ଦୀର୍ଘ ସମୟ ଧରି ମୋବାଇଲ୍ ଫୋନ୍ ବ୍ୟବହାର କରିବା କିମ୍ୱା କମ୍ପ୍ୟୁଟର ସ୍କ୍ରିନ୍ କାମ କରିବାଦ୍ୱାରା ଅାପଣ ନେମୋଫୋବିୟାର ଶିକାର ହୋଇପାରନ୍ତି । ଅାଜିକାଲିର ଲାଇଫ୍ ଷ୍ଟାଇଲ୍ ହିଁ ମଣିଷକୁ ସବୁବେଳେ ବିଭିନ୍ନ ପ୍ରକାରର ଯାନ୍ତ୍ରିକ ଉପକରଣ ଉପରେ ନିର୍ଭରଶୀଳ କରାଇଛି । ବିଶେଷକରି ପ୍ରାୟ ସମସ୍ତେ ଏବେ ସ୍ମାର୍ଟ ଫୋନ୍ ବ୍ୟବହାର ପ୍ରତି ଏତେ ଅଭ୍ୟସ୍ତ ହୋଇ ଯାଇଛନ୍ତି ଯେ ତାହା ସେମାନଙ୍କ ଉପରେ ନକାରମùକ ପ୍ରଭାବ ପକାଉଛି।
ଏକ ଅଧ୍ୟୟନରୁ ଜଣାପଡିଛି କି ୫୦ ପ୍ରତିଶତ ଉପଭୋକ୍ତା ପ୍ରାୟ ସବୁ ସମୟରେ ମୋବାଇଲ୍ ସ୍କ୍ରିନ୍ ଉପରେ ନଜର ରଖିଥାନ୍ତି । କିନ୍ତୁ ଏଭଳି ଅନେକସମୟ ପର୍ଯ୍ୟନ୍ତ ମୋବାଇଲ୍ ଓ କମ୍ପ୍ୟୁଟର ସ୍କ୍ରିନ୍ ବ୍ୟବହାର ଫଳରେ ସେମାନେ ବେକ ଦରଜ ହେବା ,ଅାଖି ଶୁଖିଲା ଲାଗିବା,କମ୍ପ୍ୟୁଟର ଭିଜନ୍ ସିଣ୍ଡୋ୍ର ତଥା ଅନିଦ୍ରାର ଶିକାର ହୋଇଥାଅାନ୍ତି । ୨୦ରୁ ୩୦ ବର୍ଷର ଯୁବପିଢ଼ିଙ୍କ ମଧ୍ୟରେ ନିଜର ମୋବାଇଲ୍ ଫୋନ୍ ହଜିଯିବାର ଏକ ଅାଶଙ୍କା ତାଙ୍କୁ ସବୁବେଳେ ଚିନ୍ତାରେ ପକାଇଥାଏ । ତେଣୁ ସେମାନଙ୍କର ଏଭଳି ଏକ ମାନସିକତାକୁ କୁହାଯାଏ ନେମୋଫୋବିୟା ।
ହାର୍ଟ କେୟାର୍ ଫାଉଣ୍ଡେସନ୍ ଅଫ୍ ଇଣ୍ଡିଅାର ରିସର୍ଚ୍ଚରେ କୁହାଯାଇଛିକି କମ୍ପ୍ୟୁଟର ମୋବାଇଲ୍ ଫୋନ୍ରେ ଅାସୁଥିବା ନୋଟିଫିକେସନ୍ କିମ୍ୱା ମେସେଜ୍ ବାରମ୍ୱାର ଅାସୁଥିବାରୁ ସେସବକୁ ଦେଖିବାକୁ ବାଧ୍ୟ କରିଥାଏ ଫଳରେ ଏକ ତନ୍ତ୍ରିକା ବାରମ୍ୱାର ଅାକ୍ଟିଭ ରହିଥାଏ । ଫଳରେ ମସ୍ତିସ୍କ ଲଗାତାର ସର୍ତକ ରହିଥାଏ ଓ ଅସାମାନ୍ୟ ରହିଥାଏ । ଅାମେ ଲଗାତାର ଫୋନ ର ଗତିବିଧିକୁ ହିଁ ନଜର କରିଥାଉ ଏବଂ ତାହାର ଅଭାବ ହେଲେ ମନରେ ଏକ ଅଭାବ ବୋଧ ବା ଅସ୍ଥିର ଭାବନା ସୃଷ୍ଟି ହୋଇଥାଏ । ତେଣୁ ସ୍ମାର୍ଟ ଫୋନ୍ ,କମ୍ପ୍ୟୁଟର ଭଳି ବିଭିନ୍ନ ଉପକରଣକୁ ବହୁ ଘଣ୍ଟା ବ୍ୟବହାର କରିବା ଫଳରେ ବେକ,କାନ୍ଧ,ପିଠି,କହୁଣୀ,ପାପୁଲି,ଅାଙ୍ଗୁଠି ଅାଦିରେ ପୁରୁଣା ଦରଜ ବା ଅନ୍ୟ ସମସ୍ୟା ଦେଖାଯିବା ସହ ବହୁ ରୋଗ ଦେଖାଦେଇଥାଏ ।