ନୂଆଦିଲ୍ଲୀ: ୧୯୯୯ରେ ଝାଡଖଣ୍ଡ କୋଇଲା ବ୍ଲକ ଆବଣ୍ଟନରେ ଅନିୟମିତତା ସମ୍ପର୍କିତ କୋଇଲା ସ୍କାମ ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲୀପ ରାୟ ମଙ୍ଗଳବାର ଏଠାରେ ଏକ ସ୍ୱତନ୍ତ୍ର କୋର୍ଟ ଦ୍ୱାରା ଦୋଷୀ ସାବ୍ୟସ୍ତ ହୋଇଛନ୍ତି। ସ୍ୱତନ୍ତ୍ର ବିଚାରପତି ଭରତ ପରାସର ଅଟଳ ବିହାରୀ ବାଜପେୟୀ ସରକାରରେ ପୂର୍ବତନ ରାଜ୍ୟ (କୋଇଲା) ରାୟଙ୍କୁ ଅପରାଧିକ ଷଡ଼ଯନ୍ତ୍ର ଏବଂ ଅନ୍ୟାନ୍ୟ ଅପରାଧରେ ଦୋଷୀ ସାବ୍ୟସ୍ତ କରିଛନ୍ତି।
ସେହି ସମୟର କୋଇଲା ମନ୍ତ୍ରଣାଳୟର ଦୁଇଜଣ ବରିଷ୍ଠ ଅଧିକାରୀ ପ୍ରଦୀପ କୁମାର ବାନାର୍ଜୀ ଏବଂ ନିତ୍ୟାନନ୍ଦ ଗୌତ୍ତମ, କାଷ୍ଟ୍ରନ୍ ଟେକ୍ନୋଲୋଜି ଲିମିଟେଡ୍ (ସିଟିଏଲ୍), ଏହାର ନିର୍ଦ୍ଦେଶକ ମହେନ୍ଦ୍ର କୁମାର ଅଗ୍ରୱାଲା ଏବଂ କାଷ୍ଟ୍ରନ୍ ମାଇନିଂ ଲିମିଟେଡ୍ (ସିଏମ୍ଏଲ୍) କୁ ମଧ୍ୟ କୋର୍ଟ ଦୋଷୀ ସାବ୍ୟସ୍ତ କରିଛନ୍ତି। ଆସନ୍ତା ଅକ୍ଟୋବର ୧୪ ତାରିଖରେ ଦଣ୍ଡବିଧାନ ପରିମାଣ ଉପରେ କୋର୍ଟ ତାଙ୍କ ରାୟ ରଖିବେ।
କୋଇଲା ବ୍ଲକ ଆବଣ୍ଟନ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଏକ ସ୍ୱତନ୍ତ୍ର ସିବିଆଇ କୋର୍ଟ ତାଙ୍କ ବିରୋଧରେ ମାମଲା ରୁଜୁ କରିଥିଲା। ୧୯୯୯ ମସିହାରେ ଝାଡଖଣ୍ଡର ବ୍ରହ୍ମଡିହା କୋଇଲା ବ୍ଲକ କାଷ୍ଟ୍ରୋନ୍ ଟେକ୍ନୋଲୋଜି ଲିମିଟେଡ୍କୁ ଦେବା ପାଇଁ ସୁପାରିସ ସଂପର୍କିତ ପ୍ରସଙ୍ଗରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା।
ସେତେବେଳେ ଦିଲ୍ଲୀପ ରାୟ କହିଥିଲେ ଯେ “ମୁଁ ମନ୍ତ୍ରୀ ଥିବାବେଳେ ବିଜେପି ସାଂସଦ ପି.କେ ଅଗ୍ରୱାଲ କୋଇଲା ବ୍ଲକ ଆବଣ୍ଟନ ପ୍ରସ୍ତାବ ଆଣିଥିଲେ। ଏହାର ପୁନଃ ଯାଞ୍ଚ ପାଇଁ ମୁଁ ଏହାକୁ ମନ୍ତ୍ରଣାଳୟକୁ ପଠାଇଥିଲି। କୋଇଲା ବ୍ଲକ ଆବଣ୍ଟନ ପାଇଁ ସ୍କ୍ରିନିଂ କମିଟି ସୁପାରିସ କରେ ଯେଉଁଠାରେ ସେ ସେତେବେଳେ ସଦସ୍ୟ ବିନଥିଲେ। ଏହି କୋଇଲା ବ୍ଲକର ଅନୁଦାନ ବାସ୍ତବରେ ଝାଡଖଣ୍ଡ ରାଜ୍ୟ ସରକାରଙ୍କ ଦ୍ବାରା କାଷ୍ଟ୍ରୋନ୍ ସପକ୍ଷରେ ସୁପାରିସ କରାଯାଇଥିଲା, କାରଣ ଏହା ଅତୀତର ଏକ ପରିତ୍ୟକ୍ତ କୋଇଲା ବ୍ଲକ ଥିଲା ଯେଉଁଥିରୁ କୋଇଲା ମାଫିଆ ଦ୍ୱାରା ନିୟମିତ ଭାବେ ଲୁଟ୍ କରୁଥିଲେ। ”
ଶ୍ରୀ ଅଗ୍ରଵାଲଙ୍କ ମାଲିକାନାରେ ଥିବା କାଷ୍ଟ୍ରୋନଙ୍କୁ ଏକ କୋଇଲା ବ୍ଲକ ବଣ୍ଟନ କରାଯାଇଥିଲା।