ପ୍ରମୁଖ ଖବର

କଟକ ମଙ୍ଗୁଳି ନିକଟରୁ ବିପୁଳ ପରିମାଣକର ବ୍ରାଉନସୁଗାର ଜବତ
ବାତ୍ୟା ମୋନ୍ଥା ପାଇଁ ଆସନ୍ତାକାଲି ନନ୍ଦନକାନନ ବନ୍ଦ
ଅମ୍ବାଲା ବାୟୁସେନା ଘାଟିରୁ ରାଫେଲ ଉଡ଼ାଇବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
ମଙ୍ଗଳବାର ରାତିରେ ଆନ୍ଧ୍ର ଉପକୂଳ ଅତିକ୍ରମ କରିବ ବାତ୍ୟା ମୋନ୍ଥା
୮ମ ବେତନ କମିଶନକୁ ମିଳିଲା କେନ୍ଦ୍ର କ୍ୟାବିନେଟର ମଞ୍ଜୁରୀ
ବାତ୍ୟା ‘ମୋନ୍ଥା’ର ପ୍ରଭାବ: ୫ ଜିଲ୍ଲା ରେଡ୍ ଓ ୬ ଜିଲ୍ଲା ଅରେଞ୍ଜ ଆଲର୍ଟ ଜାରି
ପୁରୀରେ ଲାଇଫଗାର୍ଡଙ୍କୁ ଚପଲରେ ପିଟିଲେ ମହିଳା
ବାତ୍ୟା ଡ୍ୟୁଟି ବେଳେ ଯୋଗାଣ ସହାୟକଙ୍କ ମୃତ୍ୟୁ
ଜଷ୍ଟିସ ସୂର୍ଯ୍ୟକାନ୍ତ ହେବେ ପରବର୍ତ୍ତି ମୁଖ୍ୟ ବିଚାରପତି

୩ ମାସରେ ଟ୍ରାଫିକ୍ ଜରିମାନା ପୈଠ ନକଲେ କଟିବ ଡ୍ରାଇଭିଂ ଲାଇସେନ୍ସ

0

ଭୁବନେଶ୍ବର: ତିନି ମାସରେ ଟ୍ରାଫିକ୍ ଇ-ଚାଲାଣ ପୈଠ କରିବାକୁ ପଡିବ। ଚାଲାଣ ନଦେଲେ ଚାଳକଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ କରିବାକୁ ନିଷ୍ପତ୍ତି ନେଇଛନ୍ତି ସରକାର। ଏହା ବ୍ୟତୀତ, ଯେଉଁମାନେ ଏକ ଆର୍ଥିକ ବର୍ଷରେ ଲାଲ ସିଗନାଲ ଡେଇଁବା କିମ୍ବା ବିପଦପୂର୍ଣ୍ଣ ଡ୍ରାଇଭିଂ ପାଇଁ ତିନି ଥରରୁ ଅଧିକ ଇ-ଚାଲାଣ (ଜରିମାନା) ଗ୍ରହଣ କରିଛନ୍ତି, ସେମାନଙ୍କ ଲାଇସେନ୍ସ ଅତି କମରେ ତିନି ମାସ ପାଇଁ ଜବତ କରାଯାଇପାରେ ବୋଲି ଜାଣିବାକୁ ମିଳିଛି।

ସେହିପରି, ଯଦି କୌଣସି ବ୍ୟକ୍ତିଙ୍କ ପୂର୍ବ ଆର୍ଥିକ ବର୍ଷରୁ ଅତି କମରେ ଦୁଇଟି ବିଚାରାଧୀନ ଚାଲାଣ ଅଛି, ତେବେ ସରକାର ଅଧିକ ବୀମା ପ୍ରିମିୟମକୁ ଲିଙ୍କ୍ କରିବା ପାଇଁ ଏକ ପ୍ରକ୍ରିୟା ଜାରି କରିଥିବା ସୂଚନା ମିଳିଛି। ସରକାରୀ ତଥ୍ୟ ପ୍ରକାଶ ହେବା ପରେ ଏହି ପଦକ୍ଷେପ ନିଆଯାଇଛି । କେନ୍ଦ୍ରୀୟ ମୋଟର ଯାନ ଆଇନ ଧାରା ୧୩୬A ଅନୁସାରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ବିବରଣୀ ପ୍ରସ୍ତୁତ କରାଯାଇଛି।

ସରକାରୀ ତଥ୍ୟ ଅନୁଯାୟୀ, ଦିଲ୍ଲୀରେ ଜରିମାନା ଆଦାୟର ହାର ସବୁଠାରୁ କମ୍ ଅର୍ଥାତ ୧୪ ପ୍ରତିଶତ ରହିଛି । ସେହିପରି କର୍ଣ୍ଣାଟକରେ ୨୪ ପ୍ରତିଶତ, ତାମିଲନାଡୁ ଏବଂ ଉତ୍ତର ପ୍ରଦେଶରେ ୨୭ ପ୍ରତିଶତ ଏବଂ ଓଡ଼ିଶାରଏ ୨୯ ପ୍ରତିଶତ ରହିଛି।

ରିପୋର୍ଟ ଅନୁଯାୟୀ, ତିନି ଦିନ ମଧ୍ୟରେ ଡ୍ରାଇଭର କିମ୍ବା ଯାନବାହନ ମାଲିକଙ୍କୁ ଏକ ଇ-ଚାଲାଣ ନୋଟିସ୍ ପଠାଯିବ। ଏହାପରେ ଚାଳକଙ୍କୁ ୩୦ ଦିନ ମଧ୍ୟରେ ଜରିମାନା ଦେବାକୁ ପଡିବ କିମ୍ବା ଏହାକୁ ଚ୍ୟାଲେଞ୍ଜ କରିବାକୁ ପଡିବ। ୩ ମାସରୁ ୯ ମାସ ମଧ୍ୟରେ ଏହି ଫାଇନ୍ ପୈଠ ନକଲେ, ଦେୟ ନହେବା ପର୍ଯ୍ୟନ୍ତ ଡ୍ରାଇଭିଂ ଲାଇସେନ୍ସ (DL) କିମ୍ବା ପଞ୍ଜିକରଣ ପ୍ରମାଣପତ୍ର (RC) ରଦ୍ଦ କରାଯିବ।

Leave A Reply

Your email address will not be published.