ ବୁଧବାର ଆମେରିକା ବିଦେଶ ମନ୍ତ୍ରୀ ଆ ନି ବ୍ଲିଙ୍କିନ ୟୁକ୍ରେନ ଗସ୍ତ କରିଥିଲେ। ଏହା ପରେ ଆମେରିକା ରାଷ୍ଟ୍ରପତି ଜୋ ବାଇଡେନ ଋଷକୁ ଚେତାବନୀ ବି ଦେଇଥିଲେ, ଯଦି ଋଷ ୟୁକ୍ରେନ ଉପରେ ଆକ୍ରମଣ କରେ ତେବେ ପରିଣାମ ଭୋଗିବାକୁ ପଡିବ ।
୧୯୯୧ରେ ସୋଭିଏତ ୟୁନିୟନର ବିଲୋପ ପରେ ୟୁକ୍ରେନକୁ ସ୍ୱାଧୀନତା ମିଳିଥିଲା । ୟୁକ୍ରେନରେ ଋଷ ଭାଷା କହୁଥିବା ଲୋକଙ୍କ ସଂଖ୍ୟା ଯଥେଷ୍ଟ ଅଧିକ । ୨୦୧୪ରେ ୟୁକ୍ରେନର ଋଷ ସମର୍ଥିତ ସରକାର ବିରୋଧରେ ବଡ଼ ପ୍ରଦର୍ଶନ ହୋଇଥିଲା ଏବଂ ସରକାରଙ୍କୁ ଇସ୍ତଫା ଦେବାକୁ ପଡିଥିଲା । ଏଭଳି ସୁଯୋଗର ଫାଇଦା ଉଠାଇ ଋଷ ୟୁକ୍ରେନର ଅଂଶ କିମିଆକୁ କବଜା କରିନେଲା । ହେଲ ଋଷ ଯୁକ୍ତି ଦର୍ଶାଇଥିଲା ଯେ, ଋଷ ଭାଷା ଲୋକଙ୍କୁ ବିଦ୍ରୋହରୁ ରକ୍ଷା କରିବା ତାର କତ୍ତର୍ବ୍ୟ ଥିଲା । ଏହା ପରେ ୟୁକ୍ରେନ ପଶ୍ଚିମ ଦେଶ ସହିତ ନିଜ ସଂପର୍କରେ ମଜବୁତ କରୁଛି । ଯାହାକୁ ଋଷ ବିରୋଧ କରୁଛି । ନାଟୋ ସହ ୟୁକ୍ରେନର ଘନିଷ୍ଠତା ମଧ୍ୟ ଋଷ ପାଇଁ ଚିନ୍ତାର ବିଷୟ । ଏହି କାରଣରୁ ଦୁଇ ଦେଶ ମଧ୍ୟ ବିବାଦ ସବୁବେଳେ ଲାଗିରହିଛି ।