୨୦୨୨ ମ୍ୟୁଜିକ ଇଣ୍ଡଷ୍ଟ୍ରିର କିଙ୍ଗ୍, ଏ.ଆର.ରେହମାନଙ୍କ ଜୀବନରେ ଖୁସି ନେଇକି ଆସିଛି । ଏଆର ରେହମାନଙ୍କ ଝିଅ ଖତିଜାଙ୍କ ନିକଟରେ ନିର୍ବନ୍ଧ ସରିଛି । ସୋସିଆଲ ମିଡିଆରେ ଫଟୋ ପୋଷ୍ଟ କରି ଖତିଜା ଏହି ଖୁସି ଖବର ନିଜ ଫ୍ୟାନ୍ସ ମାନଙ୍କ ସହ ସେୟାର କରିଛନ୍ତି । ଖତିଜା ରିୟାସଦ୍ଦିନ ଶେଖ ମହମ୍ମଦଙ୍କୁ ବିବାହ କରିବେ । ଡିସେମ୍ବର ୨୯ ଅର୍ଥାତ ଖତିଜାଙ୍କ ଜନ୍ମଦିନରେ ଉଭୟଙ୍କ ନିର୍ବନ୍ଧ ଶେଷ ହୋଇଛି । ଏଆର ରେହମାନଙ୍କ ଜ୍ୱାଇଁ ହେବାକୁ ଯାଉଥିବା ରିୟାସଦ୍ଦିନ ଶେଖ ମହମ୍ମଦ ଜଣେ ଲାଇଭ ସାଉଣ୍ଡ ଇଞ୍ଜିନିୟର । ରିୟାସଦ୍ଦିନ ମ୍ୟୁଜିକ କମ୍ପୋଜର ଏଆର ରେହମାନ ଓ ଅମିତ ତ୍ରିବେଦୀଙ୍କ ପାଇଁ କାମ କରନ୍ତି ।
ରିୟାସିଦ୍ଦିନଙ୍କ ଇନଷ୍ଟାଗ୍ରାମରୁ ଜଣାପଡୁଛି ଯେ, ସେ ନିଜର ଶଶୁର ଘର ସହ ଭଲ ସମ୍ପର୍କ ବନାଇ ସାରିଛନ୍ତି । ରବିବାରକୁ ଖତିଜା ନିଜ ନିର୍ବନ୍ଧ ଫଟୋ ସେୟାର କରିଥିଲେ । ଯେଉଁଥିରେ ଗୋଲାପୀ ରଙ୍ଗର ଲେହେଙ୍ଗା ପିନ୍ଧି ଖତିଜା ବସିଥିବା ନଜର ଆସିଛନ୍ତି । ଖତିଜାଙ୍କ ପରିଚୟ କେବେଳ ଏଆର ରେହମାନଙ୍କ ଝିଅ ଭାବେ ନୁହେଁ ସେ ଜଣେ ଗୀତିକାର, ମ୍ୟୁଜିସିଆନ ଓ ସମାଜସେବୀ ମଧ୍ୟ । ଅଭିନେତ୍ରୀ କ୍ରିତୀ ସେନନଙ୍କ ଫିଲ୍ମ ମିମି’ ପାଇଁ ଖତିଜା ଗୀତ ମଧ୍ୟ ଗାଇଛନ୍ତି । ସଙ୍ଗିତ ଦୁନିଆରେ ନାଁ କରିବା ସହିତ ଖତିଜା ସମାଜସେବା କାମ, ପରୋପକାର ସେବା କରିବାରେ ଭଲ ପାଆନ୍ତି ।