ୟୁକ୍ରେନ ଉପରେ ଋଷର ଘନ ଘନ ଆକ୍ରମଣ ସାରା ବିଶ୍ୱକୁ ଦୋହଲାଇଦେଇଛି । ଗୁରୁବାର ସକାଳ ଆରମ୍ଭ ହୋଇଥିବା ଏହି ଯୁଦ୍ଧ ସମସ୍ତଙ୍କୁ ଚିନ୍ତାରେ ପକାଇଦେଇଛି । ଦୁଇ ଦେଶ ଏବେ ଭିନ୍ନ ଭିନ୍ନ ଦାବି କରୁଛନ୍ତି । ୟୁକ୍ରେନ ରାଜଧାନୀ କିଭ୍ରେ ଋଷ ସେନା ଧସେଇ ପଶିଥିବା ଦାବି କରାଯାଇଛି । କୁହାଯାଉଛି ଋଷ ସେନା ବହୁତ ଜଲଦି କିଭ୍କୁ ନିଜ କବଜାକୁ ନେଇଯିବ । ଏହା ବ୍ୟତିତ ଗତକାଲିଠୁ ହିଁ ୟୁକ୍ରେନ ଆକାଶରେ ଋଷର ହେଲିକପ୍ଟର ବୁଲୁଛି । ୟୁକ୍ରେନ ସ୍ୱାସ୍ଥ୍ୟମନ୍ତ୍ରୀ ଗୁରୁବାର କହିଥିଲେ ଯେ, ଋଷ ଆକ୍ରମଣ ୫୭ ନାଗରିକଙ୍କ ମୃତ୍ୟୁ ହୋଇଛି ଏବଂ ୧୬୯ ଜଣ ଆହତ ହୋଇଛନ୍ତି ।
ତେବେ ସ୍ୱାସ୍ଥ୍ୟମନ୍ତ୍ରୀ ଲାୟୋଶଙ୍କଠୁ ମିଳିଥିବା ସୂଚନା ଅନୁଯାୟୀ ପ୍ରଥମ ଦିନରେ ଯୁଦ୍ଧରେ ମୃତ୍ୟୁ ସଂଖ୍ୟା ୧୩୭କୁ ବୃଦ୍ଧି ପାଇଛି । ଏହା ସହ ବହୁ ସେନା ଆହତ ହୋଇଥିବା ଜଣାପଡିଛି । ଋଷ ହମଲାରେ ପ୍ରଥମ ଦିନରେ ୭୦ରୁ ଅଧିକ ଏୟାରବେସ ଓ ସାମରିକ ପ୍ରତିଷ୍ଠାନ ଧ୍ୱଂସ ହୋଇଯାଇଥିବା ମସ୍କୋ ଦାବି କରିଛି । ସେହିପରି ୟୁକ୍ରେନ କହିଛି ଋଷର ୭ରୁ ଅଧିକ ଯୁଦ୍ଧ ବିମାନ ହେଲିକପ୍ଟରକୁ ଖସାଇଦେଇଛି । ଅନ୍ୟପଟେ ଋଷ ସେନା ଚେର୍ନୋବଲ ସ୍ଥିତ ନ୍ୟୁକ୍ଲିୟର ପ୍ଲା ଉପରେ କବଜା କରିବାକୁ ପ୍ରୟାସ କରୁଥିବା ୟୁକ୍ରେନ ରାଷ୍ଟ୍ରପତି ଟୁଇଟ କରିଛନ୍ତି । କୌଣସି ବି ପରିସ୍ଥିତିରେ ୟୁକ୍ରେନ ସେନା ଋଷ ହାତରେ ନ୍ୟୁକ୍ଲିୟର ପ୍ଲା ଛାଡିବ ନାହିଁ ବୋଲି କହିଛନ୍ତି ରାଷ୍ଟ୍ରପତି ।