ଭୁବନେଶ୍ବର: ରାଜ୍ୟରେ ଭୀଷଣ ଅଂଶୁଘାତ ପରିସ୍ଥିତିକୁ ଲକ୍ଷ୍ୟ ରଖି ଆଜି ସ୍ବତନ୍ତ୍ର ରିଲିଫ୍ କମିସନର କଟକଣା ଜାରି କରିଛନ୍ତି। ଅରେଞ୍ଜ ଵାର୍ଣ୍ଣିଂ ଜାରି ହୋଇଥିବା ୨୧ଟି ଜିଲ୍ଲାର ଲୋକଙ୍କୁ ଅପରାହ୍ନ ୪ଟା ଯାଏ ଘରୁ ନ ବାହାରିବା ଲାଗି ନିର୍ଦେଶ ଦିଆଯାଇଛି। ମଙ୍ଗଳବାର ଓଡ଼ିଶାର ବାରିପଦା ଜିଲ୍ଲା ବିଶ୍ବର ସବୁଠାରୁ ଉତ୍ତପ୍ତ ସହର ଥିଲା। ବୁଧବାର ୭୩ ବର୍ଷର ପାଣିପାଗ ଇତିହାସରେ ସବୁଠାରୁ ଅଧିକ ତାତିଥିଲା ରାଜଧାନୀ ଭୁବନେଶ୍ବର। ଆଜି ସକାଳୁ ମଧ୍ୟ ଝାଞ୍ଜିମାଡ଼ ଆରମ୍ଭ ହୋଇଯାଇଛି।
ଅରେଞ୍ଜ ଵାର୍ଣ୍ଣିଂ ଜାରି ହୋଇଥିବା ଜିଲ୍ଲାଗୁଡିକ ହେଲା, ଖୋର୍ଧା, କଟକ, ଯାଜପୁର, ଭଦ୍ରକ, ଢେଙ୍କାନାଳ, ନୟାଗଡ, ଅନୁଗୁଳ, ଦେବଗଡ, କେନ୍ଦୁଝର, ବାଲେଶ୍ବର, ମୟୂରଭଂଜ, ସୁନ୍ଦରଗଡ଼଼, ସମ୍ବଲପୁର, ଝାରସୁଗୁଡା, ବରଗଡ଼, ସୋନପୁର, ବୌଦ୍ଧ, ବଲାଙ୍ଗୀର, କନ୍ଧମାଳ, କଳାହାଣ୍ଡି ଓ ନୂଆପଡ଼ା।