- ୨୩ ରୁ ଓଡ଼ିଶା ଉପକୂଳ ରେ ସୃଷ୍ଟି ହୋଇପାରେ ଲଘୁଚାପ କ୍ଷେତ୍ର
- ପ୍ରବଳ ବର୍ଷା ସମ୍ଭାବନ
ଭୁବନେଶ୍ବର: ଦକ୍ଷିଣ ପଶ୍ଚିମ ମୌସୁମୀ ବାୟୁ ଆସନ୍ତା ଦୁଇ ଦିନ ମଧ୍ୟରେ ଓଡ଼ିଶା ଛୁଇଁବା ପାଇଁ ପାଗ ଅନୁକୂଳ ରହିଛି। ମୌସୁମୀ ବାୟୁ ଆସିବା ସହ ରାଜ୍ୟ ରେ ବର୍ଷା ଋତୁ ଆରମ୍ଭ ହେବ। ଦକ୍ଷିଣ ଆଭ୍ୟନ୍ତର ଜିଲ୍ଲା ର କିଛି ଅଞ୍ଚଳ ରେ ପ୍ରାକ୍ ମୌସୁମୀ ବର୍ଷା ଆରମ୍ଭ ହୋଇଛି। ଖୁବ୍ ଶୀଘ୍ର ରାଜ୍ୟ ର ଅନ୍ୟ ଅଞ୍ଚଳ ରେ ମଧ୍ୟ ଆରମ୍ଭ ହେବ ପ୍ରାକ୍ ମୌସୁମୀ ବର୍ଷା।
ଆଜି ଠାରୁ ୨୩ ତାରିଖ ଯାଏଁ ରାଜ୍ୟ ର ବିଭିନ୍ନ ସ୍ଥାନ ରେ ଅଳ୍ପ ରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। କିନ୍ତୁ ୨୩ ରୁ ବର୍ଷା ର ପରିମାଣ ଓ ତୀବ୍ରତା ବଢିବ। ୨୩-୨୪ ରେ ଓଡ଼ିଶା ଉପକୂଳ ତତ୍ ସଂଲଗ୍ନ ଉତ୍ତର ପଶ୍ଚିମ ବଙ୍ଗୋପସାଗର ରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇପାରେ ଯାହା ଫଳରେ ବର୍ଷା ଅଧିକ ହେବ।
ବିଶେଷ କରି ୨୩-୨୬ ତାରିଖ ମଧ୍ୟରେ ରାଜ୍ୟ ରେ ପ୍ରବଳ ବର୍ଷା ଓ କିଛି ଅଞ୍ଚଳ ରେ ଅତି ପ୍ରବଳ ବର୍ଷା ସମ୍ଭାବନା ରହିଛି। ୨୩-୨୫ରେ ଉପକୂଳ ଓ ତତ୍ ସଂଲଗ୍ନ ଜିଲ୍ଲା ରେ ପ୍ରବଳ ବର୍ଷା ଓ କିଛି ଅଞ୍ଚଳ ରେ ପ୍ରବଳ ରୁ ଅତି ପ୍ରବଳ ବର୍ଷା (୧୧-୨୦ସେମି) ବର୍ଷା ସମ୍ଭାବନା ରହିଛି। ୨୪-୨୬ ରେ ଆଭ୍ୟନ୍ତର ଓଡ଼ିଶା ରେ ପ୍ରବଳ ଓ କିଛି ଅଞ୍ଚଳ ରେ ପ୍ରବଳ ରୁ ଅତି ପ୍ରବଳ ବର୍ଷା (୧୧-୨୦ସେମି ) ବର୍ଷା ସମ୍ଭାବନା ରହିଛି। ଏହି ବର୍ଷା ରାଜ୍ୟ ର କୃଷି ପାଇଁ ଅତ୍ୟନ୍ତ ସହାୟକ ହେବ।
ପୂର୍ବାନୁମାନ – ସାର୍ଥକ ମିଶ୍ର