ତୃତୀୟ ଲହରରେ କରୋନା ଏଭଳି ଲମ୍ପ ମାରିବ ବୋଲି ବୋଧେ କେହି କେବେ ଚିନ୍ତା କରିନଥିଲେ । ଓମିକ୍ରନ ଭ୍ୟାରିଆ ଯୋଗୁ ସଂକ୍ରମଣ ଦ୍ରୁତ ଗତିରେ ଦେଶରେ ବଢିବ ବୋଲି ଯେଉଁ ଆଶା କରାଯାଉଥିଲା ତାହା ଏବେ ସତ ପ୍ରମାଣିତ ହୋଇଛି । ଗତ ୨୪ ଘଣ୍ଟା ରେ ଦେଶରେ ସଂକ୍ରମଣ ଲକ୍ଷେ ଟପିଛି । ସେହିପରି ଦିନକରେ କରୋନାରେ ଯାଇଛି ୩୦୨ ଜଣଙ୍କ ଜୀବନ ।
ଦେଶରେ କରୋନା ସଂକ୍ରମଣର ବିସ୍ପୋରଣ । ଦିନକରେ ଲକ୍ଷେ ୧୭ ହଜାର ୧୦୦ ନୂଆ ମାମଲା ସାମନାକୁ ଆସିଛି । ଦୀର୍ଘ ୭ ମାସ ପରେ ଦୈନିକ ସଂକ୍ରମଣ ପୁଣି ଲକ୍ଷେ ଟପିଛି । ଗୁରୁବାର ଅପେକ୍ଷା ଶୁକ୍ରବାର ସଂକ୍ରମଣ ହାର ୨୮.୮ ପ୍ରତିଶତ ବଢିଛି । ସେହିପରି ୨୪ ଘଣ୍ଟା ରେ ୩୦୨ ଆକ୍ରାନ୍ତଙ୍କ ମୃତ୍ୟୁକୁ ମିଶାଇ ମୋଟ ମୃତ୍ୟୁ ସଂଖ୍ୟା ୪ଲକ୍ଷ ୮୩ ହଜାର ୧୭୮ରେ ପହଞ୍ଚିଛି। ସକ୍ରିୟ ଆକ୍ରାନ୍ତଙ୍କ ସଂଖ୍ୟା ରହିଛି ୩ ଲକ୍ଷ ୭୧ ହଜାର ୩୬୩ । ଏଯାଏ ସୁସ୍ଥ ହେଲେଣି ୩ କୋଟି ୪୩ ଲକ୍ଷ ୭୧ ହଜାର ୮୪୫ ଜଣ । ସେହିପରି କରୋନାକୁ କାବୁ କରିବାକୁ ଟିକାକରଣ ଜୋରଦାର ଚାଲିଥିବା ବେଳେ ଦେଶରେ ଏଯାଏ ଟିକା ନେଲେଣି ୧୪୯ କୋଟି ୬୬ ଲକ୍ଷରୁ ଅଧିକ ।
ଡିସେମ୍ବର ୨୭ ତାରିଖରେ ୬ ହଜାର୩୫୮ ଆକ୍ରାନ୍ତ ଚିହ୍ନଟ ହୋଇଥିଲେ । ଜାନୁଆରୀ ତାରିଖରେ ଲକ୍ଷେ ଉପରେ ମାମଲା ଆସିଛି । ଅର୍ଥାତ ଗତ ୧୧ ଦିନରେ ସଂକ୍ରମଣ ୧୫ ଗୁଣାରୁ ଅଧିକ ବଢିଯାଇଛି । ବିଶେଷ କରି ମହାରାଷ୍ଟ୍ର, ଦିଲ୍ଲୀ,ପଶ୍ଚିମବଙ୍ଗ,କେରଳ ଓ ତାମିଲନାଡୁରେ ଦ୍ରୁତ ସଂକ୍ରମଣ ଚିନ୍ତାକୁ ବଢାଇଛି । ଏହି ୫ ରାଜ୍ୟରୁ ଆକ୍ରାନ୍ତଙ୍କ ସଂଖ୍ୟା ୭୦ ପ୍ରତିଶତ ପାଖାପାଖି । ସେହିପରି ଦେଶରେ ଓମିକ୍ରନ ସଂକ୍ରମିତଙ୍କ ସଂଖ୍ୟା ମଧ୍ୟ ବଢିଚାଲିଛି । ଦେଶରେ ଓମିକ୍ରନ ଆକ୍ରାନ୍ତ ଚିହ୍ନଟ ହେବା ପରେ ସ୍ୱାସ୍ଥ୍ୟ ବିଶେଷଜ୍ଞ ମାନେ ଆଶଙ୍କା କରିଥିଲେ ଯେ, ଜାନୁଆରୀ ଓ ପେବୃଆରି ମାସର ସ୍ଥିତି ଆହୁରି ବେଶ ଗମ୍ଭୀର ହୋଇପାରେ । ଆଉ ଏବେ ସେହି ଆଶଙ୍କା ସତ ହୋଇଛି ।