ନୂଆ ଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମନ କି ବାତର ୧୨୮ତମ ଏପିସୋଡ୍ ରେ ତାଙ୍କ ବକ୍ତବ୍ୟ ରଖିଛନ୍ତି। ଏହି ଲୋକପ୍ରିୟ ରେଡିଓ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ବିଭିନ୍ନ ପ୍ରେରଣାଦାୟକ କାହାଣୀ କହିଛନ୍ତି। ଏହି କାର୍ଯ୍ୟକ୍ରମ ମାଧ୍ୟମରେ ପ୍ରଧାନମନ୍ତ୍ରୀଙ୍କ ଲକ୍ଷ୍ୟ ହେଉଛି ଯୁବପିଢ଼ିଙ୍କୁ ତାଙ୍କ ଅଭିଜ୍ଞତା ମାଧ୍ୟମରେ ରାଷ୍ଟ୍ର ବିକାଶରେ ଯୋଗଦାନ ଦେବା ପାଇଁ ପ୍ରେରଣା ଦେବା।
ନରେନ୍ଦ୍ର ମୋଦି କହିଛନ୍ତି ଯେ ନଭେମ୍ବର ମାସ ଭାରତ ପାଇଁ ଅନେକ ଐତିହାସିକ ଏବଂ ପ୍ରେରଣାଦାୟକ ସଫଳତାରେ ପରିପୂର୍ଣ୍ଣ ଥିଲା। ସେ ଉଲ୍ଲେଖ କରିଛନ୍ତି ଯେ ୨୬ ନଭେମ୍ବରରେ ସମ୍ବିଧାନ ଦିବସ ଅବସରରେ ସଂସଦର କେନ୍ଦ୍ରୀୟ ହଲରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା, ଯାହା ଦେଶକୁ ଗଣତାନ୍ତ୍ରିକ ମୂଲ୍ୟବୋଧ ମନେ ପକାଇ ଦେଇଥିଲା। ନଭେମ୍ବର ୭ତାରିଖରେ ଦେଶାତ୍ମବୋଧକ ଗୀତ “ବନ୍ଦେ ମାତରମ୍”ର ୧୫୦ତମ ବାର୍ଷିକୀ ବିଷୟରେ କହିଥିଲେ। କିଛି ଦିନ ପୂର୍ବରୁ ସ୍କାଏରୁଟ୍ର ଇନଫିନିଟି କ୍ୟାମ୍ପସରେ ଦେଶର ପ୍ରଥମ ଘରୋଇ ରକେଟ ବିକ୍ରମ-୧ ଉନ୍ମୋଚନ କରିଥିବା କଥା ମାନେ ପକାଇଥିଲେ। ଏହାର ଗୁରୁତ୍ୱ ଉପରେ ମଧ୍ୟ ଆଲୋକପାତ କରିଥିଲେ। ନଭେମ୍ବର ମାସକୁ ଏକ ବିଶେଷ ମାସର ଆକ୍ଷା ଦେଇ କହିଛନ୍ତି , ନଭେମ୍ବର ମାସ ଅନେକ ଆକାଂକ୍ଷା ଆଣିଛି। ୨୫ ନଭେମ୍ବରରେ, ଅଯୋଧ୍ୟାର ରାମ ମନ୍ଦିରରେ ଧର୍ମଧ୍ୱଜା ଉତ୍ତୋଳନ କରାଗଲା କରାଯାଇଥିଲା। ସେହି ଦିନ, କୁରୁକ୍ଷେତ୍ରର ଜ୍ୟୋତିସାରରେ ପଞ୍ଚଜନ୍ୟ ସ୍ମାରକୀ ଉଦଘାଟନ କରାଯାଇଥିଲା ବୋଲି କହିଥିଲେ ମୋଦୀ।
ଖାଦ୍ୟଶସ୍ୟ ଉତ୍ପାଦନରେ ଦେଶ ରେକର୍ଡ ଭାଙ୍ଗିଥିବା କଥା ମୋଦୀ ଆଲୋକପାତ କରିଥିଲେ। ସେ କହିଥିଲେ , ଭାରତ କୃଷି କ୍ଷେତ୍ରରେ ପ୍ରମୁଖ ସଫଳତା ହାସଲ କରିଛି। ଭାରତ ୩୫୭ ନିୟୁତ ଟନ୍ ଖାଦ୍ୟଶସ୍ୟ ଉତ୍ପାଦନ କରି ଏକ ଐତିହାସିକ ରେକର୍ଡ ସ୍ଥାପନ କରିଛି। ୧୦ ବର୍ଷ ପୂର୍ବ ତୁଳନାରେ, ଭାରତର ଖାଦ୍ୟଶସ୍ୟ ଉତ୍ପାଦନ ୧୦୦ ନିୟୁତ ଟନ୍ ବୃଦ୍ଧି ପାଇଛି। ଇସ୍ରୋ ଦ୍ଵାରା ଆୟୋଜିତ ଡ୍ରୋନ୍ ପ୍ରତିଯୋଗିତାରେ ମଙ୍ଗଳ ଗ୍ରହ ପରିସ୍ଥିରେ ଡ୍ରୋନ୍ ଉଡାଇବାକୁ ଚେଷ୍ଟା କରି ସଫଳ ହୋଇଥିବା ଯୁବକ ମାନଙ୍କୁ ପ୍ରଶଂସା କରିଥିଲେ। ଏବଂ ଆମର Gen-Z ମଙ୍ଗଳ ଗ୍ରହ ଭଳି ପରିସ୍ଥିତିରେ ଡ୍ରୋନ୍ ଉଡ଼ାଇବାକୁ ଚେଷ୍ଟା କରୁଥିବ କହିଥିଲେ। ସେ ଆହୁରି କହିଛନ୍ତି ଯେ ଭିଡିଓଟି ତାଙ୍କୁ ଚନ୍ଦ୍ରାୟଣ ନେଟୱାର୍କ କଭରେଜ୍ ବାହାରକୁ ଯିବା ସମୟରେ ହୋଇଥିବା ବିପର୍ଯ୍ୟୟର ମନେ ପକାଇ ଦେଇଥିଲା। ଜନ କଲ୍ୟାଣ ପ୍ରୟାସକୁ ସ୍ପର୍ଶ କରି ପ୍ରଧାନମନ୍ତ୍ରୀ ମୋଦୀ ‘GST ବଚତ ଉତ୍ସବ’ ବିଷୟରେ କହିଥିଲେ, ଏହା ଦ୍ୱାରା ସୃଷ୍ଟି ହୋଇଥିବା ବ୍ୟାପକ ଉତ୍ସାହକୁ ଉଲ୍ଲେଖ କରିଥିଲେ।ସେ ସ୍ୱଚ୍ଛତା ଏବଂ ସ୍ଥାୟୀତ୍ୱକୁ ପ୍ରୋତ୍ସାହିତ କରୁଥିବା ଅନେକ ନାଗରିକ-ଚାଳିତ ପଦକ୍ଷେପ ଉପରେ ଆଲୋକପାତ କରିଥିଲେ।