୨୦୨୦ର ସବୁଠାରୁ ବଡ଼ ସାମୁଦ୍ରିକ ଝଡ ଗୋନି ଫିଲିପାଇନ୍ସରେ ସ୍ଥଳଭାଗ ସ୍ପର୍ଶ କରିଛି। ଶନିବାର ଦିନ ଫିଲିପାଇନ୍ସ ପ୍ରଶାସନ ସୁପର ଟାଇଫୁନ୍ ଗୋନିର ପ୍ରକାଣ୍ଡ ରୂପକୁ ଆକଳନ କରି ଦକ୍ଷିଣ ଲୁଜନ ଅଞ୍ଚଳର ଲୋକଙ୍କୁ ସ୍ଥାନାନ୍ତର ପାଇଁ ନିର୍ଦେଶ ଦେଇଥିଲେ। ଗୋନି ହେଉଛି, ପୃଥିବୀର ଅନ୍ୟତମ ଶକ୍ତିଶାଳୀ ସାମୁଦ୍ରିକ ଝଡ ବୋଲି କୁହାଯାଉଛି ଏବଂ ୨୦୨୦ର ସବୁଠାରୁ ବଡ ଝଡ଼ ଭାବେ ପରିଗଣିତ। ଏହାକୁ କାଟେଗୋରି ୫ ଅନ୍ତର୍ଭୁକ୍ତ କରାଯାଇଛି। ଗୋନିର ପ୍ରଭାବରେ ଘଣ୍ଟା ପ୍ରତି ୩୮୦ କିଲୋମିଟର ବେଗରେ ପବନ ବହୁଥିଲା।
ଫିଲିପାଇନ୍ସରେ ରୋଲି ଭାବରେ ଜଣାଶୁଣା – ୨୦୧୩ରେ ଟାଇଫୁନ୍ ହାୟାନରେ ୬୦୦୦ରୁ ଅଧିକ ଲୋକ ପ୍ରାଣ ହରାଇଥିଲେ। ଏହା ତାହାଠାରୁ ଆହୁରି ପ୍ରକାଣ୍ଡ ଆକାର ଧାରଣ କରି ଆଗକୁ ବଢ଼ୁଛି।
ଏବେ ଫିଲିପାଇନ୍ସ କୋଭିଡ -୧୯ ଭୁତାଣୁ କାରଣରୁ ସ୍ଥିତି ଜଟିଳ ଅବସ୍ଥାରେ ରହିଛି। ସେଠାରେ ୭୨୨୧ ଜଣଙ୍କର ମୃତ୍ୟୁ ଘଟିଛି। ରାଷ୍ଟ୍ରପତି ରୋଡ୍ରିଗୋ ଡୁଟେର୍ଟଙ୍କ ବରିଷ୍ଠ ସହାୟକ ସିନେଟର ଖ୍ରୀଷ୍ଟୋଫର ଗୋ ଏକ ଭର୍ଚୁଆଲ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, କୋଭିଡ -୧୯ ଆମକୁ କଷ୍ଟ ହେଉଛି, ଏବଂ ତା’ପରେ ଆଉ ଏକ ବିପର୍ଯ୍ୟୟ ଘଟିଛି।
ଫିଲିପାଇନ୍ସରେ ବର୍ଷକୁ ହାରାହାରି ୨୦ ଟି ଝଡ ଏବଂ ଟାଇଫୁନ୍ ପ୍ରଭାବିତ ହୁଏ। ପାଣିପାଗ ବିଶେଷଜ୍ଞଙ୍କ କହିବାନୁସାରେ, ଗୋନି ରବିବାର ଦିନ ଫିଲିପାଇନ୍ସର ପୂର୍ବ ଭାଗକୁ ବାରମ୍ବାର ଧକ୍କା ଦେଇ “ବିପର୍ଯ୍ୟସ୍ତ ହିଂସାତ୍ମକ ପବନ”ରେ ପରିଣତ ହୋଇଥିଲା। ପୂର୍ବରୁ ଏଭଳି ସ୍ଥଳଭାଗରେ ସ୍ପର୍ଶ ହେବା କେବେ ଦେଖାଯାଇନଥିଲା। ଆଜି ସନ୍ଧ୍ୟା କିମ୍ବା ସୋମବାର ସ୍ଥଳଭାଗ ଛାଡିବା ପୂର୍ବରୁ ଅପରାହ୍ନରୁ ଦକ୍ଷିଣ ଲୁଜନ ଏବଂ ମେଟ୍ରୋ ମାନିଲା ଅଞ୍ଚଳ ପାର ହୋଇ ରାଜଧାନୀରେ “ପ୍ରବଳ” ବର୍ଷା ହେବାର ଆଶା କରାଯାଉଛି। ଏହାକୁ ବିଜ୍ଞାନୀମାନେ ବିପଜ୍ଜନକ ପରିସ୍ଥିତି ବୋଲି କହୁଛନ୍ତି। ଏହା ଫ୍ଲାସ୍ ଫଡ଼୍ ବା ଆକସ୍ମିକ ବନ୍ୟା ଆଣିପାରେ।
ପାଣିପାଗ ବିଜ୍ଞାନୀ ତଥା ପାଣିପାଗ ଅଣ୍ଡରଗ୍ରାଉଣ୍ଡର ସହ-ପ୍ରତିଷ୍ଠାତା ଜେଫ ମାଷ୍ଟର୍ସ କହିଛନ୍ତି ଯେ ଘଣ୍ଟାରେ ୧୯୫ ମାଇଲ ପବନ ସହିତ ଇତିହାସରେ “ଗୋନି ହେଉଛି ସବୁଠାରୁ ଶକ୍ତିଶାଳୀ ଅବତରଣ କରୁଥିବା ଟ୍ରପିକାଲ୍ ସାଇକ୍ଲୋନନ୍”।
ଏବେ ବି ସେଠାରେ ଘଣ୍ଟା ପ୍ରତି ୩୧୦ କିଲୋମିଟର ବେଗରେ ପବନବହୁଛି। କର୍ତ୍ତୃପକ୍ଷ ମାନିଲାର ଅନ୍ତର୍ଜାତୀୟ ବିମାନବନ୍ଦରକୁ ୧୦ ରୁ ୨୪ ଘଣ୍ଟା ପର୍ଯ୍ୟନ୍ତ ବନ୍ଦ କରିଛନ୍ତି। ଫିଲିପାଇନ୍ସ ଏୟାରଲାଇନ୍ସ ରବିବାର ଏବଂ ସୋମବାର ପାଇଁ ୨୦ ଟି ଆନ୍ତର୍ଜାତୀୟ ଏବଂ ୨୫ଟି ଘରୋଇ ବିମାନକୁ ବାତିଲ କରିଦେଇଛି।
ମୁଖ୍ୟ ଲୁଜନ ଦ୍ୱୀପରେ ଥିବା ଆଲବେ ପ୍ରଦେଶରେ ପ୍ରାୟ ୮,୦୦,୦୦୦ ଲୋକ ନିଜ ଘର ଛାଡି ପଳାଇଥିବାବେଳେ ନିକଟସ୍ଥ ପ୍ରଦେଶରେ ୨,୦୦,୦୦୦ ଲୋକଙ୍କୁ ସ୍ଥାନାନ୍ତର କରାଯାଇଛି।
ଏହି ଘୂର୍ଣ୍ଣିବଳୟ ଟାଇଫୁନ୍ ମୋଲାଭ ଦକ୍ଷିଣ ପୂର୍ବ ଏସୀୟ ଦେଶକୁ ଧକ୍କା ଦେବାର କିଛି ଦିନ ପରେ ଭିଏତନାମ ଯିବା ପୂର୍ବରୁ ଅତି କମରେ ୨୨ ଜଣଙ୍କର ମୃତ୍ୟୁ ଘଟିଥିଲା। ଗୋନି ମଧ୍ୟ ସମାନ ମାର୍ଗରେ ଯାଉଛି।
ଭାରତର ପାଣିପାଗ ବିଜ୍ଞାନୀମାନେ ଏହାକୁ ନେଇ ଭୀଷଣ ଚିନ୍ତାଗ୍ରସ୍ତ ଅଛନ୍ତି। ଏପଟେ ପାଣିପାଗ ବିଶେଷଜ୍ଞ ଡ. ସୁରେନ୍ଦ୍ର ନାଥ ପଶୁପାଳକଙ୍କ କହିବାନୁସାରେ ଏହା ଉପରେ ତୀକ୍ଷ୍ଣ ନଜର ରଖାଯାଇଛି। ଗୋନି ଧୀରେ ଧୀରେ ଦୁର୍ବଳ ଆଗକୁ ଆସିବା ପରେ ଏହା କେଉଁଆଡକୁ ଯାଉଛି, ତାକୁ ଲକ୍ଷ୍ୟ ରଖାଯାଉଛି। ବଙ୍ଗୋପସାଗରରେ ଆଉ ଏକ ଘୂ୍ର୍ଣ୍ଣିବଳୟ ସୃଷ୍ଟି ପାଇଁ କ୍ଷେତ୍ର ପ୍ରସ୍ତୁତ କରିବା ସମ୍ଭାବନାକୁ ଏଡ଼ାଇ ଦିଆଯାଇନପାରେ। କିନ୍ତୁ ଏହା ଭୀଷଣ ଓ ଶକ୍ତିଶାଳୀ ରୂପରେ ଥିବା କାରଣରୁ ଏବେଠାରୁ ଏହାର ଗତିପଥ ସଂପର୍କରେ ପୂର୍ବାନୁମାନ ଲଗାଇବା କଷ୍ଟକର।