ଭୁବନେଶ୍ବର: ଆସନ୍ତା ମେ ୨୭ ତାରିଖ ଅର୍ଥାତ୍ ମଙ୍ଗଳବାର ସରକାରୀ ଛୁଟି ନୁହେଁ, ବରଂ ମେ ୨୬, ସେମାବାର ସମସ୍ତ ସରକାରୀ ଅଫିସ୍ ବନ୍ଦ ରହିବ। ସାବିତ୍ରୀ ଅମାବାସ୍ୟା ମେ ୨୬ରେ ପାଳନ ହେଉଥିବାରୁ, ଏହି ଦିନ ସରକାରୀ ଛୁଟି ଘୋଷଣା ହୋଇଛି। ମଙ୍ଗଳବାର ମେ ୨୭ ତାରିଖ ସମସ୍ତ ସରକାରୀ ଅଫିସ୍ ଖୋଲା ରହିବ। ଏନେଇ ଅନୁମୋଦନ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ।
ତେବେ କ୍ୟାଲେଣ୍ଡରରେ ମେ ୨୭ ତାରିଖ ସାବିତ୍ରୀ ଅମାବାସ୍ୟା ରହିଥିବା ବେଳେ, ଏହି ଦିନ ହିଁ ସରକାରୀ ସ୍ତରରେ ଛୁଟି ଘୋଷଣା ନେଇ ସ୍ଥିରୀକୃତ ହୋଇଥିଲା। ହେଲେ ମେ ୨୬ ତାରିଖରେ ସାରା ଓଡିଶାରେ ସାବିତ୍ରୀ ଅମାବାସ୍ୟା ପାଳନ ହେଉଛି। ପଞ୍ଜିକା ଅନୁସାରେ ୨୬ରେ ସାବିତ୍ରୀ ଅମାବାସ୍ୟା ପାଳନ ହେବ। ତେଣୁ ୨୬ ତାରିଖକୁ ହିଁ ଛୁଟି ଘୋଷଣା କଲେ ରାଜ୍ୟ ସରକାର। ମେ ୨୭ରେ ସମସ୍ତ ସରକାରୀ ଅଫିସ ଖୋଲା ରହିବା ନେଇ ଘୋଷଣା କରିଛନ୍ତି ରାଜ୍ୟ ସରକାର। ପୁରୀ ମୁକ୍ତି ମଣ୍ଡପ ଏବଂ ଅନ୍ୟାନ୍ୟ ପାରମ୍ପରିକ କ୍ୟାଲେଣ୍ଡର ସଂଗଠନ ସମେତ ଧାର୍ମିକ ଅନୁଷ୍ଠାନ ସହିତ ପରାମର୍ଶ କରିବା ପରେ ସାବିତ୍ରୀ ଅମାବାସ୍ୟା ଛୁଟିକୁ ମେ ୨୭ ରୁ ମେ ୨୬ ପର୍ଯ୍ୟନ୍ତ ପୁନଃନିର୍ଦ୍ଧାରିତ କରିବାକୁ ନିଷ୍ପତ୍ତି ନେଇଛନ୍ତି।
ତେବେ ରାଜ୍ୟ ସରକାରଙ୍କ ଏହି ନିଷ୍ପତ୍ତି, ନିଶ୍ଚିତ କରେ ଯେ ସରକାରୀ ସମୟସୂଚୀ ପାରମ୍ପରିକ ପାଳନ ସହିତ ସମନ୍ୱୟ ରକ୍ଷା କରାଯାଏ, ଯାହା ଦ୍ଵାରା ସରକାରୀ କର୍ମଚାରୀ ଏବଂ ନାଗରିକମାନେ କୌଣସି ବିଭେଦ ବିନା ପର୍ବପର୍ବାଣୀ ପାଳନ କରିପାରିବେ। ଏଥିସହିତ ଏହି ପରିବର୍ତ୍ତନ ଏହା ବି ଦର୍ଶାଉଛି ଯେ, ସରକାର ପ୍ରଭାବଶାଳୀ ଶାସନ ବଜାୟ ରଖିବା ସହିତ ସାଂସ୍କୃତିକ ପରମ୍ପରାକୁ ମଧ୍ୟ ସମ୍ମାନ ଦେବା ପାଇଁ ପ୍ରତିବଦ୍ଧ।