ସାଉଥ ସୁପରଷ୍ଟାର ପୁନୀତ ରାଜକୁମାରଙ୍କ ଦେହାନ୍ତ । ଆଜି ହୃଦଘାତରେ ତାଙ୍କର ପରଲୋକଙ୍କ ହୋଇଛି । ପୁନୀତଙ୍କୁ ହୃଦଘାତ ହେବା ପରେ ତାଙ୍କୁ ବେଙ୍ଗାଲୁରୁର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ଚିକିତ୍ସା ଚାଲିଥିବା ବେଳେ ୪୬ ବର୍ଷ ବୟସରେ ସେ ଆଖି ବୁଜିଛନ୍ତି । ପୁନୀତଙ୍କ ପରଲୋକରେ କନ୍ନଡ଼ ଫିଲ୍ମ ଜଗତରେ ଶୋକର ଛାୟା ଖେଳିଯାଇଛି ।
ଜିମରେ ୱାକ ଆଉଟ କରୁଥିବା ସମୟରେ ତାଙ୍କର ହୃଦଘାତ ହୋଇଥିବା ଜଣାପଡିଛି । ପୁନୀତି ଶିଶୁ କଳାକାର ଭାବେ ନିଜର କ୍ୟାରିୟର ଆରମ୍ଭ କରିଥିଲେ। ୧୯୮୫ରେ ‘ବେଟାଡା ହୋବୁ’ରେ ସେ ନଜର ଆସିଥିଲେ । ଏହି ଫିଲ୍ମରେ ଅଭିନୟ ପାଇଁ ତାଙ୍କୁ ବହୁତ ଆୱାର୍ଡ ମିଳିଥିଲା । ଏହା ସହିତ ତାଙ୍କୁ ଜାତୀୟ ପୁରସ୍କାର ମଧ୍ୟ ପ୍ରଦାନ କରାଯାଇଥିଲା । ତାଙ୍କୁ ଶେଷ ଥର ଫିଲ୍ମ ‘ସୁଭାରତନା’ରେ ଦେଖିବାକୁ ମିଳିଥିଲ । ।ଯେଉଁଥିରେ ଦର୍ଶକମାନେ ତାଙ୍କ ଅଭିନୟକୁ ବେଶ ପସନ୍ଦ କରିଥିଲେ ।
ପୂର୍ବତନ କ୍ରିକେଟର ଭେଙ୍କେଟେଶ ପ୍ରସାଦ ପୁନୀତଙ୍କ ମୃତ୍ୟୁ ନେଇ ଟୁଇଟରରେ ସୂଚନା ଦେଇଥିଲେ । ଭେଙ୍କେଟେଶ ଲେଖିଛନ୍ତି ଯେ, ଏହା କହିବାକୁ ଦୁଃଖ ଲାଗୁଛି ଯେ, ଅଭିନେତା ପୁନୀତ ଆଉ ଦୁନିଆରେ ନାହାଁନ୍ତି । ତାଙ୍କ ପରିବାର, ବନ୍ଧୁ, ପ୍ରଶଂସକମାନଙ୍କୁ ମୁଁ ସମବେଦନା ଜଣାଉଛି । ପୁନୀତ ପ୍ରସିଦ୍ଧ ଅଭିନେତା ରାଜକୁମାର ଓ ପ୍ରଭାଥମ୍ମାଙ୍କ ପୁଅ ଥିଲେ । ସେ ପାଖାପାଖି ୨୯ରୁ ଅଧିକ କନ୍ନଡ଼ ସିନେମାରେ ଅଭିନୟ କରି ବେଶ ଲୋକପ୍ରିୟ ହୋଇପାରିଥିଲେ । ସେ ଅଭିନୀତ କରିଥିବା ସିନେମା ହେଲା,ଅଭି,ବୀରା କନ୍ନଡିଗର,ଅଜୟ,ଅରାଶୁ, ଓ ରାମ କନ୍ନଡ଼ ସିନେମା ଜଗତର ବେଶ ସଫଳ ହୋଇଥିଲା ।