ବଢ଼ିଲା କେନ୍ଦ୍ରମନ୍ତ୍ରୀ ଚିରାଗ ପାସୱାନଙ୍କ ସୁରକ୍ଷା

ନୂଆଦିଲ୍ଲୀ: ବଢ଼ିଲା କେନ୍ଦ୍ରମନ୍ତ୍ରୀ ଚିରାଗ ପାସୱାନଙ୍କ ସୁରକ୍ଷା। କେନ୍ଦ୍ର ଖାଦ୍ୟ ପ୍ରକ୍ରିୟାକରଣ ଶିଳ୍ପ ମନ୍ତ୍ରୀ ଚିରାଗ ପାସୱାନଙ୍କ ସୁରକ୍ଷା ବୃଦ୍ଧି କରିଛି ଗୃହ ମନ୍ତ୍ରଣାଳୟ। ଚିରାଗଙ୍କୁ ସିଆରପିଏଫର Z ବର୍ଗର ସୁରକ୍ଷା ପ୍ରଦାନ କରାଯାଇଛି। ଚିରାଗଙ୍କ ସୁରକ୍ଷା ପାଇଁ ପୂର୍ବରୁ ଏସଏସବି କମାଣ୍ଡୋ ନିୟୋଜିତ ହୋଇଥିବା ବେଳେ ଏବେ ସିଆରପିଏଫ ସୁରକ୍ଷା ଦେବ। ଆଇବିର ଧମକ ରିପୋର୍ଟ ପରେ ଏପରି ନିଷ୍ପତି ନେଇଛି ଗୃହ ମନ୍ତ୍ରଣାଳୟ।
ସୂଚନାନୁସାରେ,କେନ୍ଦ୍ର ମନ୍ତ୍ରୀ ତଥା ଲୋକ ଜନଶକ୍ତି ପାର୍ଟି (ରାମ ବିଲାସ ଦଳ) ମୁଖ୍ୟ ଚିରାଗ ପାସୱାନଙ୍କ ସୁରକ୍ଷା କ୍ଷେତ୍ରରେ ପରିବର୍ତ୍ତନ କରାଯାଇଛି। କେନ୍ଦ୍ର ଗୃହ ମନ୍ତ୍ରଣାଳୟ ତାଙ୍କୁ ସିଆରପିଏଫର Z ବର୍ଗର ସୁରକ୍ଷା ଦେଇଛି। ଚିରାଗ ପାସୱାନଙ୍କ ସୁରକ୍ଷା ପାଇଁ ଜେଡ ବର୍ଗରେ ମୋଟ ୩୩ସୁରକ୍ଷାକର୍ମୀ ନିୟୋଜିତ ହେବେ। ଏମାନଙ୍କ ସହିତ ୧୦ ଜଣ ସଶସ୍ତ୍ର ଷ୍ଟାଟିକ ଗାର୍ଡ ତାଙ୍କ ଘରେ ରହିବେ। ଏହା ବ୍ୟତୀତ ରାଉଣ୍ଡ ଦ କ୍‌ଲକ ପିଏସଓ, ତିନୋଟି ସିଫ୍ଟରେ ୧୨ସଶସ୍ତ୍ର ଏସକର୍ଟ କମାଣ୍ଡୋ, ୱାଚର୍‌ ସିଫ୍ଟରେ ୨ କମାଣ୍ଡୋ ଏବଂ ୩ ତାଲିମପ୍ରାପ୍ତ ଡ୍ରାଇଭର ରାେଉଣ୍ଡ ଦ କ୍ଲକ ଉପସ୍ଥିତ ରହିବେ।
ପ୍ରଧାନମନ୍ତ୍ରୀ ମୋଦିଙ୍କ ତୃତୀୟ କାର୍ଯ୍ୟକାଳରେ ଚିରାଗ ପାସୱାନ କେନ୍ଦ୍ର ମନ୍ତ୍ରୀ ଦାୟିତ୍ୱ ଗ୍ରହଣ କରୁଛନ୍ତି। ତାଙ୍କ ଦଳ ୨୦୧୪ରୁ ମୋଦି ସରକାରଙ୍କ ଏକ ଅଂଶ ହୋଇଆସୁଛି, କିନ୍ତୁ ନରେନ୍ଦ୍ର ମୋଦିଙ୍କ ଦୁଇଟି ସର୍ତ୍ତାବଳୀରେ ତାଙ୍କୁ କୌଣସି ପ୍ରମୁଖ ଦାୟିତ୍ୱ ଦିଆଯାଇ ନାହିଁ। ନିଜକୁ ମୋଦିଙ୍କ ହନୁମାନ ବୋଲି କହୁଥିବା ଚିରାଗ ପାସୱାନ ମଧ୍ୟ ନିଜ ଦଳର ସମ୍ପ୍ରସାରଣ ଉପରେ ନିରନ୍ତର କାର୍ଯ୍ୟ କରୁଛନ୍ତି। କିଛି ସମୟ ପୂର୍ବରୁ, ଆଇବି ଚିରାଗ ସମ୍ବନ୍ଧୀୟ ଏକ ଧମକପୂର୍ଣ୍ଣ ରିପୋର୍ଟ କେନ୍ଦ୍ର ଗୃହ ମନ୍ତ୍ରଣାଳୟରେ ଦାଖଲ କରିଥିଲା, ଯାହାକୁ ଦୃଷ୍ଟିରେ ରଖି ବର୍ତ୍ତମାନ ତାଙ୍କ ସୁରକ୍ଷା ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି।