ନ୍ୟୁଜ୍ ବ୍ୟୁରୋ: ଜାପାନର ଆଇଚି-ନାଗୋୟାରେ ଚାଲିଥିବା ୨୦ତମ ଏସୀୟ କ୍ରୀଡ଼ାରେ ସୁଟିଂରୁ ଭାରତର ପଦକ ଅଭିଯାନ ଆରମ୍ଭ ହୋଇଛି। ମହିଳା ୧୦ ମିଟର ଏୟାର ରାଇଫଲ୍ ଟିମ୍ ଇଭେଣ୍ଟରେ ଏଲାଭେନିଲ୍ ଭାଲାରିଭାନ୍, ସୋନମ ମାସ୍କର ଓ ବିଦର୍ଶା କେ. ବିନୋଦଙ୍କ ଦଳ ରୌପ୍ୟ ପଦକ ଜିତିଛି। ଭାରତୀୟ ଦଳ ମୋଟ ୧୮୯୮.୦ ପଏଣ୍ଟ ସହ ଦ୍ୱିତୀୟ ସ୍ଥାନରେ ରହିଥିଲା। ୧୯୦୪.୨ ପଏଣ୍ଟ ସହ ଚୀନ୍ ସ୍ୱର୍ଣ୍ଣ ଏବଂ ୧୮୯୭.୧ ପଏଣ୍ଟ ସହ ଆୟୋଜକ ଜାପାନ କାଂସ୍ୟ ପଦକ ହାସଲ କରିଛି। ଦଳ ପକ୍ଷରୁ ସୋନମ ୬୩୪.୧, ଏଲାଭେନିଲ୍ ୬୩୩.୫ ଓ ବିଦର୍ଶା ୬୩୦.୪ ପଏଣ୍ଟ ସ୍କୋର କରିଥିଲେ।
ଏହାପରେ ବ୍ୟକ୍ତିଗତ ୧୦ ମିଟର ଏୟାର ରାଇଫଲ୍ରେ ମଧ୍ୟ ଏଲାଭେନିଲ୍ ଭାଲାରିଭାନ୍ ରୌପ୍ୟ ପଦକ ଜିତିଛନ୍ତି। ଫାଇନାଲ୍ରେ ୨୫୨.୪ ପଏଣ୍ଟ ସ୍କୋର କରି ସେ ଦ୍ୱିତୀୟ ସ୍ଥାନରେ ରହିଥିଲେ। ଏଥିସହ ଏଲାଭେନିଲ୍ ଏହି ସଂସ୍କରଣରେ ଦୁଇଟି ରୌପ୍ୟ ପଦକ ହାସଲ କରିଛନ୍ତି। ଦଳୀୟ ଇଭେଣ୍ଟରେ ଭଲ ପ୍ରଦର୍ଶନ କରି ଏଲାଭେନିଲ୍ ଓ ସୋନମ ବ୍ୟକ୍ତିଗତ ଫାଇନାଲ୍ ପାଇଁ ମଧ୍ୟ ଯୋଗ୍ୟତା ହାସଲ କରିଥିଲେ। ଆଗକୁ ବିଭିନ୍ନ ସୁଟିଂ ଇଭେଣ୍ଟରେ ଭାରତୀୟ ଖେଳାଳିଙ୍କ ପ୍ରତିଯୋଗିତା ଜାରି ରହିବ।