ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

ବିଜେଡିର ଅଡୁଆ ବଢାଇଲେ ବିଧାୟକ

0

ଭୁବନେଶ୍ବର: ଲୋକାୟୁକ୍ତ ବ୍ୟବସ୍ଥାକୁ ଢେର୍ ଦିନ ଅକାମୀ କରିଦିଆଯାଇଥିଲା। ସୁପ୍ରିମକୋର୍ଟଙ୍କ ବ୍ୟାପକ ଚାପ ସୃଷ୍ଟି ପରେ ସରକାର ଲୋକାୟୁକ୍ତ ନିଯୁକ୍ତି ଦେଇଥିଲେ। ଆଶଙ୍କା କରାଯାଉଥିଲା,ବିରୋଧୀ କମ୍, ସରକାର ଦଳ ପାଇଁ ଏହା ବେଶୀ ଅଡୁଆ ପରିସ୍ଥିତି ସୃଷ୍ଟି କରିବ। ଏହି ଆଶଙ୍କା ସତରେ ଏବେ ପରିଣତ ହୋଇଛି।

ଲୋକାୟୁକ୍ତଙ୍କ ଜାଲରେ ଏବେ ବିଜେଡି ବିଧାୟକ ପ୍ରଣବ ବଳବନ୍ତରାୟ ପଡିଛନ୍ତି। ଗତ ମାସରେ ଯେଉଁ ଭୀଷଣ ବର୍ଷା ଓ ବନ୍ୟା ହୋଇଥିଲା ସେ ସମୟରେ ଡିନାମାଇଟ୍ ଲଗାଇ ଜଳସେଚନ ବନ୍ଧ ରାସ୍ତାକୁ ଉଡାଇ ଦେବା ଘଟଣାରେ ବିଧାୟକ ଶ୍ରୀ ବଳବନ୍ତରାୟ ଛନ୍ଦି ହୋଇଛନ୍ତି। ତାଙ୍କ ସମେତ ୬ଜଣଙ୍କୁ ଲୋକାୟୁକ୍ତ ନୋଟିସ୍ କରିଛନ୍ତି। ଆସନ୍ତା ୬ ସପ୍ତାହ ମଧ୍ୟରେ ଏ ସଂକ୍ରାନ୍ତ ଉତ୍ତର ରଖିବାକୁ କୁହାଯାଇଛି। ଆସନ୍ତା ଡିସେମ୍ବର ୧୨ ତାରିଖରେ ମାମଲାର ପରବର୍ତୀ ଶୁଣାଣି ହେବ।

କୌତୂହଳ କଥା ହେଲା, ବିଧାୟକ ଶ୍ରୀ ବଳବନ୍ତରାୟ ରାଜନୀତିକୁ ଓହ୍ଲାଇବା ଦିନଠାରୁ ବିବାଦରେ ଛନ୍ଦି ହୋଇ ରହିଛନ୍ତି। ଭୁବନେଶ୍ବର ଉପକଣ୍ଠ ଘଙ୍ଗାପାଟଣା ଜମି କେଳେଙ୍କାରୀ ମାମଲାରେ ଘାଣ୍ଟି ହୋଇ କିଛି ଦିନ ସରକାରଙ୍କୁ ଅକଳରେ ପକାଇଥିବା ଶ୍ରୀ ବଳବନ୍ତରାୟ ପରବର୍ତୀ ସମୟରେ ଅର୍ଥତତ୍ତ୍ବ ଚିଟ୍‌ଫଣ୍ଡ ମାମଲାରେ ସିବିଆଇକୁ ଟଣା ହୋଇଥିଲେ। ପ୍ରବର୍ତନ ନିର୍ଦେଶାଳୟ ବି ତାଙ୍କୁ ଘେରିଥିଲା। କେବଳ ସେତିକି ନୁହେଁ, ସ୍ମିତାରାଣୀ ହତ୍ୟା ମାମଲାରେ ବିଧାୟକଙ୍କ ପାଇଁ ସରକାର ବେଶ୍ ହଲାପଟା ହୋଇଥିଲେ। ତାଙ୍କ ଭୂମିକାକୁ ନେଇ ବିରୋଧୀ ସେ ସମୟରେ ଗର୍ଜନ ତର୍ଜନ କରିଥିଲେ। ଗୋଟିଏ ସମୟରେ ରାଜ୍ୟ ସରକାର ମଧ୍ୟ ଶ୍ରୀ ବଳବନ୍ତରାୟଙ୍କୁ ସରକାରୀ ଦଳ ଉପ ମୁଖ୍ୟସଚେତକ ପଦରୁ ହଟେଇ ଦେଇଥିଲେ।

କିନ୍ତୁ ପରିବର୍ତ୍ତିତ ରାଜନୈତିକ କୌଶଳରେ ଏବେ ଶ୍ରୀ ବଳବନ୍ତରାୟଙ୍କୁ ବିଜେଡି ଯୁବ ବ୍ୟାପାର ଦାୟିତ୍ବ ଦିଆଯାଇଛି। ହେଲେ ସରକାରଙ୍କ ଜଳସେଚନ ବନ୍ଧ ଉଡ଼ାଇ ଦେବା ଘଟଣାରେ ଖୋଦ୍ ସରକାରୀ ଦଳର ବିଧାୟକଙ୍କ ଭୂମିକା ଉପରେ ଲୋକାୟୁକ୍ତ ନୋଟିସ୍ କରିବା ପରେ ଏବେ ବିଜେଡି ପାଇଁ ବି ଏହା ସଙ୍ଗିନ୍ ପରିସ୍ଥିତି ସୃଷ୍ଟି କରିବାକୁ ଯାଉଛି। ଅତି ବିଶ୍ବସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ, ବିଜେଡିର ଶୀର୍ଷ ମହଲରେ ମଧ୍ୟ ଏହି ଘଟଣାକୁ ଅତି ଗମ୍ଭୀରତାର ସହିତ ନିଆଯାଇଛି।

ଉଲ୍ଲେଖଥାଉକି, ପାଞ୍ଚ ନମ୍ବର ଜାତୀୟ ରାଜପଥରେ ଗୋକର୍ଣ୍ଣେଶ୍ବର ଠାରୁ ବୁଢାଲିଙ୍ଗ ମଝିପଡା ରାସ୍ତା ସଂଲଗ୍ନ ଜଳସେଚନ ବିଭାଗର ରାସ୍ତାକୁ ଡିନାମାଇଟ୍ ଜରିଆରେ ରାମପୁର ଠାରେ ଉଡ଼ାଇ ଦିଆଯାଇଥିଲା। ବନ୍ୟା ତୀବ୍ର ସ୍ରୋତ ଯୋଗୁଁ ରାସ୍ତା ଫାଟିଯିବା ସହିତ ୪ହଜାର ଏକର ଚାଷ ଜମି ନଷ୍ଟ ହୋଇଯାଇଥିବା ଦର୍ଶାଯାଇଥିଲା। ୨୦୧୬ରେ ଏହି ପ୍ରକଳ୍ପ ପାଇଁ ୧୬ କୋଟି ଟଙ୍କା ଧାର୍ଯଅୟ ହୋଇଥିଲା ଓ ପରେ ଏହାର ମୂଲ୍ୟ ୨୪ କୋଟି ୪୭ଲକ୍ଷ ଟଙ୍କାକୁ ବୃଦ୍ଧି ପାଇଥିଲା।

Leave A Reply

Your email address will not be published.