ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

ବିଜେଡି ପ୍ରାର୍ଥୀ ଚୂଡାନ୍ତ, ଯେ କୌଣସି ମୁହୂର୍ତ୍ତରେ ଘୋଷଣା

0

ଭୁବନେଶ୍ୱର: ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ପାଇଁ ଆଜି ବିଜେପି ପ୍ରାର୍ଥୀ ତାଲିକା ଘୋଷଣା କରିଛି। ସେପଟେ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ବିଜେଡି ଉଭୟ ଆସନ ଲାଗି ପ୍ରାର୍ଥୀ ଚୟନ ଚୂଡାନ୍ତ କରିଛି। ଯେ କୌଣସି ମୁହୂର୍ତ୍ତରେ ବିଜେଡି ମୁଖିଆ ଏହି ତାଲିକା ଉପରେ ମୋହର ଲଗାଇପାରନ୍ତି।

ବିଜେଡି କ୍ଷମତା ଅଳିନ୍ଦ ଖବର ଅନୁସାରେ, ତିର୍ତ୍ତୋଲ ଆସନରେ ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ପ୍ରାର୍ଥୀ ହେବା ସମ୍ଭାବନା ଉଜ୍ଜ୍ୱଳ। ଏନେଇ ଏକପ୍ରକାର ସହମତି ହେବାପରେ ଦଳୀୟ ନେତାମାନେ ପ୍ରଚାର ଅଭିଯାନ ଜୋରଦାର କରିଛନ୍ତି।

ସେହିପରି ଆଜି ବିଳମ୍ବିତ ରାତିରେ ବାଲେଶ୍ୱର ଆସନ ପାଇଁ ପୂର୍ବତନ ସାଂସଦ ରବୀନ୍ଦ୍ର ଜେନାଙ୍କୁ ପ୍ରାର୍ଥୀ କରିବା ନେଇ ସହମତି ହୋଇଛି। ବିଜେଡି ସର୍ଭେ ସଂକେତ ଦେଉଛି ଯେ ରବି ଜେନାଙ୍କ ବ୍ୟତୀତ ଅନ୍ୟ କେହି ନିର୍ବାଚନ ଜିତିବା କଷ୍ଟସାଧ୍ୟ ହୋଇପାରେ। ଏପରିକି ତାଙ୍କ ପତ୍ନୀଙ୍କ ପ୍ରାର୍ଥୀତ୍ବ ପ୍ରତି ବିଶେଷ ଜନ ସମର୍ଥନ ନାହିଁ। ଅରୁଣ ଦେ ଜଣେ ଭଲ ପ୍ରାର୍ଥୀ ହୋଇଥିଲେ ହେଁ ଅସୁସ୍ଥତା ତାଙ୍କ ପାଇଁ ବଡ ସମସ୍ୟା ହୋଇଛି।

ରବିଙ୍କୁ ପ୍ରାର୍ଥୀ କରିବା ସହ ବିଜେଡି ପୂର୍ବତନ ବିଧାୟକ ଜୀବନପ୍ରଦୀପ ଦାଶଙ୍କୁ ଥଇଥାନ କରିବା ସମ୍ଭାବନା ବଢିଯାଇଛି। ଯଦି ବିଜେଡି ଭଲ ଭୋଟରେ ଜିତିବ ତେବେ ଦଳ ଶ୍ରୀ ଦାଶଙ୍କୁ ଏକ ଭଲ ନିଗମ ଦେବାକୁ ବିଚାର କରୁଛି। ଏହାଦ୍ୱାରା ବିଜେଡି ଜିଲ୍ଲା ରାଜନୀତିରେ ଭାରସାମ୍ୟ ରଖିବ। ରବି ଜେନା ଜିତିଲେ ଦଳ ତାଙ୍କୁ ମନ୍ତ୍ରୀ ପଦ ଦେଇପାରେ।

ଦଳର ଆଉ ଗୋଟେ ଗୋଷ୍ଠୀ ଟିକେଟ ରହସ୍ୟ ବଢାଇବା ପାଇଁ ଜଣେ ନୂଆ ପ୍ରାର୍ଥୀ ଦିଆଯିବ ବୋଲି କହୁଛନ୍ତି। କିନ୍ତୁ ରାଜନୈତିକ ମହଲ ବିଚାର କରୁଛନ୍ତି, ରବିଙ୍କ ବ୍ୟତୀତ ଅନ୍ୟ କୌଣସି ପ୍ରାର୍ଥୀ ଟିକେଟ ପାଇଲେ ଆସନ ବିଜେପି ହାତରୁ ଛଡ଼ାଇବା ବିଜେଡି ପାଇଁ କଷ୍ଟସାଧ୍ୟ ହେବ।

Leave A Reply

Your email address will not be published.