ମହାନଦୀ ଟ୍ରିବ୍ୟୁନାଲରେ ଭୀଷଣ ପ୍ରତିବାଦ ଜଣାଇଛନ୍ତି ଛତିଶଗଡ ସରକାର
ଓଡ଼ିଶାକୁ ଦୋଷୀ ବୋଲି ସାବ୍ୟସ୍ତ କରିବା ସହ କ୍ଷତିପୂରଣ ମାଗିଛନ୍ତି
ଭୁବନେଶ୍ୱର: ଛତିଶଗଡରେ କଂଗ୍ରେସ କ୍ଷମତାକୁ ଆସିଲା, ଏବେ ମହାନଦୀ ମାମଲାରେ ଓଡ଼ିଶାକୁ ସହଯୋଗ ମିଳିବ । ଏମିତି ଭାଷଣବାଜି କରିଥିଲେ, ରାଜ୍ୟ କଂଗ୍ରେସ ନେତାମାନେ । ଛତିଶଗଡ ସରକାର କ୍ଷମତା ଦଖଲ ପରେ ଏ ନେଇ ଉଁ କି ଚୁଁ କହୁନାହାନ୍ତି କି ରାଜ୍ୟ କଂଗ୍ରେସ ନେତା ବି ଏକଥା ଆଉ ତୁଣ୍ଡରେ ଧରୁନାହାନ୍ତି । ଏମିତି ସମୟରେ ଆଜି ଆଉ ଏକ ଚାଞ୍ଚଲ୍ୟକର ତଥ୍ୟ ପଦାକୁ ଆସିଛି । ଛତିଶଗଡର ନୂଆ କଂଗ୍ରେସ ସରକାର ମହାନଦୀ ଟ୍ରିବ୍ୟୁନାଲରେ ଓଡ଼ିଶାକୁ ଅଧିକ ସାଂଘାତିକ ଓ ପ୍ରଭାବୀ ଆକ୍ରମଣ କରିଦେଇଛନ୍ତି । ନିଜ ଦୋଷ ଘୋଡାଇବା ପାଇଁ ପୂରା ଉଦ୍ୟମ କରିଛନ୍ତି । ଓଲଟା ଦାବି କରିଛନ୍ତି ଯେ ଆମେ ଅସଲରେ ମହାନଦୀ ଲାଗି କ୍ଷତି ସହୁଛୁ । ଆମକୁ କ୍ଷତିପୂରଣ ଦେବା ଲାଗି ଟ୍ରିବୁ୍ୟନାଲ ଓଡ଼ିଶା ସରକାରଙ୍କୁ କୁହନ୍ତୁ ।
ମହାନଦୀ ଜଳବିବାଦରେ ଓଡ଼ିଶା ଯେଉଁ ଅଭିଯୋଗ ରଖିଥିଲା, ତାର ପ୍ରତିଜବାବ ଦେବାକୁ ଯାଇ ଛତିଶଗଡ ସରକାର ଗତକାଲି ମହାନଦୀ ଟ୍ରିବ୍ୟୁନାଲରେ ତାଙ୍କ ବିବରଣୀ ଦାଖଲ କରିଛନ୍ତି । ଏଥିରେ କୁହାଯାଇଛି, ଛତିଶଗଡ ଅଞ୍ଚଳରେ ହୀରାକୁଦ ଡ୍ୟାମ ପ୍ରକଳ୍ପ କାରଣରୁ ଯେଉଁ ଜଳମଗ୍ନ ହେଉଛି, ତା ଦ୍ୱାରା ରାଜ୍ୟ ଘୋର କ୍ଷତି ସହୁଛି । ଏ ବାବଦରେ କିନ୍ତୁ ଓଡ଼ିଶା ସରକାର କ୍ଷତିପୂରଣ ଦେଉନାହାନ୍ତି । ନା ଶକ୍ତି ଉପùାଦନରେ ସମାନ ଅଂଶ ମିଳୁଛି ନା ୧୯୮୩ ମସିହା ବୁଝାମଣାକୁ ଓଡ଼ିଶା ମାନୁଛି । ଓଲଟା ଛତିଶଗଡ ସରକାରଙ୍କ ବିନାନୁମତିରେ ଓଡ଼ିଶା ହୀରାକୁଦ ଜଳସ୍ତରକୁ ସଂଶୋଧନ କରିଛି ।
ଛତିଶଗଡ ସରକାର ଆହୁରି ଯୁକ୍ତି ରଖିଛନ୍ତି, ନିର୍ମାଣାଧୀନ ବ୍ୟାରେଜ ଯୋଗୁଁ ଓଡ଼ିଶାରେ କିଛି ବି ପ୍ରଭାବ ପଡୁନାହିଁ । ମହାନଦୀର ତଳମୁଣ୍ଡରେ ନିରନ୍ତର ଭାବେ ଜଳପ୍ରବାହ ହେଉଛି । ଓଲଟା ଛତିଶଗଡର ୩୬ଟି ଗାଁ ପାଣିରେ ବୁଡୁଛି ।
କେବଳ ସେତିକି ନୁହେଁ, ଛତିଶଗଡ ସରକାରଙ୍କ ବିନା ଅନୁମତିରେ ଓ ଅଗୋଚରରେ ହୀରାକୁଦରେ ଓଡ଼ିଶା ସରକାର ସ୍ପିଲ୍ େଵ ନିର୍ମାଣ କରିଛନ୍ତି । ଏହା ସମ୍ପୂର୍ଣ୍ଣ ଭାବେ ବେଆଇନ ଓ ୨୦୦୬ ମସିହାର ନିୟମକୁ ଉଲ୍ଲଂଘନ କରୁଛି । ଓଡ଼ିଶା ସରକାରଙ୍କ ମହାନଦୀ ଅଭିଯୋଗକୁ ମନୁଷ୍ୟକୃତ ଚାଲ୍ ବୋଲି ମଧ୍ୟ ଛତିଶଗଡ ସରକାର କହିଛନ୍ତି ।
ଉଲ୍ଲେଖଯୋଗ୍ୟ, ମହାନଦୀ ପ୍ରସଙ୍ଗରେ ପୂର୍ବରୁ ଛତିଶଗଡରେ ସରକାରରେ ଥିବା ରମଣ ସିଂହ କଡା ଆଭିମୁଖ୍ୟ ଗ୍ରହଣ କରିଥିଲେ । କେନ୍ଦ୍ର ସରକାରଙ୍କୁ ଆୟୁଧ କରି ଓଡ଼ିଶାର ଦାବିକୁ ଠୋ ଠା ଫାଙ୍କି ଦେବାକୁ କୌଣସି ସୁଯୋଗ ହାତଛଡା କରିନାହାନ୍ତି । ସେତେବେଳେ ଓଡ଼ିଶା ବିଜେପି ଏ ଘଟଣାରେ ଛତିଶଗଡ ପକ୍ଷ ନେଉଥିଲା, ଯାହା ପରବର୍ତୀ ସମୟରେ ସେମାନେ ବଦଳିଥିଲେ । ହେଲେ କଂଗ୍ରେସ କିନ୍ତୁ ଗର୍ଜୁଥିଲା । ଏବେ କଂଗ୍ରେସ ସରକାର ଆସିବା ପରେ ଅଧିକ ଭୀଷଣ ପ୍ରତିବାଦ କରିଥିବା ପରିପ୍ରେକ୍ଷୀରେ ରାଜ୍ୟ କଂଗ୍ରେସ କେଉଁ ଭୂମିକା ନେବ, ତାହା ଦେଖିବା କଥା ।
Sign in
Sign in
Recover your password.
A password will be e-mailed to you.
ପ୍ରମୁଖ ଖବର
ଲୋକସଭା ନିର୍ବାଚନ ୨୦୨୪ର ପଞ୍ଚମ ପର୍ଯ୍ୟାୟରେ ସୋମବାର ଅପରାହ୍ନ ୫ଟା ସୁଦ୍ଧା ୪୯ଟି ଆସନରେ ୫୬.୬୮% ମତଦାନ
ଓଡିଶା ରାଜ୍ୟରେ ଅପରାହ୍ଣ ୫ଟା ସୁଦ୍ଧା ୬୦.୫୪ ପ୍ରତିଶତ ମତଦାନ
ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ରାଜଧାନୀରେ ରୋଡ ସୋ’ କରିଛନ୍ତି
ଛତିଶଗଡ଼ରେ ୨୦ଫୁଟ ତଳକୁ ଓଲଟିଲା ପିକଅପ ଭ୍ୟାନ, ୧୭ମୃତ, ୧୨ ଆହତ
Prev Post
Next Post