- ବାୟୁ ପରେ ଏବେ ଜଳ ପ୍ରଦୂଷଣ
- ବାୟୁ ପ୍ରଦୂଷଣ ପରେ ଏବେ ଜଳ ପ୍ରଦୂଷଣ
- ଯମୁନା ନଦୀର ଚାରିଆଡେ ଖାଲି ଧଳା ଫେଣ
- ହସ୍ପିଟାଲରେ ବଢିବାରେ ଲାଗିଛି ରୋଗୀଙ୍କ ସଂଖ୍ୟା
ନୂଆଦିଲ୍ଲୀ; ଦିନକୁ ଦିନ ବିଷାକ୍ତ ହେବାରେ ଲାଗିଛି ରାଜଧାନୀ ଦିଲ୍ଲୀ । ଦିଲ୍ଲୀରେ ବାୟୁ ପ୍ରଦୂଷଣ ବୃଦ୍ଧି ପାଇଥିବା ବେଳେ ଏବେ ଜଳ ପ୍ରଦୂଷଣ ଦେଖିବାକୁ ମିଳିଛି । ଦିଲ୍ଲୀ ଦେଇ ଯାଉଥିବା ଯମୁନା ନଦୀରେ ହଠାତ୍ ପ୍ରଦୂଷଣର ମାତ୍ରା ବୃଦ୍ଧି ପାଇଛି । ଗୁରୁବାର ସକାଳେ ନଦୀର ସବୁ ସ୍ଥାନରେ ଧଳା ଫେଣ ଦେଖାଯିବା ଆରମ୍ଭ ହୋଇଛି । ଦିଲ୍ଲୀର କାଲିଣ୍ଡି କୁଞ୍ଜ ନିକଟ ଯମୁନା ନଦୀରେ ବିଷାକ୍ତ ଫେଣ ଭାସୁଥିବା ଦେଖାଯାଇଥିଲା । ଯାହା ଫଳରେ ନଦୀ କୂଳରେ ଠିଆ ହେବା ମଧ୍ୟ କଷ୍ଟକର ହେଇପଡିଥିଲା। ଏପରି ପରିସ୍ଥିତିରେ, ଯମୁନାରେ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରିବା ଭକ୍ତମାନଙ୍କ ପାଇଁ କ୍ଷତିକାରକ ବୋଲି ପ୍ରମାଣିତ ହୋଇପାରେ ।
ଉଲ୍ଲେଖଥାଉ କି, ଛଟ୍ ପୂଜା ପୂର୍ବରୁ ଯମୁନାରେ ଏହି ଚିତ୍ରଗୁଡ଼ିକ ସାଧାରଣ ଅଟେ | ତେବେ ଶୁକ୍ରବାରଠାରୁ ଛଟ୍ ପୂଜା ଆରମ୍ଭ ହେବାକୁ ଥିବା ବେଳେ ଏଭଳି ସ୍ଥିତି ଏବେ ଚିନ୍ତା ବଢାଇ ଦେଇଛି । ଏଭଳି ପରିସ୍ଥିତିରେ ଯମୁନା ନଦୀରେ ବିଷାକ୍ତ ଫେଣର ଉପସ୍ଥିତି ଯୋଗୁଁ ଆଗକୁ ସମସ୍ୟା ଆହୁରି ବଢିପାରେ। ସେପଟେ ଦୀପାବଳି ପରେ ଦିଲ୍ଲୀ-ଏନସିଆରରେ ବାୟୁ ପ୍ରଦୂଷଣର ପରିସ୍ଥିତି ମଧ୍ୟ ଗୁରୁତର ହୋଇଛି । ଏକ୍ୟୁଆଇ ର ସ୍ତର ଅତ୍ୟନ୍ତ ବିପଜ୍ଜନକ ସ୍ତରରେ ପହଞ୍ଚିଛି | ଦିଲ୍ଲୀର ବାୟୁରେ ବିଷାକ୍ତ କଣିକା ପାଇବାର ପ୍ରଭାବ ମଧ୍ୟ ଦେଖିବାକୁ ମିଳୁଛି | ବାୟୁ ପ୍ରଦୂଷଣ ଯୋଗୁଁ ଆଲର୍ଜି ଏବଂ ଶ୍ୱାସ ରୋଗର ଘଟଣା ଯଥେଷ୍ଟ ବୃଦ୍ଧି ପାଇଛି | ଦିଲ୍ଲୀ ଡାକ୍ତରଖାନାରେ ଏଭଳି ରୋଗୀଙ୍କ ଭିଡ ବୃଦ୍ଧି ପାଇଛି।
ଦିଲ୍ଲୀ-ଏନସିଆରରେ ବାୟୁ ଗୁଣବତ୍ତା ଖରାପ ହେବା ସହ ହେତୁ କାଶ, ନିଶ୍ୱାସ ପ୍ରଶ୍ୱାସ ଅସୁବିଧା, ଆଖି ଖରାପ, ଫୁସଫୁସ୍ ଜନିତ ସମସ୍ୟା, ଗୁରୁତର ପୋଷ୍ଟ-କୋଭିଡ୍ ସିକ୍ୱେଲ ଭଳି ରୋଗ ସମସ୍ୟା ଆଗକୁ ଆହୁରି ବଢିପାରେ । ଏହା ସହିତ ଆଜମା ଆକ୍ରମଣର ମାମଲା ମଧ୍ୟ ବୃଦ୍ଧି ପାଇଛି । ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ ଖରାପ ବାୟୁ ଗୁଣବତ୍ତା ମଣିଷ ଶରୀରରେ ଇନସୁଲିନ୍ ପ୍ରତିରୋଧ ସୃଷ୍ଟି ହୁଏ । ଫଳରେ ମଧୁମେହ ହେବାର ଯଥେଷ୍ଟ ସମ୍ଭାବନା ରହିଛି । ଏହାବ୍ୟତୀତ ହୃଦଘାତ ଆଉ ଏକ ଗୁରୁତର ସମସ୍ୟା । ଏହାସହ ଲୋକଙ୍କଠାରେ ଚର୍ମ ଓ ଚକ୍ଷୁ ଆଲର୍ଜି ସହ ମହିଳାଙ୍କ ଠାରେ ପ୍ରଜନନ କ୍ଷମତାକୁ ମଧ୍ୟ ଏହି ପ୍ରଦୂଷଣ ପ୍ରଭାବିତ କରିପାରେ । ତେଣୁ ସରକାର ଏନେଇ ଯଥାଶୀଘ୍ର ପଦକ୍ଷେପ ନେବାକୁ ବିଶେଷଜ୍ଞମାନେ ଚେତାବନୀ ଦେଇଛନ୍ତି ।