ବଧାଇ ହୋ..ବଧାଇ ହୋ… । ଘରକୁ ଲକ୍ଷ୍ମୀ ଆସିଛନ୍ତି । ଆଜ୍ଞା ହଁ ଆମେ କହୁଛୁ ଅଭିନେତା ତଥା ସିଙ୍ଗର ଆଦିତ୍ୟ ନାରାୟଣଙ୍କ କଥା । ଏହାରି ମଧ୍ୟରେ ବାପା ହୋଇଛନ୍ତି ଆଦିତ୍ୟ ନାରାୟଣ । ଆଦିତ୍ୟଙ୍କ ପତ୍ନୀ ଶ୍ୱେତା ଅଗ୍ରୱାଲ କନ୍ୟା ସନ୍ତାନକୁ ଜନ୍ମ ଦେଇଛନ୍ତି । ଆଦିତ୍ୟ ବାପା ହେବାର ଖୁସି ଖବର ନିଜେ ଇନଷ୍ଟାରେ ସେୟାର କରିଛନ୍ତି । ଆଦିତ୍ୟ କହିଛନ୍ତି ସେ ଏକ ଝିଅର ବାପା ହୋଇଥିବାରୁ ବହୁତ ଖୁସି ଅଛନ୍ତି । ଆଦିତ୍ୟଙ୍କ ଫ୍ୟାନ୍ସ ମାନେ ମଧ୍ୟ ତାଙ୍କୁ ଏନେଇ ଶୁଭେଚ୍ଚା ଜଣାଇଛନ୍ତି । ଶ୍ୱେତା ଅଗ୍ରୱାଲ ଫେବୃଆରୀ ୨୪ରେ ଏକ ଝିଅ ଜନ୍ମ ଦେଇଛନ୍ତି ।
ତେବେ ଖୁସିର କଥା ହେଲା ଯେ ଆଦିତ୍ୟ ଏକ ଝିଅ ଚାହୁଁଥିବା ବେଳେ ଏବେ ସେ ଝିଅ ଜନ୍ମ ହେବାପରେ ବହୁତ ଖୁସି ଅଛନ୍ତି । ଆଦିତ୍ୟ ନାରାୟଣ ବମ୍ବେ ଟାଇମ୍ସ ସହ ଆଲୋଚନା ସମୟରେ କହିଥିଲେ ଯେ, ସମସ୍ତେ ମୋତେ କହୁଛନ୍ତି ଯେ ଆମର ପୁଅ ହେବ । କିନ୍ତୁ ମୁଁ ଚାହୁଁଛି ଯେ , ମୋର ଝିଅ ହେଉ । ମୋତେ ଲାଗୁଛି ଯେ ଜଣେ ଝିଅ ବାପାର ବହୁତ ନିଜର ହୋଇଥାଏ । ମୁଁ ବହୁତ ଖୁସି ଅଛି ଯେ, ମୋର ଝିଅ ହୋଇଛି । ଶ୍ୱେତାଙ୍କ ପାଇଁ ମୋର ଭଲପାଇବା ଦୁଇଗୁଣା ହୋଇଯାଇଛି ବୋଲି କହିଛନ୍ତି ଆଦିତ୍ୟ ନାରାୟଣ ।