ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ସରକାରଙ୍କ ପାଇଁ ପୁଲିସ ଅଡୁଆ!

0

ସ୍ମିତାରାଣୀ ପରେ ରୁକ୍ମୁଣୀ ମଣ୍ଡଳ ଘଟଣା ନେଲା ନୂଆ ମୋଡ଼
ପୁଲିସ କାର୍ଯ୍ୟାନୁଷ୍ଠାନକୁ ମାସେ ଅପେକ୍ଷା ପରେ ଆତ୍ମହତ୍ୟା କଲେ
ରୁକ୍ମୁଣୀ ଜୀବନ ହାରିବା ପରେ ପୁଲିସ ଚେଇଁଲା, ଧରାହେଲା ଅଭିଯୁକ୍ତ
ଇତିଶ୍ରୀ ମାମଲାରୁ କିଛି ବି ଶିଖିଲେନି ଆମ ପୁଲିସ ବାବୁ, ପୁନରାବୃତ୍ତି

ଭୁବନେଶ୍ୱର: ସ୍ମିତାରାଣୀ ହତ୍ୟା ମାମଲାକୁ ନେଇ ଚର୍ଚ୍ଚା ଥମିନାହିଁ । ତେଲେଙ୍ଗାନାରେ ଜଣେ ଡାକ୍ତରଙ୍କୁ ଗଣଦୁଷ୍କର୍ମ ପରେ ଜାଳି ଦିଆଯାଇଛି । ଏହାକୁ ନେଇ ଦେଶର ବିଭିନ୍ନ ଭାଗର ଲୋକ ରାଜରାସ୍ତାକୁ ଓହ୍ଲାଇଛନ୍ତି । ଠିକ୍‍ ଏମିତି ଏକ ସମୟରେ ମୟୂରଭଂଜରେ ଜଣେ ଅଧ୍ୟାପିକା ଆତ୍ମହତ୍ୟା କରିବା ଘଟଣା ଚହଳ ସୃଷ୍ଟି କରିଛି । ରାଇରଙ୍ଗପୁର କଲେଜର ପଦାର୍ଥ ବିଜ୍‍ଞାନ ଅଧ୍ୟାପିକା ରକ୍ମୁଣୀ ମଣ୍ଡଳ କଲେଜ ହଷ୍ଟେଲ କ୍ୟାମ୍ପସରେ ଗତକାଲି ବିଳମ୍ୱିତ ରାତିରେ ଆତ୍ମହତ୍ୟା କରିଛନ୍ତି । ମାନସିକ ଭାରସାମ୍ୟ ହରାଇ ସେ ଆତ୍ମହତ୍ୟା କରିଥିବା କୁହାଯାଉଛି ।

କିନ୍ତୁ ଯେଉଁ କାରଣ ପାଇଁ ସେ ମାନସିକ ଭାରସାମ୍ୟ ହରାଇଲେ, ତାହା ଅତ୍ୟନ୍ତ ସାଂଘାତିକ । ସଂପୃକ୍ତ ଅଧ୍ୟାପିକା ଅଭିଯୋଗ କରିଥିଲେ ଯେ କେନ୍ଦୁଝରର ଜଣେ ଯୁବକ ଅକ୍ଟୋବର ୩୦ ତାରିଖରେ ତାଙ୍କୁ ଜୋର ଜବରଦସ୍ତ ଦୁଷ୍କର୍ମ କରିଥିଲା । ଏ ସଂକ୍ରାନ୍ତରେ ଝାରପୋଖରିଆ ଥାନାରେ ଏକ ମାମଲା ମଧ୍ୟ ରୁଜୁ ହୋଇଛି । ହେଲେ ପୁଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିିଁ । ମାସେ କାଳ ନ୍ୟାୟ ନ ପାଇବା ପରେ ସେ ଆତ୍ମହତ୍ୟା କରିଥିବା କୁହାଯାଉଛି ।

ପୂର୍ବରୁ ଇତିଶ୍ରୀ ମାମଲାରେ ମଧ୍ୟ ସରକାର ଏମିତି ଏକ ଅଡୁଆ ପରିସ୍ଥିତିକୁ ସାମ୍ନା କରିଥିଲେ । ଇତିଶ୍ରୀଙ୍କ ଅଭିଯୋଗ ଉପରେ କୌଣସି କାର୍ଯ୍ୟାନୁଷ୍ଠାନ ହେଲା ନାହିଁ । ଓଲଟା ଇତିଶ୍ରୀକୁ ହତ୍ୟା କରାଗଲା । କିଛି ବର୍ଷ ପରେ ରାୟଗଡାର ଏହି ମାମଲାର ଏକପ୍ରକାର ପୁନରାବୃତ୍ତି ଘଟିଛି ମୟୂରଭଂଜରେ ।

ରାଜ୍ୟ ସରକାର ମୋ ସରକାର କାର୍ଯ୍ୟକ୍ରମରେ ଏବେ ତନାଘନା କରୁଛନ୍ତି । ଏହା ପରେ ବି ପୁଲିସ ଏତେ ବେଫିକର ହେଲା କେମିତି, ତାହା ସବୁଠାରୁ ଆଶ୍ଚର୍ଯ୍ୟର ବିଷୟ । ଅଧ୍ୟାପିକା ଆତ୍ମହତ୍ୟା କରିବାର ୧୨ ଘଣ୍ଟା ମଧ୍ୟରେ ପୁଲିସ ଅଭିଯୁକ୍ତକୁ ଧରି ପଚରାଉଚରା କରୁଛି । ଏକଥା ଆଗରୁ କାହିିଁକି କରୁନଥିଲା?ସଂପୃକ୍ତ ମୟୂରଭଂଜ ପୁଲିସ ଏସପିଙ୍କ ଦାୟିତ୍ୱଟି କଣ? ଥାନାରେ ରୁଜୁ ହେଉଥିବା ମାମଲାର ସମୀକ୍ଷା ଏସପି କରୁଛନ୍ତି କି ନାହିଁ? ଯଦି ହେଉଛି, ଏମିତି ସ୍ଥିତି କାହିିଁକି ହେଲା? ଇତିମଧ୍ୟରେ ସଂପୃକ୍ତ ଥାନାଧିକାରୀଙ୍କୁ ବଦଳି କରିଦିଆଯାଇଛି ।

ଅନ୍ୟପଟରେ ଏହି ପ୍ରସଙ୍ଗକୁ ନେଇ ଏବେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ସୁଇସାଇଡ୍‍ ନୋଟ୍‍ ଦାବିରେ ଲୋକେ ଅଡି ବସିଛନ୍ତି । ହଷ୍ଟେଲରୁ ମୃତ ଦେହ ଲୋକେ ଛାଡୁନାହାନ୍ତି । ଘଟଣାସ୍ଥଳରେ ସୁଇଡସାଇଡ୍‍ ନୋଟ୍‍ ଥିଲା, ହେଲେ କୁଆଡେ ଗଲା ବୋଲି ସେମାନେ ପ୍ରଶ୍ନ କରୁଛନ୍ତି ।

Leave A Reply

Your email address will not be published.