ସମ୍ବଲପୁର: ଆସନ୍ତା ୨୭ରେ ଲୋକାର୍ପଣ ହେବାକୁ ଯାଉଛି ମା’ସମଲେଇ ପ୍ରକଳ୍ପ। ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ଭଳି ଏହାକୁ ଭବ୍ୟ ଓ ସ୍ମରଣୀୟ କରିବାକୁ ଜୋରଦାର ପସ୍ତୁତିରେ ଲାଗି ପଡିଛନ୍ତି ସମଲେଇ ମନ୍ଦିର ଟ୍ରଷ୍ଟ। ଏଥିପାଇଁ ବିଭିନ୍ନ ଦେବାଦେବୀ ପୀଠ, ସାଧୁ-ସନ୍ଥଙ୍କୁ ନିମନ୍ତ୍ରଣ କରାଯାଉଛି। ସମଲେଇ ପ୍ରକଳ୍ପର ଲୋକାର୍ପଣ ଉତ୍ସବକୁ ପ୍ରତି ପଂଚାୟତରେ ଲାଇଭ କରିବା ଏବଂ ୨୭ତାରିଖ ପରେ ପର୍ଯ୍ୟାୟକ୍ରମେ ଭକ୍ତଙ୍କୁ ପ୍ରକଳ୍ପ ବୁଲାଇବାକୁ ଯୋଜନା ରଖିଛନ୍ତି ସରକାର।
ଏହାଛଡା ଗାଁ ଗାଁ ରେ ପ୍ରଚାରିତ ହେବ ମାଆ ସମଲେଇଙ୍କ ମହିମା। ଶ୍ରଦ୍ଧାଳୁଙ୍କ ଠାରୁ ସଂଗ୍ରହ ହେବ ଗୁଆ, ସିନ୍ଦୁର ଆଉ ସଂଗ୍ରହ ହୋଇଥିବା ସିନ୍ଦୁର ମାଆଙ୍କ ପାଖରେ ଲାଗି କରାଯିବ। ସ୍ବତନ୍ତ୍ର ମହାନଦୀ ଆଳତୀ ସହିତ ହୋମ- ଯଜ୍ଞର ମଧ୍ୟ ଆୟୋଜନ କରଯାଇଛି। ରାଜ୍ୟର ସମସ୍ତ ଦେବାଦେବୀ ପୀଠରୁ ସେବାୟତ ଓ ବ୍ରାହ୍ମଣମାନେ ସାମିଲ ହେବାର ଯୋଜନା ରହିଛି।