ପ୍ରମୁଖ ଖବର

କାଲି ସକାଳ ୬ଟାରୁ ଦିନ ୨ଟା ପର୍ଯ୍ୟନ୍ତ ବାଲେଶ୍ୱର ବନ୍ଦ
ସୌମ୍ୟାଶ୍ରୀଙ୍କ ମୃତ୍ୟୁର ‘କଠୋର ପଦକ୍ଷେପ ନିଆଯିବ, ସଂପୃକ୍ତ ବ୍ୟକ୍ତିଙ୍କୁ ଦଣ୍ଡ ମିଳିବ’ : ରାଜ୍ୟପାଳ
ମହାକାଶରୁ ଫେରିଲେ ଶୁଭାଂଶୁ ଶୁକ୍କା
୩ ମାସରେ ଇ-କେୱାଇସି ନ କଲେ କଟାଯିବ କାର୍ଡ
ବାଲେଶ୍ୱର ଘଟଣାକୁ ବିରୋଧ କରି ଜୁଲାଇ ୧୭ରେ ଓଡ଼ିଶା ବନ୍ଦ
ରେଭେନ୍ସା କେବଳ ଇଟା ସିମେଣ୍ଠରେ ଗଢା ନୁହେଁ ,ଏହା ଏକ ଶାଳ ଗ୍ରାମ :ରାଷ୍ଟ୍ରପତି
ଗାଁ ଶ୍ମଶାନରେ ସୌମ୍ୟାଶ୍ରୀଙ୍କ ଶେଷକୃତ୍ୟ ସମ୍ପନ୍ନ

କାହା ଆକାଉଣ୍ଟରୁ ଫେରିବ କାଳିଆ ଟଙ୍କା

0

ଭୁବନେଶ୍ୱର: ୫ଏକରରୁ ଅଧିକ ଚାଷ ଜମି ଥିଲେ କିମ୍ୱା ସରକାରୀ ଚାକିରିଆ । ଆୟକର ଦାତା ଅଥବା ହିତାଧିକାରୀଙ୍କର ମୃତ୍ୟୁ ହୋଇଯାଇଥିବା ଜଣାପଡିଲେ, ସେମାନଙ୍କ ଆକାଉଣ୍ଟକୁ ଭୁଲ କ୍ରମେ ଯାଇଥିବା କାଳିଆ ଟଙ୍କା ଫେରାଇ ଅଣାଯିବ । ଆଜି କୃଷି ସଚିବ ସୌରଭ ଗର୍ଗ ସଚିବାଳୟରେ ଏହି ସୂଚନା ଦେଇଛନ୍ତି । ଶ୍ରୀ ଗର୍ଗ କହିଛନ୍ତି, ସୋସିଆଲ ମିଡିଆ ଆଦିରେ କାଳିଆ ଟଙ୍କା ଜାଲ ବ୍ୟକ୍ତି ନେଇଥିବା ନେଇ ଯେଉଁ ପ୍ରଚାର ଚାଲିଛି, ତାହା ଗୁଜବ ଉପରେ ମୁଖ୍ୟତଃ ପର୍ଯ୍ୟବେସିତ । ଏ ନେଇ ଯେ କୌଣସି ବ୍ୟକ୍ତି ସରକାରୀ େଵବସାଇଟ୍‍୍‍, କୃଷି ବା ସମବାୟ ବିଭାଗ ଅଧିକାରୀଙ୍କ ଦୃଷ୍ଟିକୁ ଆଣି ଯାଞ୍ଚ କରିପାରିବେ ।
ପରିସଂଖ୍ୟାନ ଦେଇ ଶ୍ରୀ ଗର୍ଗ କହିଥିଲେ, ସରକାର ଜାନୁଆରୀ ୧ ତାରିଖରେ ଏକ ଚିଠା ତାଲିକା ପ୍ରସ୍ତୁତ କରିଥିଲେ, ଯେଉଁଥିରେ ୨୨ଲକ୍ଷ ହିତାଧିକାରୀ ଆବେଦନ କରିଥିବା ଦେଖାଯାଇଥିଲା । ପରବର୍ତୀ ସମୟରେ ସେମାନଙ୍କ ମଧ୍ୟରୁ ପ୍ରାୟ ଦେଢ ଲକ୍ଷ ଲୋକ ନିଜେ ଏହି ଯୋଜନାରୁ ଓହରିଯାଇ ନାଲି ଫର୍ମ ପୂରଣ ସହ ପୈଠ କରିଥିଲେ । ଏହିଭଳି ୨୦ଲକ୍ଷ ୪୩ ହଜାର ଆବେଦନକୁ ଯାଞ୍ଚ କରାଯାଇ ପ୍ରଥମ ପର୍ଯ୍ୟାୟରେ ୧୨ଲକ୍ଷ ୪୫ ହଜାର ହିତାଧିକାରୀଙ୍କୁ କାଳିଆ ଅର୍ଥ ପୈଠ କରାଯାଇଛି । କୌଣସି ବଡ ବଡିଆଙ୍କୁ ଏହି ଅର୍ଥ ଦିଆଯାଇନାହିଁ । ଏହା ସତ୍ତ୍ୱେ ଯଦି ଜଣାପଡିବ, ତେବେ ଆକାଉଣ୍ଟରୁ ଟଙ୍କା ଫେରାଇ ଅଣାଯିବ ବୋଲି ସଚିବ ରୋକ୍‍ଠୋକ୍‍ କହିଛନ୍ତି ।
ଉଲ୍ଲେଖଯୋଗ୍ୟ, ୨୦ ହଜାର ହିତାଧିକାରୀଙ୍କ ଆକାଉଣ୍ଟକୁ ବ୍ୟାଙ୍କରୁ ଟଙ୍କା ଯାଇନାହିଁ । ସେମାନଙ୍କୁ କିଭଳି ଏହି ଟଙ୍କା ମିଳିବ, ସେ ନେଇ ବିଭାଗ ଷ୍ଟେଟ ବ୍ୟାଙ୍କ ସହିତ ଯୋଗାଯୋଗରେ ଥିବା ସୂଚନା ମିଳିଛି ।

Leave A Reply

Your email address will not be published.