ପ୍ରକାଶ ପାଇଲା ଯୁକ୍ତ ଦୁଇ ଅଫଲାଇନ ପରୀକ୍ଷା ଫଳ । ପାସ ହାର ରହିଛି ୬୮.୬୬ ପ୍ରତିଶତ । ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସହାର ଅଧିକ ରହିଛି । ୧୨ ହଜାର ୩୨୧ ଜଣ ଛାତ୍ରଛାତ୍ରୀ ଅଫଲାଇନ ପରୀକ୍ଷା ଦେଇଥିବା ବେଳେ ପାସ ହୋଇଛନ୍ତି ୮ ହଜାର ୪୬୦ ଜଣ । ଛାତ୍ରଙ୍କ ପାସହାର ରହିଛି ୬୨.୭ ପ୍ରତିଶତ । ଏବଂ ଛାତ୍ରୀଙ୍କ ପାସହାର ରହିଛି ୬୭.୭୬ ପ୍ରତିଶତ । ୮ ହଜାର ୪୬୦ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ବିଜ୍ଞାନରେ ୧ ହଜାର ୫୦୧ ଜଣ କୃତକାର୍ଯ୍ୟ ହୋଇଛନ୍ତି ।ସେହିପରି କଳାରେ ୬ ହଜାର ୩୧୦ ଜଣ ଛାତ୍ରଛାତ୍ରୀ ଏବଂ ବାଣିଜ୍ୟରେ ୪୨୨ ଜଣ ପାସ କରିଛନ୍ତି । ଧନ୍ଦାମୂଳକରେ ୨୨୭ ଜଣ ପରୀକ୍ଷାର୍ଥୀ ଉର୍ତ୍ତିନ୍ନ ହୋଇଛନ୍ତି
ବିଜ୍ଞାନରେ ୧ ହଜାର ୫୦୧ ଜଣ ପାସ କରିଥିବା ବେଳେ ପ୍ରଥମ ଶ୍ରେଣୀରେ ୧୩୬ଜଣ, ଦ୍ୱିତୀୟ ଶ୍ରେଣୀରେ ୨୪୨ ଜଣ, ତୃତୀୟ ଶ୍ରେଣୀରେ ୧୧୧୦ ଜଣ ପାସ କରିଛନ୍ତି । ସେହିପରି କଳାରେ ୯୬୩ ଜଣ ପ୍ରଥମ ଶ୍ରେଣୀରେ , ଦ୍ୱିତୀୟ ଶ୍ରେଣୀରେ ୬୧୨ ଜଣ,ତୃତୀୟ ଶ୍ରେଣୀରେ ୪ ହଜାର ୭୩୫ ଜଣ ଉ ର୍ୀଣ୍ଣ ହୋଇଛି । ବାଣିଜ୍ୟରେ ୪୨୨ ଜଣ ପାସ କରିଥିବା ବେଳେ ସେମାନଙ୍କ ମଧ୍ୟରୁ ୧୦୨ ପ୍ରଥମ ଶ୍ରେଣୀରେ,୫୦ ଜଣ ଦ୍ୱିତୀୟ ଶ୍ରେଣୀରେ ଏବଂ ତୃତୀୟ ଶ୍ରେଣୀରେ ୨୬୮ ଜଣ ପାସ କରିଛନ୍ତି ।
ମହାମାରୀ କରୋନା ପାଇଁ ଚଳିତ ବର୍ଷ ଯୁକ୍ତ ଦୁଇ ପରୀକ୍ଷାକୁ ବାତିଲ କରାଯାଇଥିଲା । ବିକଳ୍ପ ମୂଲ୍ୟାୟନ ପଦ୍ଧତିରେ ପରୀକ୍ଷା ଫଳ ପ୍ରକାଶ ପାଇଥିଲା । କିନ୍ତୁ କିଛି ଛାତ୍ରଛାତ୍ରୀ ସେମାନଙ୍କ ଫଳକୁ ନେଇ ଅସନ୍ତୁଷ୍ଟ ଥିଲେ । ଏହା ପରେ ଅସନ୍ତୁଷ୍ଟ ଥିବା ପରୀକ୍ଷାର୍ଥୀଙ୍କ ପାଇଁ ଅଫଲାଇନ ପରୀକ୍ଷା କରାଯାଇଥିଲା । ଅକ୍ଟୋବର ୧ରୁ ଅକ୍ଟୋବର ୧୧ ଯାଏଁ ଅଫଲାଇନ ପରୀକ୍ଷା ହୋଇଥିଲା । ଯାହାର ଆଜି ଫଳାଫଳ ବାହାରିଛି ।