ପ୍ରମୁଖ ଖବର

ଭୁବନେଶ୍ବର: ତଳସରା ବିଧାୟକ ଭବାନୀ ଭୋଇ ବିଜେପିର ଉପ ବାଚସ୍ପତି ପ୍ରାର୍ଥୀ
ନୂଆ ଆୟକର ବ୍ୟବସ୍ଥାରେ ବଦଳିଲା ଛାଡସୀମା, ପୁରୁଣା ବ୍ୟବସ୍ଥାରେ ଅପରିବର୍ତ୍ତିତ, ଷ୍ଟାଣ୍ଡାର୍ଡ ଡିଡକ୍ସନ ୭୫୦୦୦କୁ ବୃଦ୍ଧି
୧୫ ପ୍ରତିଶତ ସୀମା ଶୁଳ୍କ ହ୍ରାସ ନେଇ ଅର୍ଥମନ୍ତ୍ରୀଙ୍କ ଘୋଷଣା: ଶସ୍ତା ହେବ ସୁନା, ରୂପା, କ୍ୟାନ୍ସର ଔଷଧ, ମୋବାଇଲ
ଏଥର ବଜେଟ୍ ରେ ନୂଆ ଚାକିରିଆଙ୍କ ପାଇଁ ଖୁସି ଖବର, ତିନୋଟି କିସ୍ତିରେ ମିଳିବ ୧୫ ହଜାର

ବଡ଼ ଲଢାଇ ପାଇଁ ଓହ୍ଲାଇଲେ ବିଜୟ ମହାପାତ୍ର

0

ଭୁବନେଶ୍ୱର: ଦୀର୍ଘ କଳ୍ପନାଜଳ୍ପନାର ଅନ୍ତ ଘଟିଛି । ପୂର୍ବତନ ମନ୍ତ୍ରୀ ତଥା ବରିଷ୍ଠ ନେତା ବିଜୟ ମହାପାତ୍ର ୨୦୧୯ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହେବା ଲାଗି ମନ ସ୍ଥିର କରିଛନ୍ତି । ତେବେ ବିଜେପି, ବିଜେଡି କିମ୍ୱା କଂଗ୍ରେସ ନୁହେଁ, ସ୍ୱାଧୀନ ଭାବେ ବିଜୟ ନିର୍ବାଚନ ମଇଦାନକୁ ଓହ୍ଲାଇବେ ।
ଶୀର୍ଷ ରାଜନୈତିକ ମହଲର ଖବରକୁ ବିଶ୍ୱାସ କରାଗଲେ, କେନ୍ଦ୍ରାପଡାରେ ବିଜୟ-ବୈଜୟନ୍ତ ଓ କଂଗ୍ରେସ ମଧ୍ୟରେ ଅଘୋଷିତ ମେଣ୍ଟ ହେବାକୁ ଯାଉଛି । କଂଗ୍ରେସ ବିଜୟଙ୍କୁ ସହଯୋଗ ପାଇଁ ଦ୍ୱାର ଉନ୍ମୁକ୍ତ କରିଛି । ତେବେ ଏ ନେଇ ଆଲୋଚନା ଚୂଡାନ୍ତ ପର୍ଯ୍ୟାୟରେ ପହଞ୍ଚିନାହିଁ ।
ଏପଟେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ବିଜେଡିକୁ ସଫା କରିବା ଲାଗି କେନ୍ଦ୍ରାପଡାରୁ ସ୍ୱାଧୀନ ଭାବେ ଲୋକସଭା ନିର୍ବାଚନ ଲଢିବାକୁ ମନସ୍ଥିର କରିଛନ୍ତି । ମିଳିଥିବା ସୂଚନା ଅନୁସାରେ, କେନ୍ଦ୍ରାପଡା ଜିଲ୍ଲାରେ ବିଜୟଙ୍କର ଥିବା ଦେଢ ଲକ୍ଷରୁ ଅଧିକ ଭୋଟର ବୈଜୟନ୍ତଙ୍କୁ ସମର୍ଥନ କରିବେ । ପ୍ରତିବଦଳରେ ବିଜୟଙ୍କୁ ମହାକାଳପଡା, ପାଟକୁରା ଆଦି ବିଧାନସଭା ଆସନରେ ଶ୍ରୀ ପଣ୍ଡାଙ୍କ ସମର୍ଥନ ହେବ । ଏହାଦ୍ୱାରା ବିଜେଡି ଭୋଟ ବିଭାଜିତ ହେବ ଓ କଂଗ୍ରେସ ଭୋଟର ସମର୍ଥନ ଦେଲେ, ଜିଲ୍ଲାର ସମସ୍ତ ଆସନରେ ବୈଜୟନ୍ତ, ବିଜୟ ଓ କଂଗ୍ରେସ ନେତାମାନେ ସହଜରେ ଜିତିପାରିବେ ବୋଲି ରାଜନୈତିକ ପର୍ଯ୍ୟବେକ୍ଷକ ମହଲ ବିଶ୍ୱାସ କରୁଛନ୍ତି ।
ଏହି ମହଲର ଆହୁରି କହିବା କଥା ହେଉଛି, ବିଜୟଙ୍କ ନିରବତା ସତ୍ତ୍ୱେ ରାଜ୍ୟ ସରକାରଙ୍କ ବିରୋଧରେ ଜନମତ ଶାସକ ଦଳକୁ ନୟାନ୍ତ କଲାଣି । ବିଜୟ-ବୈଜୟନ୍ତ ଓ କଂଗ୍ରେସ ଯଦି ଏକାଠି ମିଳିତ ଆକ୍ରମଣ କରିବେ, ତେବେ ଆଗକୁ ସ୍ଥିତି ଭୟାନକ ହୋଇପାରେ ।
ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ମୁତାବକ, କେନ୍ଦ୍ରାପଡା ଜିଲ୍ଲା ଦୁହୁରିଆରେ ବିଜୟଙ୍କ ଅଫିସ ବିଧିବଦ୍ଧ ଭାବେ ଖୋଲିଛି । ଏହିଠାରୁ ସେ ଅପରେସନ୍‍ ଓଡ଼ିଶା ଆରମ୍ଭ କରିବେ । କେବଳ ସେତିକି ନୁହେଁ, ଶନିବାର ବିଜୟ ପାଟକୁରା ଓ ମହାକାଳପଡା ଛାଡି ପ୍ରଥମଥର ପାଇଁ ଡେରାବିଶ, ପଟ୍ଟାମୁଣ୍ଡାଇ ଆଦି ଗସ୍ତ କରୁଛନ୍ତି । କେନ୍ଦ୍ରାପଡାରେ ବିଭିନ୍ନ ଅଞ୍ଚଳର ନେତାଙ୍କୁ ସେ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
ଏଠାରେ ଉଲ୍ଲେଖଥାଉକି, ଏକ ଘରୋଇ ସର୍ଭେର ରିପୋର୍ଟକୁ ବିଶ୍ୱାସ କରାଗଲେ, କେନ୍ଦ୍ରାପଡାରେ ବିଜେଡି ସଙ୍ଗିନ୍‍ ପରିସ୍ଥିତିରେ ଗତି କରୁଛି । ଶାସକ ଦଳର ବିଧାୟକ ବଦନାମ ହୋଇଛନ୍ତି ଓ ଗୋଷ୍ଠୀ କନ୍ଦଳ ଶୀର୍ଷ ଛୁଇଁଛି । ଏପଟେ ବିଜୟଙ୍କ ସପକ୍ଷରେ ଏକ ଅନୁକମ୍ପା ଭୋଟ ବ୍ୟାଙ୍କ ତିଆରି ହେଲାଣି । ସେହିପରି ବୈଜୟନ୍ତଙ୍କର ବିଜେଡି ସହିତ ସଂପର୍କ ଖରାପ ଥିଲେ, ସାଧାରଣ ଲୋକଙ୍କ ଠାରୁ ସେ ବେଶୀ ଦୂର ଯାଇନାହାନ୍ତି ବୋଲି ଏହି ରିପୋର୍ଟ କହୁଛି । ଯଦି ଏମିତି ହୁଏ, ତେବେ କେବଳ କେନ୍ଦ୍ରାପଡା ନୁହେଁ, ରାଜ୍ୟର ପାଖାପାଖି ୩୨ଟି ଆସନରେ ଏହି ସମୀକରଣର ଜବରଦସ୍ତ ପ୍ରଭାବ ପଡିବା ବିଚିତ୍ର ନୁହେଁ ବୋଲି କୁହାଯାଇପାରେ ।

Leave A Reply

Your email address will not be published.