ଭୁବନେଶ୍ବର: କରୋନାର ତୃତୀୟ ଲହରିର ଭୟାବହତା ଦେଖି ରାଜ୍ୟ ସରକାର ଅନେକ ପଦକ୍ଷେପ ଏବେଠାରୁ ନେବା ଆରମ୍ଭ କରିଛନ୍ତି। କୌଣସି ପରିସ୍ଥିତିରେ ବି ତୃତୀୟ ଲହର ଯେଭଳି ଛୋଟ ପିଲାଙ୍କୁ ବେଶୀ ପ୍ରଭାବିତ କରିବ ନାହିଁ, ସେଥିପାଇଁ ଦେଶର ପ୍ରମୁଖ ଡାକ୍ତରଙ୍କୁ ନେଇ ସରକାର ଏକ କମିଟି ଗଠନ କରିଛନ୍ତି।
ଡ. ଶ୍ରୀନାଥ ରେଡ୍ଡିଙ୍କ ଅଧ୍ୟକ୍ଷତାରେ ହୋଇଥିବା ଏକ କମିଟିରେ ଡାକ୍ତର ଦେବୀ ସେଟ୍ଟୀ, ଡାକ୍ତର ରମାକାନ୍ତ ପଣ୍ଡା ପ୍ରମୁଖ ବଡ଼ ଡାକ୍ତର ଓ ବୈଜ୍ଞାନିକଙ୍କୁ ଏଥିରେ ଅଛନ୍ତି। ଡିଏମ୍ଇଟି ଡାକ୍ତର ସିବିକେ ମହାନ୍ତି ଏହାର ଆବାହକ ଅଛନ୍ତି। ସେମାନଙ୍କ ପରାମର୍ଶ ଅନୁସାରେ ଭିତ୍ତିଭୂମି ନିର୍ମାଣ ହେବ। ସେହିଭଳି ପାଖାପାଖି ମାସେ ଯାଏ କଠୋର କଟକଣା ଭିତରେ ରହିବା ଲାଗି ମୁଖ୍ୟସଚିବ ସୂଚନା ଦେଇଛନ୍ତି।