ଆମେରିକା ଇତିହାସରେ ଏଭଳି ପ୍ରଥମ ଥର ପାଇଁ ଘଟିଛି । । ଉପରାଷ୍ଟ୍ରପତି କମଳା ହାରିସଙ୍କୁ ଦିଆଯିବ ରାଷ୍ଟ୍ରପତି ଦାୟିତ୍ୱ । ପ୍ରଥମ ଥର ପାଇଁ ଜଣେ ମହିଳାଙ୍କ ହାତରେ ରହିବ ରାଷ୍ଟ୍ରପତି କ୍ଷମତା । ଏହା ଏଥିପାଇଁ କରାଯିବ କାରଣ, ବାଇଡେନ କଲୋନୋସ୍କୋପି ପାଇଁ ହସ୍ପିଟାଲରେ ଭର୍ତ୍ତି ହେବେ । ସେଥିପାଇଁ ତାଙ୍କୁ ଆନେସ୍ଥିସିୟା ନେବାକୁ ପଡିବ ।
ଅ।ମେରିକା ସମ୍ବିଧାନ ଅନୁସାରେ କିଛି ସମୟ ପାଇଁ ରାଷ୍ଟ୍ରପତି ଯେକୌଣସି ବ୍ୟକ୍ତିଙ୍କୁ ତାଙ୍କର କାର୍ଯ୍ୟକାରୀ ରାଷ୍ଟ୍ରପତି ଭାବରେ ନିଯୁକ୍ତି କରିପାରିବେ । ଏବେ ପାଇଁ ରାଷ୍ଟ୍ରପତି ଭାବରେ ଉପରାଷ୍ଟ୍ରପତି କମଳା ହାରିସ କାର୍ଯ୍ୟ କରିବେ । ଏହି ଖବର ଏଥିପାଇଁ ଗୁରୁତ୍ୱପୂର୍ଣ୍ଣ କାରଣ ନିକଟରେ ଦୁଇ ବାଇଡେନ ଓ ହାରିସଙ୍କ ମଧ୍ୟରେ ତିକ୍ତତା ଖବର ଆସିଥିଲା ।
ରାଷ୍ଟ୍ରପତି ଜୋ ବାଇଡେନ ତାଙ୍କର ରୁଟିନ୍ ଚେକ୍ ଅପ ପାଇଁ ୱାଶିଂଟନର ୱାଲଟର ରିଡ୍ ମିଲଟାରୀ ହସ୍ପିଟାଲରେ ଭର୍ତି ହେବେ । ଏହା ପୂର୍ବରୁ ୨୦୧୯ରେ ତାଙ୍କର ସମ୍ପୂର୍ଣ୍ଣ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା । ୨୦୦୨ ଓ ୨୦୦୭ରେ ତାଙ୍କୁ କଲୋନୋସ୍କୋପି ପାଇଁ ଆନେସ୍ଥିସିୟା ଦେବାକୁ ପଡିଥିଲା।
ତେବେ ୨୫୦ ବର୍ଷ ମଧ୍ୟରେ ଆମେରିକାରେ କୌଣସି ମହିଳାଙ୍କୁ ରାଷ୍ଟ୍ରପତି ଦାୟିତ୍ୱ ମିଳିନି । ଆମେରିକାର ସମସ୍ତ ସାମରିକ ଶକ୍ତି ଓ ଗୁରୁତ୍ୱପୂର୍ଣ୍ଣ କାର୍ଯ୍ୟର ଦାୟିତ୍ୱ ହାରିସ ନେବେ । ହାରିସ ୱେଷ୍ଟ ୱିଙ୍ଗରେ ଥିବା ତାଙ୍କ କାର୍ଯ୍ୟାଳୟରୁ କାମ କରିବେ । ବାଇଡେନ ସୁସ୍ଥ ହେବା ପରେ ପୁଣି ସେ ରାଷ୍ଟ୍ରପତି ଭାବେ ସେ ତାଙ୍କର କାମ ଆରମ୍ଭ କରିବେ । ଆଜି ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଜନ୍ମଦିନ । ୭୯ ବର୍ଷରେ ପାଦ ଦେଇଛନ୍ତି ବାଇଡେନ । ସେ ହେଉଛନ୍ତି ଆମେରିକା ଇତିହାସର ସବୁଠୁ ବୟସ୍କ ରାଷ୍ଟ୍ରପତି ।