ମୁଙ୍ଗେର: ମୁଙ୍ଗେରରେ ବଡ ରାଜନୈତିକ ଝଟକା । ମତଦାନ ଦିନକ ପୂର୍ବରୁ ମୁଙ୍ଗେର ଆସନରେ ରାଜନୈତିକ ଅସ୍ଥିରତା ସୃଷ୍ଟି ହୋଇଛି। ପ୍ରଶାନ୍ତ କିଶୋରଙ୍କ ନେତୃତ୍ୱାଧୀନ ଜନ ସ୍ବରାଜ ପାର୍ଟିର ପ୍ରାର୍ଥୀ ସଞ୍ଜୟ ସିଂହ ଦଳ ଛାଡି ଭାରତୀୟ ଜନତା ପାର୍ଟି (ବିଜେପି)ରେ ଯୋଗଦେଇଛନ୍ତି।
ସଞ୍ଜୟ ସିଂହ ଜନ ସ୍ବରାଜ ଛାଡିଵା ସହ ସେ ବିଜେପି ପ୍ରାର୍ଥୀ କୁମାର ପ୍ରଣୟଙ୍କୁ ସମର୍ଥନ ଦେବା ଘୋଷଣା ମଧ୍ୟ କରିଛନ୍ତି। ଏହି ନିଷ୍ପତ୍ତି ମୁଙ୍ଗେର ନିର୍ବାଚନୀ ସମୀକରଣକୁ ପୁରାପୁରି ବଦଳାଇଦେଇଛି।
ଜନ ସ୍ବରାଜ ପାର୍ଟି ପାଇଁ ଏହା ଗୁରୁତ୍ୱପୂର୍ଣ୍ଣ ସମୟ ବୋଲି ମନେ କରାଯାଉଛି। ପୂର୍ବରୁ ଅକ୍ଟୋବର ମାସରେ ଦଳର ୩ ପ୍ରାର୍ଥୀ — ଦାନାପୁର, ବ୍ରହ୍ମପୁର ଓ ଗୋପାଳଗଞ୍ଜରୁ ମଧ୍ୟ ପ୍ରାର୍ଥିପତ୍ର ପ୍ରତ୍ୟାହାର କରିଥିଲେ। ଏବେ ଏହି ତାଲିକାରେ ମୁଙ୍ଗେର ମଧ୍ୟ ଯୋଡାଯାଇଛି।
ଅନ୍ୟପଟେ, ବିଜେପି ପ୍ରାର୍ଥୀ କୁମାର ପ୍ରଣୟ ଏବେ ନିଜ ସମ୍ପତ୍ତିକୁ ନେଇ ଚର୍ଚ୍ଚାରେ ଅଛନ୍ତି। ତାଙ୍କ ହଲପନାମା ଅନୁଯାୟୀ, ସେ ୧୭୭ କୋଟି ଟଙ୍କାର ସମ୍ପତ୍ତି ରଖିଛନ୍ତି — ଯାହା ତାଙ୍କୁ ଏହି ନିର୍ବାଚନର ସବୁଠାରୁ ଧନୀ ପ୍ରାର୍ଥୀ କରିଦେଇଛି।
ବିଜେପି ଶିବିର ଏହି ଯୋଗଦାନକୁ “ଜନ ସ୍ବରାଜ ପାର୍ଟିରେ ଅସନ୍ତୋଷର ପ୍ରତିଫଳ” ବୋଲି ମନେ କରୁଛି, ଯେଉଁଥିରେ ପ୍ରଶାନ୍ତ କିଶୋର ଶିବିର ଏହାକୁ “ରାଜନୈତିକ ଚାଲ” ବୋଲି କହିଛନ୍ତି