ପାକିସ୍ତାନ: ପାକିସ୍ତାନର କରାଚିରେ ପ୍ରବଳ ବର୍ଷା ଓ ଝଡ଼ ଯୋଗୁଁ ଭୟାବହ ପରିସ୍ଥିତି ସୃଷ୍ଟି ହୋଇଛି। ବୁଧବାର ରାତିରେ ଘଟିଥିବା ଏହି ଦୁର୍ଘଟଣାରେ କମ୍ ସେ କମ୍ ୧୯ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି।
ବାଲଦିଆ ଟାଉନରେ ଏକ ପରିତ୍ୟକ୍ତ କୋଠା ଭୁଶୁଡ଼ି ପଡ଼ି ୧୩ ଜଣଙ୍କ ଜୀବନ ଯାଇଥିଲା। ଅନ୍ୟ ସ୍ଥାନଗୁଡ଼ିକରେ କାନ୍ଥ ଓ ଛାତ ପଡ଼ିବା ସହ ବଜ୍ରପାତ ଓ ଗଛ ପଡ଼ିବା ଯୋଗୁଁ ମଧ୍ୟ ମୃତ୍ୟୁ ଘଟିଛି। ଝଡ଼-ବର୍ଷା ପ୍ରଭାବରେ ସିନ୍ଧ ପ୍ରଦେଶରେ ବିଦ୍ୟୁତ ସେବା ବିଘ୍ନିତ ହୋଇଥିବା ବେଳେ ଆଗାମୀ ଦିନରେ ଆହୁରି ବର୍ଷା ସମ୍ଭାବନା ରହିଛି।