କଟକ: ଖାଇବା ଘିଅ, ଡିଟରଜେଣ୍ଟ ପାଉଡରଠାରୁ ଆରମ୍ଭ କରି ନକଲି ସସ୍,ନଡ଼ିଆ ତେଲା ହଳଦୀ ଗୁଣ୍ଡ, ଜର୍ଦା ପର୍ଯ୍ୟନ୍ତ ଅପମିଶ୍ରଣ କରାଯାଉଥିବା ଦେଖିବାକୁ ମିଳିଥିଲା। ବର୍ତ୍ତମାନ ତାଲିକାରେ ସାମିଲ ହୋଇଛି ନକଲି କ୍ଷୀର। ଏକ ଘରୋଇ କମ୍ପାନୀର ନାଁ’ରେ ନକଲି କ୍ଷୀର ପ୍ରସ୍ତୁତ କରି ବିକ୍ରି କରୁଥିବା କାରଖାନାକୁ ସିଲ୍ କରିଛି ପୋଲିସ।
କଟକ ଜଗତପୁର ଥାନା ଆତୋଡା ଛକରେ ଥିବା ନକଲି କ୍ଷୀର କମ୍ପାନୀରେ ସୋମବାର ଚଢାଉ ହୋଇଛି। କମିଶନରେଟ୍ ପୁଲିସର ଏକ ଦଳ କୁଇଣ୍ଟାଲ କୁଇଣ୍ଟାଲ ଅପମିଶ୍ରିତ କ୍ଷୀର ଜବତ କରିଛି। ଅପମିଶ୍ରଣ କ୍ଷୀରରେ ରାସାୟନିକ ଗୁଣ୍ଡ ମିଶୁଥିବା ପ୍ରାଥମିକ ତଦନ୍ତରୁ ଜଣାପଡିଛି ।‘ରୋହିଣୀ’ ବ୍ରାଣ୍ଡ ନାମରେ ବିକ୍ରି ହେଉଥିବା ଦହି ଏବଂ ଲସି ପରି କ୍ଷୀର ଏବଂ ଦୁଗ୍ଧଜାତ ଦ୍ରବ୍ୟ କେବଳ ଅପରିଷ୍କାର ପରିବେଶରେ ଉତ୍ପାଦିତ ହେଉନାଥଲା ବରଂ ସୋଡିୟମ୍ ହାଇଡ୍ରକ୍ସାଇଡ୍, ଲୁଣ ଏବଂ ଦୂଷିତ ଜଳ ପରି ରାସାୟନିକ ପଦାର୍ଥରେ ମଧ୍ୟ ଅପମିଶ୍ରଣରେ ବ୍ୟବହାର ହେଉଥିବା ଜଣାପଡିଥିଲା। ବ୍ୟବସାୟୀ ଜଣକ ମହାରାଷ୍ଟ୍ରରୁ କଞ୍ଚାମାଲ କିଣି ଏଠାରେ ବିକ୍ରି କରୁଥିବା ପୋଲିସ କହିଛି।
ଏହି ଉତ୍ପାଦଗୁଡିକ ଅନ୍ୟ ସ୍ଥାନ ମଧ୍ୟରେ କଟକ, ଯାଜପୁର, ପୁରୀ ଏବଂ କେନ୍ଦ୍ରାପଡାରେ ବିକ୍ରି ହେଉଥିଲା ବୋଲି ପୋଲିସ କହିଛି।କମ୍ପାନୀକୁ ସିଲ୍ କରାଯାଇ ପରୀକ୍ଷା ପାଇଁ କ୍ଷୀର ସାମ୍ପଲକୁ ପଠାଯାଇଛି। ମାଲିକଙ୍କୁ ଅଟକ ରଖି ପୁଲିସ ପଚରାଉଚରା କରୁଛି ।