ମୁମ୍ବାଇ: ମହାରାଷ୍ଟ୍ରର ଏକ ଖବରକାଗଜ ସକାଳ ଟାଇମ୍ସ ଏହାର ମୁଦ୍ରଣ ସଂସ୍କରଣକୁ ବନ୍ଦ କରିଦେଇଛି। କେବଳ ଏହାର ସମ୍ପାଦକ ମାଧବ ଗୋଖଲେ ଚାକିରି ହରାଇ ନାହାନ୍ତି। ସେ ସକାଳ ମରାଠିରୁ ଯାଇ ନିକଟରେ ଏହି ଖବରକାଗଜରେ ଯୋଗଦେଇଥିଲେ। ଅନ୍ୟପକ୍ଷରେ ସଂପୃକ୍ତ ଖବରକାଗଜ ଵେବ୍ ଟିମ୍ ରଖିଛି ଓ ଦୁଇଜଣ ଯେଉଁମାନେ ୱେବସାଇଟରେ ଖବର ଅପଲୋଡ୍ କରନ୍ତି, ସେମାନଙ୍କୁ ରଖାଯାଇଛି।
ଖବରକାଗଜର କର୍ମଚାରୀମାନେ ମେ ୨୬ ରେ ଗୋଖଲେଙ୍କ ବ୍ୟକ୍ତିଗତ ସହାୟକଙ୍କଠାରୁ ଫୋନ୍ କଲ ପାଇଥିଲେ ଏବଂ ପରଦିନ କାର୍ଯ୍ୟାଳୟକୁ ରିପୋର୍ଟ କରିବାକୁ କହିଥିଲେ। ମେ ୨୭ ରେ, ପୁଣେର ଶିବାଜୀ ନାଗରସ୍ଥିତ ସକାଳ ଟାଇମ୍ସ କାର୍ଯ୍ୟାଳୟରେ ଏକ ସଭାରେ କର୍ମଚାରୀଙ୍କୁ ତିନୋଟି କଥା କୁହାଯାଇଥିଲା: ଖବରକାଗଜ ବନ୍ଦ ହୋଇଗଲା, ସେମାନଙ୍କୁ ଇସ୍ତଫା ଦେବାକୁ ଅନୁରୋଧ କରାଯାଇଥିଲା ଏବଂ ସେମାନଙ୍କୁ ଏକ ମାସର ଛୁଟି ମିଳିବ ବୋଲି ଜଣାଇ ଦିଆଗଲା।
ଅର୍ଥନୈତିକ ମାନ୍ଦାବସ୍ଥା ଏବଂ କୋଭିଡ -୧୯ ବିସ୍ଫୋରଣ ଜନିତ କ୍ଷତି ଭରଣା କରିନପାରି ଏବେ ଭାରତ ବର୍ଷର ବହୁ ଗଣମାଧ୍ୟମ ସଂସ୍ଥା ଏଭଳି ସାଂଘାତିକ ସ୍ଥିତିରେ ପହଞ୍ଚିଛନ୍ତି। ଏହା ଏକମାତ୍ର ମିଡ଼ିଆ ହାଉସ୍ ନୁହେଁ, ଗତ ତିନିମାସ ମଧ୍ୟରେ ଟାଇମ୍ସ ଗ୍ରୁପ, ଏଚଟି ମିଡିଆ, ଟେଲିଗ୍ରାଫ୍, ଦି ହିନ୍ଦୁ ଏବଂ ଏନଡିଟିଭି ସମେତ ଦଶହଜାର ମିଡିଆ ହାଉସ୍ କର୍ମଚାରୀଙ୍କୁ ଛଟେଇ କରିଛନ୍ତି କିମ୍ବା ଦରମା ହ୍ରାସ କରିଛନ୍ତି। ଅନେକ ସଂସ୍ଥା ବିନା ଦରମା ବିନା ଅନିର୍ଦ୍ଦିଷ୍ଟ କାଳ ପାଇଁ କର୍ମଚାରୀଙ୍କୁ ଛୁଟିରେ ପଠାଇଛନ୍ତି।
ଏହି ଗଣମାଧ୍ୟମ ସଂସ୍ଥା ଜାତୀୟତାବାଦୀ କଂଗ୍ରେସ ପାର୍ଟି ମୁଖ୍ୟ ଶରଦ ପାୱାରଙ୍କ ପରିବାରର ହୋଇଥିଲେ ହେଁ ପାୱାର ଏବଂ ତାଙ୍କ ପରିବାର ଖବରକାଗଜ ବା କର୍ମଚାରୀଙ୍କ ଚାକିରି ବଞ୍ଚାଇବାକୁ ପଦକ୍ଷେପ ନେଇ ନାହାଁନ୍ତି। ବରଂ ମେ ୨୬ ବୈଠକରେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଉଦୟ ଯାଦବ, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ମହେନ୍ଦ୍ର ପିସାଲ ଏବଂ ମାନବ ସମ୍ବଳ ଏବଂ ଆକାଉଣ୍ଟ ଅଧିକାରୀଙ୍କ ସମେତ ସମସ୍ତ କର୍ମଚାରୀ ଏବଂ ଶୀର୍ଷ ପରିଚାଳନା ଉପସ୍ଥିତ ଥିଲେ। କେବଳ ପରିଚାଳନା ନିର୍ଦ୍ଦେଶକ ଅଭିଜିତ୍ ପାୱାର ଉପସ୍ଥିତ ନଥିଲେ। ସିଇଓ ଉଦୟ ଯାଦବ ଖବରକାଗଜ ବନ୍ଦ ରହିବ ବୋଲି ଘୋଷଣା କରିଥିଲେ।
ଓଡ଼ିଶାରେ ମଧ୍ୟ ଅନେକ ଗଣମାଧ୍ୟମ ସଂସ୍ଥା ଆର୍ଥିକ ଦୁଃସ୍ଥିତି ଭିତରକୁ ଠେଲି ହୋଇଯାଇଛନ୍ତି। ଦୁର୍ଭାଗ୍ୟପୂର୍ଣ୍ଣ କଥା ହେଲା, ନା କେନ୍ଦ୍ର ସରକାର କିମ୍ବା କୌଣସି ରାଜ୍ୟ ସରକାର ଗଣମାଧ୍ୟମର ଆର୍ଥିକ ଦୁଃସ୍ଥିତିରୁ ମୁକୁଳିବା ପାଇଁ କୌଣସି ପ୍ୟାକେଜ ବ୍ୟବସ୍ଥା କରିଛନ୍ତି କି ରାସ୍ତା ଖୋଲିଛନ୍ତି। ବିଜ୍ଞାପନ ବଜାରରେ ଭୟଙ୍କର ମାଡ଼ ପଡ଼ିବା ସହିତ ଲକଡାଉନ୍, ସଟଡାଉନ୍ ଭଳି କାରଣରୁ ଖବରକାଗଜ ଶିଳ୍ପ ଏକରକମ ବିପର୍ଯ୍ୟସ୍ତ ହୋଇପଡିଛି।