ଭୁବନେଶ୍ବର: ପୁଣି ଥରେ ଓଡ଼ିଶାକୁ ଶୀତ ଫେରିବ। ଆଜିଠାରୁ ଶୀତ ମୁହଁ ଫେରାଇବା ଆରମ୍ଭ କରିଛି। ଆଗାମୀ ଦୁଇରୁ ତିନି ଦିନ ମଧ୍ୟରେ ତାପମାତ୍ରା ୨-୪° ସେଣ୍ଟିଗ୍ରେଡ୍ ଯାଏ କମିଯିବ। ୧୯ ଓ ୨୦ ତାରିଖ ବେଳକୁ ରାତିରେ ପାରଦ ପଶ୍ଚିମ ଓ ଅଭ୍ୟନ୍ତର ଜିଲ୍ଲାରେ ୩-୪° ଯାଏ କମିଯାଇଥିବ। ସେହିପରି ଉପକୂଳ ଓଡିଶାରେ ପାରଦ ୨°c ଯାଏ କମିବ। ପାଣିପାଗ ବିଜ୍ଞାନୀମାନେ ଏଭଳି ପୂର୍ବାନୁମାନ କରୁଛନ୍ତି।
ଏ ସଂକ୍ରାନ୍ତରେ ସାର୍ଥକ ମିଶ୍ରଙ୍କର ଆକଳନ କହୁଛି, ଭୁବନେଶ୍ୱର ଓ କଟକ ରେ ପାରଦ ୩° ସେଣ୍ଟିଗ୍ରେଡ୍ ଯାଏ କମିଯାଇପାରେ। ଏହି ସମୟ ରେ ପାଣିପାଗ ଶୁଖିଲା ରହିବ। ଅନ୍ୟପଟେ ରେ ଆସନ୍ତା ୪୮ଘଣ୍ଟା ମଧ୍ୟରେ ରାଜ୍ୟରେ କୁହୁଡିର ପ୍ରଭାବ ମଧ୍ୟ ରହିବ। ସୁନ୍ଦରଗଡ , ସମ୍ବଲପୁର , କେନ୍ଦୁଝର , ମଯୂରଭଞ୍ଜ , ଢେଙ୍କାନାଳ , ଅନୁଗୁଳ , ଯାଜପୁର , ଗଜପତି , କନ୍ଧମାଳ , କୋରାପୁଟ , ଭବାନୀପାଟଣା , କଟକ , ବଲାଙ୍ଗୀରରେ ଘନ କୁହୁଡି ଦେଖାଦେଇପାରେ। ଅନ୍ୟ ଅଞ୍ଚଳରେ ଅଳ୍ପ ରୁ ମଧ୍ୟମ ଧାରଣର କୁହୁଡି ରହିବ।
ଦକ୍ଷିଣ ଅଭ୍ୟନ୍ତର ଓଡିଶାରେ ଗତ ୨୪ ଘଣ୍ଟା ମଧ୍ୟ ରେ ଘନ କୁହୁଡି ର ପ୍ରଭାବ ରହିଥିବା ବେଳେ ରାଜ୍ୟ ର ଅନ୍ୟ ଅଂଚଳ ରେ ହାଲକାରୁ ମଧ୍ୟମ ଧାରଣର କୁହୁଡି ରହିଥିଲା l ଉତ୍ତର ଅଭ୍ୟନ୍ତର ଓଡିଶା ରେ ହାଲୁକା ବର୍ଷା ହୋଇଥିଲା। ଅଭ୍ୟନ୍ତର ଓଡିଶା ରେ ରାତି ତାପମାତ୍ରା ସ୍ୱାଭାବିକ ଠାରୁ ଅଧିକ ଥିବା ବେଳେ ଉପକୂଳରେ ସ୍ୱାଭାବିକ ରହିଥିଲା। ସୋନପୁର ରେ ସର୍ବାଧିକ ତାପମାତ୍ରା 30.8° ସେଣ୍ଟିଗ୍ରେଡ୍ ରହିଥିବା ବେଳେ ଫୁଲବାଣୀରେ କମ 11.0° ସେଣ୍ଟିଗ୍ରେଡ୍ ରହିଥିଲା।