ମୁମ୍ବାଇ: ୨୦୧୮ ମସିହାର ଏକ ମାମଲାରେ ମୁମ୍ବାଇ ପୁଲିସ ରିପବ୍ଲିକ୍ ଟିଭି ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କୁ ଉଠାଇ ନେଇଛି। ପୁଲିସ ତାଙ୍କୁ ଶାରୀରିକ ନିର୍ଯାତନା ଦେଇଛି ବୋଲି ଅର୍ଣ୍ଣବ ଗୋସ୍ୱାମୀ ଅଭିଯୋଗ କରିଛନ୍ତି। ରିପବ୍ଲିକ୍ ଟିଭି ଭିଜୁଆଲ୍ ସୂଚାଉଛି ଯେ ଗୋସ୍ୱାମୀଙ୍କୁ ପୋଲିସ୍ ଭ୍ୟାନ୍ ଭିତରକୁ ଯିବାକୁ ବାଧ୍ୟ କରାଯାଉଛି। ୨୦୧୮ର ଗୋଟିଏ ଆତ୍ମହତ୍ୟା ମାମଲାରେ ତାଙ୍କର ସଂପୃକ୍ତି ଅଭିଯୋଗ ଆସିଥିବା କୁହାଯାଉଛି।
ଚଳିତ ବର୍ଷ ମେ ମାସରେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ କହିଥିଲେ ଯେ ରାଜ୍ୟ ସିଆଇଡି ଏହି ମାମଲାର ପୁନଃ ଯାଞ୍ଚ କରିବ। ଗତ ବର୍ଷ ରାଇଗଡ ପୁଲିସ ଏହି ମାମଲା ବନ୍ଦ କରି ଦେଇଥିଲା। ମେ’ ମାସରେ ଆଲିବାଗରେ ଥିବା ଏକ ବଙ୍ଗଳାରେ ଡିଜାଇନର୍ ଅନଭାଇ ନାୟକ ଏବଂ ତାଙ୍କ ମା’ କୁମୁଦ ନାୟକଙ୍କ ମୃତଦେହ ମିଳିଥିଲା। ନାୟକଙ୍କ ଝିଅ ଅନ୍ନ୍ୟା ଦାବି କରିଥିଲେ ଯେ ରିପବ୍ଲିକ୍ ଟିଭି ଦ୍ବାରା ୮୩ଲକ୍ଷ ଟଙ୍କା ପ୍ରଦାନ ନକରିବା କାରଣରୁ ତାଙ୍କ ପିତା ଏବଂ ଜେଜେମାଙ୍କୁ ଆତ୍ମହତ୍ୟା କରିଛି।
ରିପବ୍ଲିକ୍ ଟିଭି ଏହି ଅଭିଯୋଗକୁ ଖଣ୍ଡନ କରିଥିଲେ ଏବଂ ଏହା ପରେ କହିଥିଲେ ଯେ ନାଏକଙ୍କୁ ଶୋଷଣ କରି କିଛି ନ୍ୟସ୍ତ ସ୍ୱାର୍ଥ ଗୋଷ୍ଠୀ ଏକ ମିଥ୍ୟା ତଥା ମନ୍ଦ ଅଭିଯାନ ଚଳାଉଛନ୍ତି। ଚ୍ୟାନେଲ ବିରୋଧରେ ମିଥ୍ୟା ବିବୃତ୍ତି କରୁଛନ୍ତି।
ଗତ ସପ୍ତାହରେ ମୁମ୍ବାଇ ପୁଲିସ କାର୍ଯ୍ୟନିର୍ବାହୀ ସମ୍ପାଦକ, ଆଙ୍କର୍, ଦୁଇ ସାମ୍ବାଦିକ ଏବଂ ରିପବ୍ଲିକ୍ ମିଡିଆ ନେଟୱାର୍କର ଅନ୍ୟ ସମ୍ପାଦକ କର୍ମଚାରୀଙ୍କୁ ପୋଲିସ ବିଭାଗ ବିରୋଧରେ ଅପମାନଜନକ ଖବର ପ୍ରସାରଣ ପାଇଁ ମାମଲା ରୁଜୁ କରିଥିଲା। ପୁଲିସ କହିଛି ଯେ ରିପବ୍ଲିକ୍ ଚ୍ୟାନେଲ୍ ଏହି ଖବର ପ୍ରସାରଣ କରିଛି ଯାହା ପୁଲିସ କମିଶନର ପାରାମ ବୀର ସିଂଙ୍କ ବିରୋଧରେ ପୋଲିସ୍ କର୍ମଚାରୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି କରିବ।
ରିପବ୍ଲିକ୍ ଚ୍ୟାନେଲ ବିରୋଧରେ ଏହା ହେଉଛି ଚତୁର୍ଥ ମାମଲା। ସାମ୍ପ୍ରଦାୟିକ ଉତ୍ତେଜନା ସୃଷ୍ଟି କରିଥିବା ଅଭିଯୋଗରେ ପୂର୍ବରୁ ଦୁଇଟି ମାମଲା ଥିଲା। ଟିଆରପି ଠକେଇ ସହ ଜଡିତ ଏକ ମାମଲା ମୁମ୍ବାଇ କ୍ରାଇମ ବ୍ରାଞ୍ଚ ଦ୍ବାରା ଯାଞ୍ଚ କରାଯାଉଛି।