ପ୍ରମୁଖ ଖବର

ଖୁବଶୀଘ୍ର ଯୋଗ୍ୟ ହିତାଧିକାରୀଙ୍କୁ ମିଳିବ ନୂଆ ରାସନ କାର୍ଡ
ୟୁନେସ୍କୋ ମେମୋରୀ ଅଫ ଦ ଓ୍ବର୍ଲ୍ଡ ରେଜିଷ୍ଟରରେ ସ୍ଥାନ ପାଇଲା ‘ଭଗବଦ ଗୀତା’ ଓ ‘ନାଟ୍ୟଶାସ୍ତ୍ର’
ମାଲେସିଆ ଗସ୍ତରେ ଯିବେ ଓଡ଼ିଶା ଚାଷୀ
ଛତିଶଗଡ଼ ସୁକମାରେ ୯ ମହିଳା ନକ୍ସଲଙ୍କ ସମେତ ୨୨ ଜଣଙ୍କ ଆତ୍ମସମର୍ପଣ କରିଛନ୍ତି
କ୍ରୀଡ଼ା ବିକାଶ ପାଇଁ ୪ ହଜାର କୋଟି ଟଙ୍କା ଖର୍ଚ୍ଚ କରିବେ ଓଡ଼ିଶା ସରକାର
ସଂସଦୀୟ ବ୍ୟାପାର ସଚିବ ଭାବେ ନିଯୁକ୍ତ ହେଲେ ଆଇଏଏସ ନିକୁଞ୍ଜ ବିହାରୀ ଧଳ
୩୫ଟି ଔଷଧ ଉପରେ କଟକଣା ଲଗାଇଲେ ସରକାର

ଚିନ୍ତା ବଢାଇଲା ଚୀନ, ଭାରତରେ ଆସିବ କି କରୋନାର ନୂଆ ଲହର?

0

କରୋନାର ଏନ୍ତୁଡିଶାଳ କୁହାଯାଉଥିବା ଚୀନରେ ପୁଣି ଦ୍ରୁତ ଗତିରେ ବଢିବାରେ ଲାଗିଛି ସଂକ୍ରମଣ । ସ୍ଥିତି ଏତେ ସଙ୍ଗୀନ ହୋଇଯାଇଛି ଗୋଟେ ପରେ ଗୋଟେ ସହରରେ ତାଲା ଲାଗୁଛି । ଚୀନର ଓମିକ୍ରନର ନୂଆ ସବ ଭ୍ୟାରିଆଣ୍ଟ ଏବେ ପୁଣି କାୟା ମେଲାଇଛି । ପ୍ରଥମେ ଦକ୍ଷିଣ ଆଫ୍ରିକାରେ ମିଳିଥିବା ଏହି ସବ ଭ୍ୟାରିଆଣ୍ଟ ଚାଇନା ବ୍ୟତୀତ ପଶ୍ଚିମ ୟୁରୋପରେ ନିଜର ଉପସ୍ଥିତି ଜାହିର କରିଛି । ତେବେ ଚୀନର ଏହି ସଂକ୍ରମଣ ବଢିବା ପରେ ଏବେ ପ୍ରଶ୍ନ ଉଠୁଛି ଯେ, ଭାରତରେ କରୋନାର ନୂଆ ଲହର ଆସିବ କି? ଯେମିତି ଚୀନ,ପଶ୍ଚିମ ୟୁରୋପ ଓ ହଙ୍ଗକଙ୍ଗରେ ମାମଲା ବଢୁଛି, ଭାରତରେ ପୁଣି ସେଭଳି ସ୍ଥିତି ଉପୁଜିବ କି? ଏହି ପରିପ୍ରେକ୍ଷୀରେ କୋଭିଡ ଟାସ୍କ ଫୋର୍ସର ମୁଖ୍ୟ ଡାକ୍ତର ନରେନ୍ଦ୍ର କୁମାର କହିଛନ୍ତି ଯେ, ଭାରତରେ ବିଏ-୨ ଯୋଗୁଁ କରୋନା ସଂକ୍ରମଣ ମାମଲା ବୃଦ୍ଧି ହେବା ସମ୍ଭାବନା କମ ଦେଖାଦେଉଛି । ତାଙ୍କ କହିବା ଅନୁସାରେ ଭାରତରେ ତୃତୀୟ ଲହରରେ ୭୫ ପ୍ରତିଶତ ମାମଲା ବିଏ-୨ ସବ ଭ୍ୟାରିଆଣ୍ଟ ର ଥିଲା । ଏମିତିରେ ଆଇଆଇଟି କାନପୁର ଜୁନରେ କରୋନା ନୂଆ ଲହରକୁ ନେଇ ଯେଉଁ ଅନୁମାନ କରିଛନ୍ତି,ସେଥିରେ କରୋନା ମାମଲା ଅଧିକ ବ୍ୟାପିବା ସମ୍ଭାବନା କମ ।

ଡାକ୍ତର ରାଜୀବଙ୍କର ମାନିବା ଅନୁସାରେ ଭାରତ ଓ ଚୀନ ମଧ୍ୟରେ ବହୁତ ପାର୍ଥକ୍ୟ ରହିଛି । ସେ କହିଛନ୍ତି ଯେ, ଭାରତରେ ସଂକ୍ରମଣ, ପୁନଃ ସଂକ୍ରମଣ, ବ୍ରେକଥୁ ସଂକ୍ରମଣ ବହୁତ ଦେଖିବାକୁ ମିଳିଛି । ଏଥିପାଇଁ ଏଠାରେ ଲୋକଙ୍କ ରୋଗ ପ୍ରତିରୋଧକ ଶକ୍ତିରେ ସାମାନ୍ୟ ବୃ୍‌ଦ୍ଧି ହୋଇଛି । ତେବେ ଚୀନରେ ସଂକ୍ରମଣ କାୟା ମେଲାଉଥିବାରୁ ବହୁ ସହରରେ ଲକଡାଉନ ଘୋଷଣା କରାଯାଇଛି । ଜିଲନ ସହରରେ ଅସ୍ଥାୟୀ କୋଭିଡ ହସ୍ପିଟାଲ ନିର୍ମାଣ କରାଯାଇଛି । ହଙ୍ଗକଙ୍ଗରେ ସବୁଠୁ ଅଧିକ ସଂକ୍ରମଣ ବ୍ୟାପୁଥିବାରୁ ଏହାକୁ ନିୟନ୍ତ୍ରଣ କରିବା ଲାଗି କଡ଼ା ପ୍ରତିବନ୍ଧକ ଲାଗୁ କରାଯାଇଛି । ସ୍ଥିତିକୁ ଦେଖି କୋଟି କୋଟି ଲୋକଙ୍କୁ ଘରୁ ନବାହାରିବାକୁ ନିର୍ଦ୍ଦେଶ ଦେଇଛନ୍ତି ଚୀନ ସରକାର ।

Leave A Reply

Your email address will not be published.