ଆଜି ଦେଶ ଓ ରାଜ୍ୟରେ ପୁଣି ବଢିଛି ସଂକ୍ରମଣ । ଗତକାଲି ଅପେକ୍ଷା ଆଜି ଦୈନିକ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇଛି । ରାଜ୍ୟରେ ୫ ହଜାରକୁ ସଂକ୍ରମଣ ଖସିଯାଇଥିବା ବେଳେ ଆଜି ପୁଣି ୭ ହଜାରକୁ ବୃଦ୍ଧି ପାଇଛି । ମୃତ୍ୟୁସଂଖ୍ୟା ମଧ୍ୟ ବଢିଛି ରାଜ୍ୟରେ । ଦେଶରେ ବି ମଙ୍ଗଳବାର ଅପେକ୍ଷା ବୁଧବାର ନୂଆ ମାମଲା ଅଧିକ ଆସିଛି ।
ଗତ ୨୪ ଘଣ୍ଟା ରେ ରାଜ୍ୟରେ ୭ ହଜାର ୨୪୬ ସଂକ୍ରମିତ ଚିହ୍ନଟ ହୋଇଛନ୍ତି । ସଙ୍ଗରୋଧରୁ ୪ ହଜାର ୩୦୬ ଜଣ ଥିବା ବେଳେ ସ୍ଥାନୀୟ ଅ ଳରୁ ୩୧୨୦ ଜଣ ଚିହ୍ଟ ହୋଇଛନ୍ତି । ୦ରୁ ୧୮ ବର୍ଷ ମଧ୍ୟରେ ୮୫୭ ଜଣ ପଜିଟିଭ ଅଛନ୍ତି ।ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୯୫୯ ଜଣ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୪୯୬,ସୁନ୍ଦରଗଡରୁ ୭୭୮, ସମ୍ବଲପୁରରୁ ୧୬୦, କଟକରୁ ୫୪୮,ସୋନପୁରରୁ ୨୧୨ ଜଣ ଚିହ୍ନଟ ହୋଇଛନ୍ତି । ରାଜ୍ୟର ମୋଟ ଆକ୍ରାନ୍ତଙ୍କ ସଂଖ୍ୟା ୧୨ ଲକ୍ଷ ୨୫ ହଜାର ୨୬୮ରେ ପହଞ୍ଚିଛି । ସେହିପରି ୨୪ ଘଣ୍ଟା ରେ ୧୦ ଜଣଙ୍କ କରୋନାରେ ମୃତ୍ୟୁ ହୋଇଛି । ସୁନ୍ଦରଗଡ ଓ ଖୋର୍ଦ୍ଧାରୁ ୪ ଜଣ ଲେଖାଁଏ,ଅନୁଗୁଳ ଓ କନ୍ଧମାଳରୁ ଜଣେ ଲେଖାଁଏ କରୋନାରେ ଆଖିବୁଜିଛନ୍ତି ।
ସେପଟେ ଦେଶରେ ୨୪ ଘଣ୍ଟା ରେ ୨ ଲକ୍ଷ ୮୫ ହଜାର ୯୧୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।ଗତକାଲି ତୁଳନାରେ ପାଖାପାଖି ୩୦ ହଜାର ନୂଆ ମାମଲା ସାମନାକୁ ଆସିଛି । ମଙ୍ଗଳବାର ୨ ଲକ୍ଷ ୫୫ ହଜାର ୮୭୪ ସଂକ୍ରମିତ ଚିହ୍ନଟ ହୋଇଛନ୍ତି ।ଦୈିନିକ ସଂକ୍ରମଣ ହାର ରହିଛି ୧୬.୧୬ ପ୍ରତିଶତ । ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୪ କୋଟି ପାର୍ କରିଛି । ୨୪ ଘଣ୍ଟା ରେ ୬୬୫ ଜଣ କରୋନାଙ୍କର ମୃତ୍ୟୁ ହୋଇଛି । ଗତକାଲି ୬୧୪ ଜଣଙ୍କ ମୃତ୍ୟୁ ହୋଇଥିଲା ।