- ବିଜେପିକୁ ମାରୁ ମାରୁ ନିଜେ ଅକଳରେ ପଡିଗଲା କଂଗ୍ରେସ
ନୂଆଦିଲ୍ଲୀ: କେନ୍ଦ୍ର ସରକାର ଓ ରିଜର୍ଭ ବ୍ୟାଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ମାମଲାରେ କଂଗ୍ରେସକୁ ଶକ୍ତ ଝଟ୍କା ଲାଗିଛି । ଏହାକୁ ପ୍ରସଙ୍ଗ କରି ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରୁଥିଲା । ହେଲେ ଜଣାପଡିଲାଣି ଯେ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାର ନୁହେଁ, ପଣ୍ଡିତ ଜବାହରଲାଲ ନେହରୁଙ୍କ ସରକାରରେ ବି ଅନୁରୂପ ବିବାଦ ମୁଣ୍ଡ ଟେକିଥିଲା । କେବଳ ସେତିକି ନୁହେଁ, ତତ୍କାଳୀନ ରିଜର୍ଭ ବ୍ୟାଙ୍କ ଗଭର୍ଣ୍ଣରଙ୍କୁ ପଦ ଛାଡିବାକୁ ପଡିଥିଲା । ଆଜି ଜାତୀୟ ଗଣମାଧ୍ୟମରେ ଏଭଳି ଖବର ପଦାକୁ ଆସିବା ପରେ କଂଗ୍ରେସ ଏହି ପ୍ରସଙ୍ଗକୁ ନେଇ ଆଗକୁ ବଢିବ ନା ନାହିଁ, ସେ ନେଇ ଦ୍ୱିବିଧାରେ ପଡିଯାଇଛି ।
ଦେଶ ସ୍ୱାଧୀନ ହେବା ପୂର୍ବରୁ ମଧ୍ୟ ଆର୍ବିଆଇ ଭଳି ସଂସ୍ଥା ସହିତ ବିବାଦ ସରକାରମାନଙ୍କର ରହିଛି । ଖାସ୍ ଏମିତି ଏକ ବିବାଦ ୧୯୩୫ ମସିହାରେ ଦେଖାଯାଇଥିଲା ଓ ତତ୍କାଳୀନ ସାର୍ ଜନ୍ ଓ ସ୍ମିଥ୍ଙ୍କୁ ଇସ୍ତଫା ଦେବାକୁ ପଡିଥିଲା । ଜବାହରଲାଲ ନେହରୁଙ୍କ ସରକାରରେ ବି ଆର୍ବିଆଇ ସହିତ ବିବାଦ ହୋଇଥିଲା କେନ୍ଦ୍ର ସରକାରଙ୍କର । ସେ ସମୟରେ ଆର୍ବିଆଇ ଗଭର୍ଣ୍ଣର ଥିବା ବେନେଗାଲ ରାମାରାଉଙ୍କୁ ଇସ୍ତଫା ଦେବାକୁ ହୋଇଥିଲା । ଏହି ବିବାଦରେ ପଣ୍ଡିତ ନେହରୁ ତତ୍କାଳୀନ ଅର୍ଥମନ୍ତ୍ରୀ ଟି ଟି କ୍ରିଷ୍ଣମାଚାରିଙ୍କ ପକ୍ଷ ନେଇଥିଲେ । ବଜେଟ୍ ପ୍ରସ୍ତାବକୁ ନେଇ ଅର୍ଥମନ୍ତ୍ରୀ ଓ ଆର୍ବିଆଇ ଗଭର୍ଣ୍ଣରଙ୍କ ବିବାଦ ହୋଇଥିବା କୁହାଯାଏ । ସେତେବେଳେ ପଣ୍ଡିତ ନେହରୁ ସ୍ପଷ୍ଟ ଭାଷାରେ କହିିଥିଲେ ଯେ ଆର୍ବିଆଇ କେନ୍ଦ୍ର ସରକାରଙ୍କର ଏକ ଅଂଶ ।ଏହା ସରକାରଙ୍କୁ ଉପଦେଶ ବା ପରାମର୍ଶ ଦେବା ପାଇଁ ରହିଛି । ଏହି ସଂସ୍ଥା ସରକାରଙ୍କ ସହିତ ଏକ ସରଳରେଖାରେ ରହିବା ଦରକାର ।
ଉଲ୍ଲେଖଯୋଗ୍ୟ, କେନ୍ଦ୍ର ସରକାର ଓ ଭାରତର ରିଜର୍ଭ ବ୍ୟାଙ୍କ ଗଭର୍ଣ୍ଣର ଉର୍ଜିତ ପଟେଲଙ୍କ ସଂପର୍କ ଦିନକୁ ଦିନ ତିକ୍ତ ହେବାରେ ଲାଗିଛି । ବଡ ଋଣ ଖିଲାପକାରୀଙ୍କ ନାମ ତାଲିକା ପ୍ରକାଶ ଲାଗି ସୁପ୍ରିମକୋର୍ଟ ଦେଇଥିବା ନିର୍ଦେଶନାମା ମାନି ନାହାନ୍ତି ବୋଲି କେନ୍ଦ୍ରୀୟ ସୂଚନା କମିସନ ତାଙ୍କୁ ନୋଟିସ ଜାରି କରିଛନ୍ତି । ମାମୁଲି ଖିଲାପି ଏପରିକି, କୃଷକ ଋଣ ଅର୍ଥ ପରିଶୋଧ କରୁନଥିବା ବେଳେ ସେମାନଙ୍କ ନାମ ପ୍ରକାଶ କରାଯାଉଛି । ଏପରିସ୍ଥଳେ ବଡ଼ବଡିଆ କାହିଁକି ନୁହେଁ ବୋଲି ସୂଚନା କମିସନ ପ୍ରଶ୍ନ କରିଛନ୍ତି । ୧୯୯୮ରୁ ୨୦୧୮ ମଧ୍ୟରେ ଋଣ ପରିଶୋଧ କରିନପାରି ଆତ୍ମହତ୍ୟା କରିଛନ୍ତି ବୋଲି କମିସନ ଟିପ୍ପଣୀ ଦେଇଛନ୍ତି ।
ପ୍ରମୁଖ ଖବର
ଅଯୋଧ୍ୟା ରାମ ମନ୍ଦିରକୁ ଉଡ଼ାଇ ଦେବାକୁ ପନ୍ନୁର ଧମକ: ନଭେମ୍ବର ୧୬ ଓ ୧୭ ତାରିଖରେ ଅଯୋଧ୍ୟାର ରାମ ମନ୍ଦିର ସହ ଅନ୍ୟ ସ୍ଥାନରେ ମଧ୍ୟ ବିସ୍ଫୋରଣ ହେବ ବୋଲି ଧମକ
ରାଜ୍ୟର ୩ ପୋଲିସ ଇନ୍ସପେକ୍ଟରଙ୍କୁ ମିଳିବ କେନ୍ଦ୍ରୀୟ ଗୃହମନ୍ତ୍ରୀ ଦକ୍ଷତା ପଦକ
ଓଡ଼ିଶାରେ ଅଗ୍ନିଶମ ସେବାର ଆଧୁନିକୀକରଣ ପାଇଁ କେନ୍ଦ୍ର ସରକାର ଦେବେ ୨୦୧.୧୦କୋଟି
ଯବାନଙ୍କ ଏନକାଉଣ୍ଟରରେ ୧୧ ନିହତ, ଜଣେ ଯବାନ ଗୁରୁତର
ମହର୍ଷି କଲେଜରେ ଲାଇବ୍ରେରୀ ଆସିଷ୍ଟାଣ୍ଟଙ୍କୁ ମାଡ଼
ମଙ୍ଗଳବାର ଠାରୁ ଭିସ୍ତାରା ବିମାନ ଏୟାର ଇଣ୍ଡିଆ ନାଁରେ ଉଡ଼ିବ
କାର୍ତ୍ତିକ ମାସରେ ଅସମ୍ଭବ ଭିଡ଼ ଯୋଗୁ ବଦଳିଲା ଶ୍ରୀମନ୍ଦିର ଧ୍ୱଜାବନ୍ଧା ନୀତି ସମୟ
ବଦଳିଲା ନର୍ସଙ୍କ ଡ୍ରେସ୍, ଏବେ ନୂଆ ରଙ୍ଗ ଓ ନୂଆ ଡିଜାଇନର ଡ୍ରେସ୍ ପିନ୍ଧିବେ ନର୍ସ