ନୂଆଦିଲ୍ଲୀ: ବହୁ ଚର୍ଚ୍ଚିତ ନିର୍ଭୟା ବେଞ୍ଚରୁ ଆଜି ପ୍ରଧାନ ବିଚାରପତି ଏସ୍ ଏ ବୋବଡେ ଓହରିଯାଇଛନ୍ତି। ଏହି ମାମଲାର ଦୋଷୀ ଅକ୍ଷୟ ସିଂଙ୍କ ରିଭ୍ୟୁ ପିଟିସନ ଶୁଣାଣି ପୂର୍ବରୁ ପ୍ରଧାନ ବିଚାରପତିଙ୍କ ଏଭଳି ନିଷ୍ପତ୍ତି ସମସ୍ତଙ୍କୁ ଚକିତ କରିଛି। ଏହି ମାମଲାରେ ପୀଡିତାଙ୍କ ପକ୍ଷରୁ ଏକଦା ତାଙ୍କର ଝିଅ ମାମଲା ଲଢୁଥିବା ପରିପ୍ରେକ୍ଷୀରେ ସେ ଏଭଳି ନିଷ୍ପତ୍ତି ନେଇଥିବା ଜଣାପଡିଛି।
୨୦୧୭ ନିର୍ଭୟା ମାମଲାରେ ଅକ୍ଷୟ ସିଂଙ୍କୁ ଫାଶୀ ଦଣ୍ଡାଦେଶ ହୋଇଛି। ଏହା ବିରୋଧରେ ସେ ସର୍ବୋଚ୍ଚ ନ୍ୟାୟାଳୟରେ ରିଭ୍ୟୁ ପିଟିସନ ଦାଖଲ କରିଥିଲେ। ପ୍ରଧାନ ବିଚାରପତି ଏ ଏସ୍ ବୋବଡେ, ବିଚାରପତି ଆର୍ ବାନୁମତି, ଓ ବିଚାରପତି ଅଶୋକ ଭୂଷଣଙ୍କୁ ନେଇ ଗଠିତ ସ୍ବତନ୍ତ୍ର ଖଣ୍ଡପୀଠ ଏହାର ଶୁଣାଣି କରିବାର ଥିଲା। ଏବେ ଏହି ମାମଲାଟି ଅନ୍ୟ ବେଞ୍ଚରେ ଶୁଣାଣି ହେବ। ଅଭିଯୁକ୍ତ ପକ୍ଷରୁ ଲଢୁଥିବା ଓକିଲ ଏ କେ ସିଂହ ଯୁକ୍ତି କରିଥିଲେ ଯେ ରାଜନୈତିକ ଓ ଗଣମାଧ୍ୟମ ଚାପରେ ଦୋଷୀଙ୍କ ପ୍ରତି ଯଥେଷ୍ଟ ଅନ୍ୟାୟ କରାଯାଇଛି।