ମୁମ୍ବାଇ: ବଲିଉଡ ଆଉ ଜଣେ ପ୍ରତିଷ୍ଠିତ କଳାକାରଙ୍କୁ ହରାଇଛି। ଯୁବ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିବା ଖବର ଆସୁଛି। ଇରଫାନ୍ ଖାଁ, ଋଷି କପୁରଙ୍କ ନିଧନକୁ ନେଇ ବଲିଉଡ୍ ଇଣ୍ଡଷ୍ଟ୍ରି ଶୋକରେ ଥିବା ବେଳେ ଏହି ଖବର ସମସ୍ତଙ୍କୁ ବିସ୍ମିତ କରିଛି। ନିଜ ବେକରେ ଫାଶୀ ଲଗାଇ ସେ ଆତ୍ମହତ୍ୟା କରିଥିବା ଅତିରିକ୍ତ ପୁଲିସ କମିସନର ଡ. ମନୋଜ ଶର୍ମା କହିଛନ୍ତି। ତେବେ ତାଙ୍କ ବାସଭବନରୁ କୌଣସି ଆତ୍ମହତ୍ୟା ଜନିତ ନୋଟ୍ ବା ଲେଖା ପୁଲିସକୁ ମିଳିପାରିନାହିଁ। ତାଙ୍କର ବୟସ ୩୪ ବର୍ଷ ହୋଇଥିଲା।
ବଲିଉଡରେ ତାଙ୍କ ଶେଷ ଫିଲ୍ମ ଚିଚୋର ଥିଲା ଓ ଏହା ୨୦୧୯ରେ ଚର୍ଚ୍ଚାକୁ ଆସିଥିଲା। ତାଙ୍କର ଟିଭି ସୋର ମଧ୍ୟ ସ୍ବତନ୍ତ୍ର ଖ୍ୟାତି ରହିଥିଲା। ସେ ‘କାଇ ପୋ ଚେ!’ ସହିତ ବଲିଉଡରେ ଡେବ୍ୟୁ କରିଥିଲେ। ଆଜି ପର୍ଯ୍ୟନ୍ତ ତାଙ୍କର ସବୁଠାରୁ ବଡ ହିଟ୍ ହେଉଛି ‘ଏମ୍ଏସ୍ ଧୋନି: ଦ ଅନଟୋଲ୍ଡ ଷ୍ଟୋରି’। ଯେଉଁଥିରେ ସେ ଭାରତର ବହୁ ପ୍ରିୟ କ୍ରିକେଟର ଧୋନିଙ୍କ ଭୂମିକା ବିଷୟରେ ଲେଖିଥିଲେ।
ସୁଶାନ୍ତ ସିଂ ରାଜପୁତଙ୍କର ଶେଷ ଇନଷ୍ଟାଗ୍ରାମ ପୋଷ୍ଟ ତାଙ୍କ ମା’ ପାଇଁ ଥିଲା। “ସେ ଏକ ଚିତ୍ର ସେୟାର କରିଥିଲେ ଏବଂ ଲେଖିଥିଲେ, ଲୁହରୁ ଅସ୍ପଷ୍ଟ ଅତୀତର ବାଷ୍ପୀଭୂତ ହୋଇ ଅନନ୍ତ ସ୍ୱପ୍ନ ହସୁଥିବା ଏକ ସ୍ୱପ୍ନ ଏବଂ ଏକ କ୍ଷଣସ୍ଥାୟୀ ଜୀବନ, ଉଭୟଙ୍କ ମଧ୍ୟରେ ବୁଝାମଣା … # ମା’❤️”।
ବଲିଉଡର ଅନେକ ସେଲିବ୍ରିଟି ସୋସିଆଲ ମିଡିଆରେ ଦୁଃଖ ପ୍ରକାଶ କରିଛନ୍ତି।