ଭୁବନେଶ୍ବର: ଦକ୍ଷିଣ ପଶ୍ଚିମ ବଙ୍ଗୋପସାଗର ରେ ରହିଥିବା ଲଘୁଚାପ କ୍ଷେତ୍ର ଆଜି ଅପରାହ୍ନ ରେ ସଦୃଶ ଲଘୁଚାପ ରେ ପରିଣତ ହୋଇଛି। ଏହି ସିଷ୍ଟମ୍ ଟି ଏବେ ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ଆସନ୍ତା ୨୪ ଘଣ୍ଟାରେ ଉତ୍ତର ତାମିଲନାଡୁ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ନିକଟରେ ପହଞ୍ଚିବ ଏବଂ ପରେ ପୁଣି ଉତ୍ତର ଦିଗରେ ଗତି କରି ଆନ୍ଧ୍ରପ୍ରଦେଶ ଉପକୂଳ ଦେଇ ସମାନ୍ତରାଳ ଭାବେ ଗତି କରିବାର ସମ୍ଭାବନା ରହିଛି। ଆଉ ଏକ ପଶ୍ଚିମଝଡ଼ ୬୦° ପୂର୍ବ ଦ୍ରାଘିମା ରେଖା ଓ ୨୮°ଉତ୍ତର ଅକ୍ଷାଂଶ ରେ ରହିଛି।
ପ୍ରଭାବ ରେ ଆସନ୍ତା ୩ ଦିନ ଯାଏଁ ରାଜ୍ୟ ରେ ପାଗ କୋହୋଲା ରହିବା ସହ ବର୍ଷା ସମ୍ଭାବନା ଅଛି। ମାଲକାନଗିରି, କୋରାପୁଟ, ରାୟଗଡ଼ା, ନବରଙ୍ଗପୁର, କଳାହାଣ୍ଡି, କନ୍ଧମାଳ, ଗଜପତି, ଗଞ୍ଜାମ, ପୁରୀ, ଖୋର୍ଦ୍ଧା, ନୟାଗଡ, କଟକ, ଜଗତସିଂହପୁର ଜିଲ୍ଲାରେ ଘଡ଼ଘଡ଼ି ସହ ଅଳ୍ପ ରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ତେବେ ୨୦-୨୧ ତାରିଖ ରେ ଏହି ସବୁ ଜିଲ୍ଲା ସହିତ କେନ୍ଦ୍ରାପଡା, ଯାଜପୁର, ଭଦ୍ରକ, ବାଲେଶ୍ଵର ଜିଲ୍ଲାରେ ବର୍ଷା ସମ୍ଭାବନା ଅଛି।
ଏହି ସମୟ ରେ ରାତି ତାପମାତ୍ରା ସ୍ଵାଭାବିକ ଠାରୁ ଅଧିକ ରହିବା ବେଳେ ଦିନ ତାପମାତ୍ରା କମ୍ ରହିବ। ୨୨ ତାରିଖ ରୁ ପାଗ ରେ ପରିବର୍ତ୍ତନ ହେବା ସହ ପରବର୍ତ୍ତୀ ସମୟରେ ରାତି ତାପମାତ୍ରା କମିବ ଓ ଶୀତ ଧିରେଧିରେ ବୃଦ୍ଧି ହେବାର ସମ୍ଭାବନା ରହିଛି।
ପୂର୍ବାନୁମାନ- ସାର୍ଥକ ମିଶ୍ର