ପ୍ରମୁଖ ଖବର

ଭୁବନେଶ୍ବର: ତଳସରା ବିଧାୟକ ଭବାନୀ ଭୋଇ ବିଜେପିର ଉପ ବାଚସ୍ପତି ପ୍ରାର୍ଥୀ
ନୂଆ ଆୟକର ବ୍ୟବସ୍ଥାରେ ବଦଳିଲା ଛାଡସୀମା, ପୁରୁଣା ବ୍ୟବସ୍ଥାରେ ଅପରିବର୍ତ୍ତିତ, ଷ୍ଟାଣ୍ଡାର୍ଡ ଡିଡକ୍ସନ ୭୫୦୦୦କୁ ବୃଦ୍ଧି
୧୫ ପ୍ରତିଶତ ସୀମା ଶୁଳ୍କ ହ୍ରାସ ନେଇ ଅର୍ଥମନ୍ତ୍ରୀଙ୍କ ଘୋଷଣା: ଶସ୍ତା ହେବ ସୁନା, ରୂପା, କ୍ୟାନ୍ସର ଔଷଧ, ମୋବାଇଲ
ଏଥର ବଜେଟ୍ ରେ ନୂଆ ଚାକିରିଆଙ୍କ ପାଇଁ ଖୁସି ଖବର, ତିନୋଟି କିସ୍ତିରେ ମିଳିବ ୧୫ ହଜାର

ଚିଡିଆଖାନା ପାଇଁ ଏତେ କଟକଣା

0

ଭୁବନେଶ୍ବର: ରାଜ୍ୟରେ ଚିଡ଼ିଆଖାନା ସମେତ ହରିଣ ପାର୍କ ଅକ୍ଟୋବର ୪ରୁ ଖୋଲିବ। ଆଜି ଏ ସଂକ୍ରାନ୍ତରେ ପ୍ରଧାନ ମୁଖ୍ୟ ବନ ସଂରକ୍ଷକ(ବନ୍ୟପ୍ରାଣୀ ନିର୍ଦେଶନାମା ଜାରି କରିଛନ୍ତି। ଏଥିରେ କୁହାଯାଇଛି ଯେ ସାମାଜିକ ଦୂରତା ରଖି ପର୍ଯ୍ୟଟକ ଯେପରି ଛିଡା ହେବେ, ସେ ନେଇ ବ୍ୟବସ୍ଥା ହେବ। ପ୍ରବେଶ ପଥ ଠାରୁ ଆରମ୍ଭ କରି ଶୌଚାଳୟ ଯାଏ ସାମାଜିକ ଦୂରତାକୁ ସମସ୍ତେ ଗୁରୁତ୍ବ ଦେବେ। କର୍ମଚାରୀ କୋଭିଡ୍ ନିୟମ ପାଳନ କରିବେ ଓ ପ୍ରବେଶ ପଥରେ ଥର୍ମାଲ ସ୍କ୍ରିନିଂ ବ୍ୟବସ୍ଥା ହେବ।

ମାନୁଆଲ୍‌ ଟିକେଟ୍‌ ବୁକିଂ ବଦଳରେ ଇ-ଟିକେଟ୍‌ ବୁକିଂ କରାଯିବ। ଦିନକୁ ଅତିବେଶୀରେ ୧୫୦୦ ପର୍ଯ୍ୟଟକ ନନ୍ଦନକାନନ ଭଳି ଚିଡିଆଖାନାକୁ ଯାଇପାରିବେ। ସେହିଭଳି ମିନି ଚିଡ଼ିଆ ଖାନାକୁ ୩୦୦ ପର୍ଯ୍ୟଟକଙ୍କୁ ଅନୁମତି ମିଳିବ। ପ୍ରବେଶ ଠାରୁ ପ୍ରସ୍ଥାନ ଯାଏ ସମସ୍ତେ ମାସ୍କ ପିନ୍ଧିବେ। ତେବେ ବୟସ୍କ ଓ ଶିଶୁଙ୍କୁ ଏବେ ନ ଛାଡିବା ଲାଗି କର୍ତ୍ତୃପକ୍ଷ ନିବେଦନ କରିଛନ୍ତି।

ଭିଡ଼ ଉପରେ ନଜର ରଖିବା ଲାଗି କୁହାଯାଇଛି। ସେହିଭଳି ଛେପ ଫିଙ୍ଗିବା ଠାରୁ ଆରମ୍ଭ କରି ତମାଖୁ, ସିଗାରେଟ୍ ଉପରେ ବି ନିଷେଧାଦେଶ ଜାରି ହୋଇଛି। ପର୍ଯ୍ୟଟକଙ୍କ ଶରୀରରୁ ପ୍ରବେଶ ପଥରେ ବିଶୋଧନ କରାଯିବ। ପର୍ଯ୍ୟଟକ ନିଜ ଖାଦ୍ୟ ନେବେ ଓ ପାଣି ବ୍ୟବହାର କରିବେ।

ଛି।

Leave A Reply

Your email address will not be published.