ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

ବିଜେପୁରରୁ ପ୍ରାର୍ଥୀ ହେବେ ନବୀନ!

0

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଶ୍ଚିମ ଓଡ଼ିଶାରୁ ଲଢିପାରନ୍ତି । ଆଜି ନିଜେ ନବୀନ ଗଣମାଧ୍ୟମକୁ ଏଭଳି ସୂଚନା ଦେଇଛନ୍ତି । ପଦ୍ମଶ୍ରୀ ହଳଧର ନାଗଙ୍କର ବିଜେଡି ମିଶ୍ରଣ କାର୍ଯ୍ୟକ୍ରମ ଅବସରରେ ସାମ୍ୱାଦିକମାନଙ୍କୁ ନବୀନ କହିଥିଲେ ଯେ ପଶ୍ଚିମ ଓଡି଼ଶାର ମହିଳା, ଯୁବକ, ଛାତ୍ରଛାତ୍ରୀ ଏବଂ ନେତାମାନେ ତାଙ୍କୁ ସେଠାରୁ ଲଢିବାକୁ ଅନୁରୋଧ କରୁଛନ୍ତି । ଏଣୁ ସେ ଏ ପ୍ରସ୍ତାବକୁ ଗୁରୁତ୍ୱର ସହ ବିଚାର କରୁଛନ୍ତି ।
ଅନ୍ୟପଟରେ ବିଶ୍ୱସ୍ତ ସୂତ୍ରରୁ ମିଳୁଥିବା ସୂଚନା ଅନୁସାରେ, ନବୀନ ଆସନ୍ତା ନିର୍ବାଚନରେ ବିଜେପୁରରୁ ପ୍ରାର୍ଥୀ ହୋଇପାରନ୍ତି । ଏହି ନିର୍ବାଚନମଣ୍ଡଳୀରେ ରୀତା ସାହୁ ଏବେ ବିଧାୟିକା ଅଛନ୍ତି । ଗତ ଉପନିର୍ବାଚନରେ ନବୀନ ଏହି ନିର୍ବାଚନମଣ୍ଡଳୀ କଥା ନିଜେ ବୁଝିବେ ବୋଲି କହିଥିଲେ ।
ରାଜନୈତିକ ମହଲ ଏହାକୁ ଗମ୍ଭୀରତା ସହିତ ଗ୍ରହଣ କରୁଛନ୍ତି । ନବୀନଙ୍କର ମାଷ୍ଟର ଷ୍ଟ୍ରୋକ୍‍ ବୋଲି କୁହାଯାଉଛି । ଏହାଦ୍ୱାରା ପଶ୍ଚିମ ଓଡ଼ିଶାରେ ବିଜେପିର ରାସ୍ତାକୁ ଅବରୋଧ କରିବାରେ ବିଜେଡି ସକ୍ଷମ ହେବ । ଗତକାଲି ନବୀନ ପୂର୍ବତନ ମନ୍ତ୍ରୀ ଦିଲ୍ଲୀପ ରାୟଙ୍କୁ ବରଗଡ ଲୋକସଭା ଆସନରୁ ପ୍ରାର୍ଥୀ ହେବା ଲାଗି ପ୍‍୍ରସ୍ତାବ ଦେଇଥିଲେ ।
ଏହା ପୂର୍ବରୁ ଝାରସୁଗୁଡାରୁ ନବ ଦାସଙ୍କୁ ବିଜେଡିରେ ସାମିଲ କରାଯାଇଥିଲା । ସମ୍ୱଲପୁର ଆସନ ପାଇଁ ନଳିନୀ ପ୍ରଧାନଙ୍କୁ ସାମ୍ନାକୁ ଆଣିଥିଲା ବିଜେଡି । ଆଜି କୋଶଳ କାର୍ଡ ଖେଳି ନବୀନ ହଳଧର ନାଗଙ୍କୁ ବି ବିଜେଡିରେ ମିଶାଇଛନ୍ତି ।
ନବୀନଙ୍କ ପଶ୍ଚିମ ଓଡ଼ିଶା କାର୍ଡ ପରେ ହାଇକୋର୍ଟ ବେଞ୍ଚ ଆନ୍ଦୋଳନ ନୂଆ ମୋଡ ନେଇପାରେ ବୋଲି ମଧ୍ୟ ସମୀକ୍ଷକମାନେ ମତ ରଖୁଛନ୍ତି । ଅନ୍ୟପକ୍ଷରେ ହିଞ୍ଜିଳି ଆସନରେ ଏବେ କିଏ ପ୍ରାର୍ଥୀ ହେବ । ଗୀତା ମେହେଟ୍ଟା ନା ଅରୁଣ ପଟ୍ଟନାୟକ ତାକୁ ନେଇ ବି କଳ୍ପନାଜଳ୍ପନା ଆରମ୍ଭ ହୋଇଛି ।

Leave A Reply

Your email address will not be published.