ନିଟ୍- ପିଜି କାଉନସେଲିଂକୁ ନେଇ ସୁପ୍ରିମକୋର୍ଟ ବଡ଼ ରାୟ ଶୁଣାଇଛନ୍ତି । ନିଟ୍- ପିଜି ଓ ୟୁଜି ନାମଲେଖା ନେଇ ସୁପ୍ରିମକୋର୍ଟ ନିଷ୍ପତ୍ତି ଶୁଣାଇଛନ୍ତି । ସୁପ୍ରିମକୋର୍ଟଙ୍କ ପକ୍ଷରୁ ନିଟ୍-ପିଜି କାଉନସେଲିଂକୁ ଗ୍ରୀନ୍ ସିଗନାଲ ଦିଆଯାଇଛି । ଓବିସି ଛାତ୍ରଛାତ୍ରୀଙ୍କ ୨୭ ପ୍ରତିଶତ ସଂରକ୍ଷଣକୁ ସୁପ୍ରିମକୋର୍ଟ ମଞ୍ଜୁରୀ ଦେଇଛନ୍ତି । ୧୦ ପ୍ରତିଶତ ଇଡବ୍ଲୁଏସ ସଂରକ୍ଷଣ ଲାଗୁ ହେବ । ୨୦୨୧- ୨୦୨୨ ବର୍ଷ ପାଇଁ ସଂରକ୍ଷଣ ଲାଗୁ ହେବ । ସର୍ବଭାରତୀୟ କୋଟାରୁ ଓବିସି ଇଡବ୍ଲୁଏସସଂରକ୍ଷଣ ପାଇବେ ।
ସେହିପରି ଭବିଷ୍ୟତରେ ସଂରକ୍ଷଣ ଜାରି ହେବ କି ନାହିଁ ସେ ନେଇ ସୁପ୍ରିମକୋର୍ଟ ନିଷ୍ପତ୍ତି ନେବେ । ଏନେଇ ଆସନ୍ତା ଶୁଣାଣି ମାର୍ଚ୍ଚ ଦ୍ୱିତୀୟ ସପ୍ତାହରେ କରାଯିବ । ଜଷ୍ଟିସ ଡି ୱାଇ ଚନ୍ଦ୍ରଚୂଡ ଓ ଏଏସ୍ ବୋପାନ୍ନାଙ୍କ ପୀଠ ଏହି ନିଷ୍ପତ୍ତି ଶୁଣାଇଛନ୍ତି । ସୁପ୍ରିମକୋର୍ଟ କହିଛନ୍ତି,ଏହି ବର୍ଷଠାରୁ ଲାଗୁ ହୋଇଥିବା ସଂରକ୍ଷଣ ନୀତି ଅସାମ୍ବାଧାନିକ ବୋଲି ଆମ ସମ୍ମୁଖରେ ଯୁକ୍ତି ରଖାଯାଇଥିଲା । ଇଡବ୍ଲୁଏସ ସୀମାକୁ ୮ ଲକ୍ଷ ଟଙ୍କା ରଖିବା ନେଇ ଜବାବ ମଗାଯାଇଥିଲା । ଅକ୍ଟୋବରରେ ଏହି ପ୍ରଶ୍ନ ପଚରାଯାଇଥିଲା । ଅକ୍ଟୋବର ୨୫ରେ ଏହା ଉପରେ ରୋକ ଲାଗିଥିଲା । ୨୮ ଅକ୍ଟୋବରରେ ଦୀପାବଳି ପରେ ଶୁଣାଣି ହେବା ଉଚିତ ବୋଲି କହିଥିଲେ । ନଭେମ୍ବର ୨୫ରେ ନୀତିର ସମୀକ୍ଷା କରିବାକୁ ଆଉ ଏକ ମାସ ସମୟ ମାଗିଥିଲା ।
ସର୍ବୋଚ୍ଚ ନ୍ୟାୟଳୟ କହିଛନ୍ତି ଯେ, ଏବେ କୁହାଯାଇଛି ଚଳିତ ବର୍ଷ ସମାନ ବ୍ୟବସ୍ଥା ରଖିବାକୁ କମିଟି ସୁପାରିସ କରିଛି । ସବୁ ପକ୍ଷରୁ ଶୁଣାଯାଇଛି । ଏହି ପ୍ରସଙ୍ଗରେ ଏକ ବିସ୍ତୁତ ମଧ୍ୟବତ୍ତୀର୍କାଳୀନ ଆଦେଶ ଆବଶ୍ୟକ । ଇଡବ୍ଲୁଏସର ମାପ ନିର୍ଣ୍ଣୟ କରିବାକୁ କିଛି ସମୟ ଲାଗିବ । ଓବିସି ସଂରକ୍ଷଣ ପାଇଁ ଅନମୋଦନ ଦିଆଯାଇଛି । ତୁରନ୍ତ କାଉନସେଲିଂ ଆରମ୍ଭ କରିବାର ଆବଶ୍ୟକତା ଅଛି, ତେଣୁ ୧୦ ପ୍ରତିଶତ ଇଡବ୍ଲୁଏସ ସଂରକ୍ଷଣ ରହିବା ଆବଶ୍ୟକ ବୋଲି କୋର୍ଟ କହିଛନ୍ତି । ମାର୍ଚ୍ଚର ତୃତୀୟ ସପ୍ତାହରେ ପାଣ୍ଡେ କମିଟିର ସୁପାରିସ (୮ ଲକ୍ଷ)ର ବୈଧତା ଉପରେ ଶୁଣାଣି ହେବ ।