ବଦଳିଲା ଫେସବୁକର ନାଁ । ଏବେ ‘ମେଟା’ ହେଲା ଫେସବୁକର ମୂଳ କମ୍ପାନୀର ନାଁ । ମେଟା ନାଁରେ ସୋସିଆଲ ମିଡିଆରେ ପରିଚିତ ହେବ ଫେସବୁକ । ଫେସବୁକ ପ୍ରତିଷ୍ଠାତା ମାର୍କ ଜୁକରବର୍ଗ ଏନେଇ ଘୋଷଣା କରିଛନ୍ତି । ଦୀର୍ଘ ସମୟ ଧରି ଫେସବୁକର ନାଁ ପରବର୍ତ୍ତନକୁ ନେଇ ଚର୍ଚ୍ଚା ହେଉଥିଲା । ଫେସବୁକ ତରଫରୁ ଟୁଇଟରରେ ଲେଖାଯାଇଛି ଯେ, ଫେସବୁକର ନାଁ ବଦଳାଇ ମେଟା ରଖାଯାଇଛି । ମାର୍କ ଜୁକରବର୍ଗ ଅନେକ ଦିନରୁ ସୋସିଆଲ ମିଡିଆ ପ୍ଲାଟଫର୍ମରେ ଦ୍ୱିତୀୟ ଥର ବ୍ରାଣ୍ଡିଂ କରିବାକୁ ଚାହୁଁଥିଲେ । ସେ ଏହାକୁ ଏକ ଭିନ୍ନ ପରିଚୟ ଦେବାକୁ ଚାହୁଁଥିଲେ ।
ସେ ଫେସବୁକକୁ କେବଳ ସାମାଜିକ ଗଣମାଧ୍ୟମରେ ସୀମତି ନରହୁ ଚାହୁଁଥିଲେ । କମ୍ପାନୀର ଫୋକସ ରହିଛି ଯେ ମେଟା ‘ମେଟାୱର୍ସ’ ବନାଇବାରେ ସାହାର୍ଯ୍ୟ କରିବ ।ଯାହା ଦ୍ୱାରା ଭର୍ଚୁଆଲ ମାଧ୍ୟମରେ ଉପସ୍ଥାପିତ ହୋଇପାରିବ । ଟ୍ରାନ୍ସଫର ଓ ଯୋଗାଯୋଗ ପାଇଁ ଭିନ୍ନ ଭିନ୍ନ ଟୁଲ୍ସ ମଧ୍ୟ ବ୍ୟବହୃତ ହୋଇପାରିବ । ଫେସବୁକ ତରଫରୁ ୧୫ ସେକେଣ୍ଡର ଏକ ଭିଡିଓ ଜାରି କରାଯାଇଛି, ଯେଉଁଥିରେ ଦର୍ଶଯାଇଛି, ଫେସବୁକର ନାମ ବର୍ତମାନ ମେଟା ପରିବ ର୍ନ କରାଯାଇଛି । ଭିଡ଼ିଓରେ ମେଟାର ଲୋଗୋ ମଧ୍ୟ ରହିଛି । ୨୦୦୪ରେ ଫେସବୁକରେ ପ୍ରତିଷ୍ଠା ହୋଇଥିବା ବେଳେ ୧୭ ବର୍ଷ ପରେ କମ୍ପାନୀ ନାମ ପରିବର୍ତ୍ତନ କରିଛି ।
ଫେସବୁକ ଟୁଇଟ କରି କହିଛି ଯେ, ଆମେ ସୃଷ୍ଟି କରିଥିବା ଆପ୍ସର ନାମ ଇନଷ୍ଟାଗ୍ରାମ,ମେସେଞ୍ଜର, ଓ ହ୍ୱାଟସ ଆପ ସହ ସମାନ ରହିବ । ଏହି ନୂତନ ବ୍ରାଣ୍ଡ ଅଧିନରେ ବିଭିନ୍ନ ଆପ ଓ ଟେକ୍ନୋଲୋଜି ଅଣାଯିବ । ସୋସିଆଲ ମିଡିଆ ମେଟାଭର୍ସର ନୂତନ ଅଧ୍ୟାୟ ସାମାଜିକ ସଂଯୋଗର ଏକ ନୂତନ ପଥ ହେବ । ଏହା ଏକ ସାମୂହିକ ପ୍ରକଳ୍ପ ଯାହା ବିଶ୍ୱର ବିଭିନ୍ନ ସ୍ଥାନରେ ଲୋକମାନେ ପ୍ରସ୍ତୁତ କରିବେ । ପୂର୍ବରୁ ଫେସବୁକ କହିଥିଲା ଯେ, ଏବେ ସେ ମେଟାଭର୍ସ କମ୍ପାନୀ ହେବାକୁ ଯାଉଛି, ସେଥିପାଇଁ ୧୦ ହଜାର ଲୋକଙ୍କୁ ନିଯୁକ୍ତି ଦେଇଛି ଓ ଭବିଷ୍ୟତରେ ଅନ୍ୟାନ୍ୟ ନିଯୁକ୍ତି ମଧ୍ୟ ହେବ । ମେଟାଭର୍ସ ଏମିତି ଏକ ଭର୍ଚୁଆଲ ଫ୍ଲାଟଫର୍ମ ଯେଉଁଠି ଲୋକ ଶାରୀରିକ ଭାବେ ନରହି ଉପସ୍ଥିତ ଜାହିର କରିହେବ । ଯେଉଁଥିରେ ଆଗାମୀ ପାଞ୍ଚ ବର୍ଷ ପାଇଁ କମ୍ପାନୀ ‘ୟୁରୋପିଆନ ୟୁନିୟନ’ ୧ ଲକ୍ଷ ଚାକିରି ସୃଷ୍ଟି କରିବବୋଲି ଗତ ଜୁଲାଇରେ ମାର୍କ ଜୁକରବର୍ଗ ଜଣାଇଥିଲେ ।