ପ୍ରମୁଖ ଖବର

ଖୁବଶୀଘ୍ର ଯୋଗ୍ୟ ହିତାଧିକାରୀଙ୍କୁ ମିଳିବ ନୂଆ ରାସନ କାର୍ଡ
ୟୁନେସ୍କୋ ମେମୋରୀ ଅଫ ଦ ଓ୍ବର୍ଲ୍ଡ ରେଜିଷ୍ଟରରେ ସ୍ଥାନ ପାଇଲା ‘ଭଗବଦ ଗୀତା’ ଓ ‘ନାଟ୍ୟଶାସ୍ତ୍ର’
ମାଲେସିଆ ଗସ୍ତରେ ଯିବେ ଓଡ଼ିଶା ଚାଷୀ
ଛତିଶଗଡ଼ ସୁକମାରେ ୯ ମହିଳା ନକ୍ସଲଙ୍କ ସମେତ ୨୨ ଜଣଙ୍କ ଆତ୍ମସମର୍ପଣ କରିଛନ୍ତି
କ୍ରୀଡ଼ା ବିକାଶ ପାଇଁ ୪ ହଜାର କୋଟି ଟଙ୍କା ଖର୍ଚ୍ଚ କରିବେ ଓଡ଼ିଶା ସରକାର
ସଂସଦୀୟ ବ୍ୟାପାର ସଚିବ ଭାବେ ନିଯୁକ୍ତ ହେଲେ ଆଇଏଏସ ନିକୁଞ୍ଜ ବିହାରୀ ଧଳ
୩୫ଟି ଔଷଧ ଉପରେ କଟକଣା ଲଗାଇଲେ ସରକାର

ସୁପ୍ରିମ କୋର୍ଟଙ୍କ ନିର୍ଦେଶ ସହ ଖେଳ!

0

ଏମିତି କହି ସିବିଆଇକୁ ନିର୍ଧୁମ ବର୍ଷିଲେ କୋର୍ଟ
ଅଡୁଆରେ ନାଗେଶ୍ବର, ଅଦାଲତ ଅବମାନନା ନୋଟିସ

ନୂଆଦିଲ୍ଲୀ : ସିବିଆଇକୁ ବିବାଦ ପିଛା ଛାଡୁନାହିଁ। ଆଲୋକ ବର୍ମା ଓ ରାଜେଶ ଆସ୍ତାନାଙ୍କୁ ନେଇ ଚର୍ଚ୍ଚା ଥମିନି। ଓଡ଼ିଶା କ୍ୟାଡର ଆଇପିଏସ୍ ତଥା ସିବିଆଇ ଯୁଗ୍ମ ନିର୍ଦେଶକ ନାଗେଶ୍ବର ରାଓ ଚର୍ଚ୍ଚାକୁ ଆସିଛନ୍ତି। ବିହାରର ମୁଜାଫରପୁର ଆାଶ୍ରୟସ୍ଥଳ ଦୁଷ୍କର୍ମ ମାମଲାର ତଦନ୍ତ ଅଧିକାରୀଙ୍କୁ ଅନ୍ୟତ୍ର ବଦଳି କରି ସୁପ୍ରିମକୋର୍ଟଙ୍କ ରୋଷର ଶିକାର ହୋଇଛନ୍ତି । ସୁପ୍ରିମକୋର୍ଟ ଏହି ଘଟଣା ସିବିଆଇର ପୂର୍ବତନ ଅନ୍ତରୀଣ ମୁଖ୍ୟ ଏମ୍‌ ନାଗେଶ୍ବର ରାଓଙ୍କୁ ଅଦାଲତ ଅବମାନନା ନୋଟିସ୍‌ କରିଛନ୍ତି।
ମୁଜାଫରପୁର ଦୁଷ୍କର୍ମ ମାମଲାର ତଦନ୍ତ କରୁଥିବା ସିବିଆ‌ଇର ପୂର୍ବ ଯୁଗ୍ମ ନିର୍ଦ୍ଦେଶକ ଏକେ ଶର୍ମାଙ୍କୁ ଗତ ଜାନୁଆରି ୧୭ ତାରିଖରେ ନା‌ଗେଶ୍ବର ରାଓ ବଦଳି କରିଦେଇଥିଲେ। ଏହାଦ୍ବାରା ସୁପ୍ରିମକୋର୍ଟଙ୍କ ପୂର୍ବ ରାୟର ଅବମାନନା ହୋଇଥିଲା। ପ୍ରଧାନ ବିଚାରପତି ରଂଜନ ଗୋଗଇଙ୍କ ନେତୃତ୍ବରେ ଗଠିତ ଖଣ୍ଡପୀଠ ଆଜି କହିଛନ୍ତି ଯେ ରାଓ ଅଦାଲତ ଅବମାନନା କରିଛନ୍ତି। ଏନେଇ କୋର୍ଟ ରାଓଙ୍କ ସମେତ ମାମଲାରେ ସମ୍ପୃକ୍ତ ଥିବା ଅନ୍ୟ ଅଧିକାରୀଙ୍କୁ ମଧ୍ୟ ଆସନ୍ତା ୧୨ ତାରିଖରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। କୋର୍ଟ କହିଛନ୍ତି ଯେ ଶର୍ମାଙ୍କ ବଦଳି ମାମଲାରେ ସମ୍ପୃକ୍ତ ଥିବା ସିବିଆଇ ଅଧିକାରୀଙ୍କ ବିରୋଧରେ ଅଦାଲତ ଅବମାନନା ଆରମ୍ଭ ହେବ। ତୁମେମାନେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ସହ ଖେଳିଛ। ଭଗବାନ ତୁମକୁ ସାହାଯ୍ୟ କରନ୍ତୁ ବୋଲି ଖଣ୍ଡପୀଠ କହିଛନ୍ତି। କେବଳ ସେତିକି ନୁେହଁ, କୋର୍ଟ ଆଜି ନୂଆ ସିବିଆଇ ମୁଖ୍ୟ ଋଷୀ କୁମାର ଶୁକ୍ଳାଙ୍କୁ ଶର୍ମାଙ୍କ ବଦଳି ମାମଲାରେ ସମ୍ପୃକ୍ତ ଥିବା ସିବିଆଇ ଅଧିକାରୀମାନଙ୍କ ନାମର ଏକ ତାଲିକା ଦେବାପାଇଁ ନିର୍ଦ୍ଦେଶ ଦେଇଛନ୍ତି।
ଅନ୍ୟପଟରେ ମୁଜାଫରପୁର ଆଶ୍ରୟସ୍ଥଳ ଦୁଷ୍କର୍ମ ମାମଲାରେ ଆଜି ସୁପ୍ରିମକୋର୍ଟ ବିହାର ସରକାରଙ୍କ ଉପରେ ପ୍ରବଳ ‌ବେଗରେ ବର୍ଷିଛନ୍ତି। ଦିଲ୍ଲୀର ସାକେତ୍‌ ପୋକ୍ସ କୋର୍ଟକୁ ଉକ୍ତ ମାମଲା ସ୍ଥାନାନ୍ତର କରାଯାଇଛି। ମାମଲାର ଶୁଣାଣି ୬ ମାସ ମଧ୍ୟରେ ହିଁ ଶେଷ କରିବାପାଇଁ କୋର୍ଟ କଡ଼ା ନିର୍ଦ୍ଦେଶ ଦେଇଛନ୍ତି।

Leave A Reply

Your email address will not be published.