ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

୫୦ବର୍ଷ ପରେ ମୁହାଁମୁହିଁ ସ୍ଥିତି କାହିଁକି

0

ନୂଆଦିଲ୍ଲୀ: ଭାରତ-ଚୀନ୍ ସୈନିକଙ୍କ ମଧ୍ୟରେ ହୋଇଥିବା ସଂଘର୍ଷରେ ଦୁଇ ସୈନିକ ସହିଦ ହୋଇଛନ୍ତି। ଏଥିସହିତ ଦୀର୍ଘ ଦିନ ଧରି ଲଦାଖରେ ଭାରତ ଏବଂ ଚୀନ୍ ମଧ୍ୟରେ ଚାଲିଥିବା ବିବାଦ ଆହୁରି ଗମ୍ଭୀର ରୂପ ଧାରଣ କରିଛି। ସୋମବାର ରାତିରେ ଦୁଇ ଦେଶର ସୈନ୍ୟବାହିନୀ ମଧ୍ୟରେ ହିଂସାତ୍ମକ ସଂଘର୍ଷ ହୋଇଥିଲା। ଏହି ସଂଘର୍ଷରେ ଦୁଇଜଣ ସହିଦ ହୋଇଥିବା ଜାତୀୟ ଗଣମାଧ୍ୟମ ସୂତ୍ରରୁ ପ୍ରକାଶ। କୁହାଯାଉଛି ଯେ କେବଳ ଭାରତ ନୁହେଁ ଚୀନର ମଧ୍ୟ କିଛି ସୈନିକ ଆହତ ହୋଇଛନ୍ତି। ଚୀନ୍ ପାର୍ଶ୍ୱରେ ସୈନିକଙ୍କ ମୃତ୍ୟୁ ଘଟିଛି।

ଭାରତୀୟ ସେନା ଦ୍ବାରା ଜାରି ଏକ ସରକାରୀ ବିବୃତ୍ତିରେ କୁହାଯାଇଛି ଯେ ସୋମବାର ରାତିରେ ଗାଲଭାନ ଉପତ୍ୟକାରେ ଡି-ଏସ୍କାଲେସନ ପ୍ରକ୍ରିୟା ସମୟରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ହୋଇଥିଲା। ଏହି ସମୟ ମଧ୍ୟରେ ଭାରତୀୟ ସେନାର ଜଣେ ଅଧିକାରୀ ଏବଂ ଦୁଇ ସୈନିକ ସହିଦ୍ ହୋଇଛନ୍ତି। ଏହି ସମୟରେ ମାମଲାକୁ ଶାନ୍ତ କରିବା ପାଇଁ ଉଭୟ ଦେଶର ବରିଷ୍ଠ ସୈନିକମାନେ ଏକ ବଡ଼ ବୈଠକ କରୁଛନ୍ତି |

ଏହି ଘଟଣା ପରେ ଚୀନ୍ ବୈଦେଶିକ ମନ୍ତ୍ରଣାଳୟର ସରକାରୀ ବିବୃତ୍ତି ସାମ୍ନାକୁ ଆସିଛି। ଅପରପକ୍ଷେ ବେଜିଂ ଭାରତକୁ ଅନୁପ୍ରବେଶ କରିଥିବା ଅଭିଯୋଗ କରିଛି। ଅନ୍ତର୍ଜାତୀୟ ସମ୍ବାଦ ଏଜେନ୍ସି ଏଏଫପି ଅନୁଯାୟୀ ବେଜିଂ ଅଭିଯୋଗ କରିଛି ଯେ ଭାରତୀୟ ସୈନିକମାନେ ସୀମା ପାର ହୋଇ ଚୀନ୍ ସୈନିକଙ୍କ ଉପରେ ଆକ୍ରମଣ କରିଥିଲେ। ଏଭଳି ପରିସ୍ଥିତିରେ ଭାରତ ଏକପାଖିଆ କାର୍ଯ୍ୟ କରିବା ଉଚିତ ନୁହେଁ ବୋଲି ଚୀନ୍ ବୈଦେଶିକ ମନ୍ତ୍ରଣାଳୟ କହିଛି।

ଭାରତ ଏବଂ ଚୀନ୍ ମଧ୍ୟରେ ମେ ମାସ ଆରମ୍ଭରୁ ଲଦାଖ ସୀମା ନିକଟରେ ଏକ ଉତ୍ତେଜନାପୂର୍ଣ୍ଣ ପରିବେଶ ଥିଲା। ଚୀନ୍ ସୈନ୍ୟମାନେ ଭାରତ ଦ୍ୱାରା ସ୍ଥିର ହୋଇଥିବା ଏଲଏସି ପାର ହୋଇ ଗାଲଭାନ୍ ଉପତ୍ୟକାର ପେଙ୍ଗଙ୍ଗ ହ୍ରଦକୁ ଆସିଥିଲେ। ଚୀନ୍ ପକ୍ଷରୁ ଏଠାରେ ପ୍ରାୟ ପାଞ୍ଚ ହଜାର ସୈନିକ ରହିଥିଲେ, ଏହା ବ୍ୟତୀତ ସାମରିକ ସାମଗ୍ରୀ ମଧ୍ୟ ସଂଗ୍ରହ କରାଯାଇଥିଲା।

ଦୀର୍ଘ ଦିନ ଧରି ଏହି ବିବାଦର ଅନ୍ତ ଘଟାଇବା ପାଇଁ ଉଭୟ ଦେଶର ସୈନ୍ୟବାହିନୀ ଦ୍ୱାରା ପଦକ୍ଷେପ ନିଆଯାଉଥିଲା। ଜୁନ୍ ୬ ଠାରୁ, ବିଭିନ୍ନ ରାଉଣ୍ଡ ଆଲୋଚନା ଚାଲିଥିଲା। ଯାହା ପରେ ଦୁଇ ଦେଶର ସୈନ୍ୟବାହିନୀ କିଛି କିମି ପଛକୁ ଯାଇଥିଲେ। କିନ୍ତୁ ଏହି ପ୍ରକ୍ରିୟା ଚାଲିଥିବାବେଳେ ଦୁଇ ଦେଶର ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଘଟିଥିଲା।

ଦୁଇ ଦେଶ ମଧ୍ୟରେ ଲଗାତାର ତିକ୍ତତା ମଧ୍ୟରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକ ବିବୃତ୍ତି ଦେଇଛନ୍ତି। ରାଜନାଥ ସିଂଙ୍କ ତରଫରୁ କୁହାଯାଇଛି ଯେ ଚୀନ୍ ସହ ସାମରିକ ତଥା କୂଟନୀତିଜ୍ଞ ସ୍ତରରେ ଆଲୋଚନା ଚାଲିଛି, ଉଭୟ ଦେଶ ଶାନ୍ତି ଚାହୁଁଛନ୍ତି।

Leave A Reply

Your email address will not be published.