ଉତ୍ତରାଖଣ୍ଡରେ ଏକ ବଡ଼ ଧରଣର ଅଘଟଣ ଘଟିଛି । ଡେରାଡୁନ ବିକାଶନଗର ପାଖରେ ବୁଲହାଡ଼ ବାୟଲ ରାସ୍ତା କଡ଼ରେ ଘାଟିକୁ ଏକ ବସ ଖସିପଡିଛି । ଆଜି ସକାଳୁ ବସଟି ଘାଟିକୁ ଖସିପଡିବାରୁ ୧୧ ଜଣଙ୍କ ମୃତ୍ୟୁ ହୋଇଛି ।ଅନେକ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତି କରାଯାଇଛି । ୪ ଜଣଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ଆହତଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟସଂଖ୍ୟା ଆହୁରି ମଧ୍ୟ ବଢିପାରେ ।
ବସରେ ଥିବା ସମସ୍ତ ଯାତ୍ରୀ ଗୋଟିଏ ଗାଁର ବୋଲି କୁହାଯାଉଛି । ଚକରାତାର ଏସଡିଏମ କହିଛନ୍ତି ଯେ, ଦୁର୍ଘଟଣା ପରେ ଉଦ୍ଧାର କାରୀ ଦଳ ପହଞ୍ଚିବାରେ ବିଳମ୍ବ ହୋଇଥିଲା । ପରେ ପୁଲିସ ଓ ଏସଡିଆରଏଫ ଟିମ୍ ପହଞ୍ଚି ଯାତ୍ରୀଙ୍କୁ ଉଦ୍ଧାର କରିଛନ୍ତି । ପ୍ରଥମେ ଦୁର୍ଘଟଣା ପରେ ସ୍ଥାନୀୟ ଲୋକମାନେ ପହଞ୍ଚି ଯାତ୍ରୀଙ୍କୁ ଉଦ୍ଧାର କରିଥିଲେ । ବସରେ ଅଧିକ ଯାତ୍ରୀ ଥିବାରୁ ଭାରସାମ୍ୟ ହରାଇ ବସଟି ଘାଟିକୁ ଖସିପଡିଥିବା ପୁଲିସ କହିଛି । ବସଟି ଛୋଟ ଥିଲା ବେଳେ ସେଥିରେ ୨୫ ଜଣ ଯାତ୍ରୀ ଥିଲେ । ବସଟି ଯେଉଁ ରାସ୍ତା ଦେଇ ଯାଉଥିଲା ସେହି ରାସ୍ତାରେ ଅଧି କବସ ଚାଲେନାହିଁ । ତେଣୁ ଏତେ ସଂଖ୍ୟାର ଲୋକ ଗୋଟେ ବସରେ ଭର୍ତ୍ତି ହୋଇଯାଉଥିଲେ ।