ଆସାମ: ଇରାନରେ ଯୁଦ୍ଧ ପରିସ୍ଥିତି ଯୋଗୁଁ ଏଲପିଜି ସଙ୍କଟ ନେଇ ଚିନ୍ତା ବଢ଼ୁଥିବା ବେଳେ ବିଜେପି ପକ୍ଷରୁ ଆସାମରେ ଏକ ଚମତ୍କାର ନିର୍ବାଚନୀ ଘୋଷଣା ହୋଇଛି।
ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି ଯେ, ଏନଡିଏ ପୁଣିଥରେ କ୍ଷମତାକୁ ଫେରିଲେ ରାଜ୍ୟର ପ୍ରତ୍ୟେକ ପରିବାରକୁ ବର୍ଷକୁ ୨ଟି ଏଲପିଜି ସିଲିଣ୍ଡର ମାଗଣାରେ ଯୋଗାଇ ଦିଆଯିବ। ଶନିବାର ଏକ ନିର୍ବାଚନୀ ରାଲିରେ ସେ କହିଥିଲେ, ଗୋଟିଏ ସିଲିଣ୍ଡର ବିହୁ ପୂର୍ବରୁ । ଅନ୍ୟଟି ଦୁର୍ଗା ପୂଜା ପୂର୍ବରୁ ଦିଆଯିବ।
ଏଥିପାଇଁ ଆପଣଙ୍କୁ ଦେୟ ଦେବାକୁ ପଡ଼ିବ ନାହିଁ, ‘ମାମା’ (ଆସାମର ଲୋକେ ହିମନ୍ତଙ୍କୁ ମାମା ବୋଲି ସମ୍ବୋଧନ କରନ୍ତି) ଦେବେ। ଏହା କ’ଣ ଭଲ ହେବ ନାହିଁ ବୋଲି କହି ଆସାମ ବାସୀଙ୍କୁ ପ୍ରଶ୍ନ କରିଛନ୍ତି ହିମନ୍ତ। ଏହି ଘୋଷଣା ପରେ ଆସାମର ରାଜନୈତିକ ପରିବେଶରେ ଚର୍ଚ୍ଚା ବଢ଼ିଛି ଏବଂ ଆସନ୍ତା ନିର୍ବାଚନରେ ଏହାର ପ୍ରଭାବ ପଡ଼ିପାରେ ବୋଲି ମନେ କରାଯାଉଛି।