ଭୁବନେଶ୍ୱର: ନବରଙ୍ଗପୁର ଜିଲ୍ଲାରେ ପୁଣି ଏକ ଅଭାବନୀୟ ଘଟଣା ଘଟିଛି। ଥାନା ହାଜତରୁ ଜଣେ ଅଟକ ଥିବା ଅଭିଯୁକ୍ତ ଚମ୍ପଟ ମାରିଥିବା ସୂଚନା ମିଳିଛି। ପାପଡାହାଣ୍ଡି ଥାନାର ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ପରିସ୍ରା ଯିବା ବାହାନା କରି ଅଭିଯୁକ୍ତ ଫେରାର ହୋଇଯାଇଥିବା କୁହାଯାଇଉଛି ଅଭିଯୁକ୍ତ।
ଫେରାର ଅଭିଯୁକ୍ତର ନା ଅରୁଣ ହରିଜନ ବୋଲି ଜଣା ପଡ଼ିଛି।ଏକ ଡକାୟତି ଘଟଣାରେ ସମ୍ପୃକ୍ତ ଥିବା ନେଇ ଗତ କାଲି ଠାରୁ ଅଟକ ରଖିଥିଲା ପାପଡାହାଣ୍ଡି ପୋଲିସ। ଚମ୍ପଟ ମାରିଥିବା ଅଭିଯୁକ୍ତ ଜଣକ ତେନ୍ତୁଳିଖୁଣ୍ଟି ବ୍ଲକ ପଠାନଗୁଡା ଗାଁର।
ଥାନାରେ ପୋଲିସ ଥିବାବେଳେ କେଉଁ ପରିସ୍ଥିତିରେ ଅଭିଯୁକ୍ତ ଖସିଗଲା ନା ତାକୁ କେହି ଖସାଇ ଦେଲା ତାହା ଏକ ବଡ ତଦନ୍ତକୁ ଅପେକ୍ଷା କରୁଛି। ନିକଟରେ ଜେଲ ଜନିତ ଅପରାଧ ବୃଦ୍ଧି ପାଇଥିବା ଦେଖା ଯାଇଥିଲା। ସେଥିରେ ସୁଧାର ଆସିବା ବେଳେ ଥାନାର ଏ ଘଟଣା ସାମ୍ନାକୁ ଆସିଛି।